☻☻☻أمــل بــكــرة☻☻☻ الحــلقــة الرابعه

... أمل: انا معرفوش اصلا يا أمجد عشان تسألنى عن رائيي فيه

 أمجد: بس بقى هو عايز يعرفك اكت

ر امل: ازاى يعنى

 امجد: اتقدملك وكلمنى وقالى شوفها لو وافقت هيكلم ابوكى

 امل: ايه!! مستحيل طبعآ امجد: ده ليه انشاءالله مستحيل طبعآ

 امل: اولا انا معرفوش ثانيآ انا فسنة تانيه كليه ومش عايزة حاجة تعطلنى ثالثآ بقى...

 امجد: ايه ثالثآ بقى ياحلوة (بيمسكها من ايديها) عارفة اقسم بالله لو ف حد انتى بتحبيه ولا شغل سهوكة البنات ده هعرف وصدقينى مش هيحصلك طيب

أمل: والله م فى حد..انت ليه ع طول بتشك فيا..انا بقصد مش عايزة اتجوز اصلا

 امجد: ليه هتترهبنى...انا بقى هقوله يكلم ابوكى وانا عن نفسى موافق

امل: ايوة طبعآ انت موافق عشان هيسفرك ويجيبلك عقد ومش مهم راحتى انا ،انت انانى اوى حرام عليك

امجد: (بيضربها بالقلم) اوعى اسمعك بتقولى كده تانى وهقعد الطش فيكى كده لحد م تتعدلى وتبقى زى البنات المحترمة...قال انانى قال

أيمن: ع فكرة انت غلس معاها اوى حرام عليك..مش عايزة تتجوزة يااخى هو بالعافيه؟!

 امجد: اخرس ياد مش فاضل غير العيال كمان...روح شوف مذاكرتك جايز تفلح

ايمن: حاضر داخل اصل مافيش حد فلح الا انت

 امجد: عايز تاخدلك شبشبين انت كمان انا معنديش مانع اي

من: ياعم هو انا قلت حاجة..انا داخل اتنيل

 امجد: ده ايه البيت الى محدش عاملى اعتبار ف ده

 ======================

علاء قاعد مستنى ياسمين ناحية المعمل بتاع كليته ...واهى جت

 علاء: حبيبتى الى وحشانى

 ياسمين: عامل ايه ياواد علاء: عامل ايه ياواد !! طيب ياستى

 ياسمين: ستى!!

علاء: ههههههههه مش انا واد.."ب انتى ستى

ياسمين: وبس

 علاء: وتاج راسى كمان..وحشتينى اوى اوى ع فكرة وقدامك ربعاية عشان عندى محاضرة فالمعمل 4 ساعات لما هيطلع عين ابويا

ياسمين: ايه قدامك ربع ساعة دى..طب انا ماشية

 علاء: لا استنى يامجنونة..ايه الى مابتصدق دى

 ياسمين: ده بدل م تقولى هقعد معاكى وهكنسل للمحاضرة

 علاء: لااااااااا ده عندكو فتجارة ..انما احنا شنق ع طول

ياسمين: ياخويا مهتم اوى بالمحاضرات والكليه قال يعنى هتتخرج تبقى وزير مثلا

 علاء: لا مش وزير بس هبقى دكتور فالطب الشرعى ..اه فرقت بونط من كتر تفكيرى فحضرتك انى اجيب طب بس اهو اى طب يسد المهم يتقالى يادكتور علاء

ياسمين: بس كده!! ده كل طموحك؟ علاء: اومال احلم بأيه اكتر من كده

 ياسمين: يعنى مش بتحلم تسكن فشقة عالنيل ولا تركب عربية ولا حاجة علاء: اول مرة اخد بالى انك عندك تطلعات ياياسمين..انا كل الى نفسى ف ابقى دكتور واتجوزك حتى لو فاوضه اهم حاجة اكون معاكى ياسمين: اوضة!! لا كلام الافلام ده مش بتاعى..انا دلوقت بكلمك جد ،انت ايه مقدورك فالمعيشة ياعلاء؟

علاء: يعنى شقة ايجار ومعيشة بسيطة ليا انا وانتى وراضى والحمدلله ياسمين: بس ده مش طموحى علاء: اااااااااه طموحك...اوك ياياسمين محاضرتى بدأت هخلصها واكلمك عن اذنك ياسمين: انا مخلصتش كلامى ياعلاء علاء: ياسمين عندى محاضرة..لو سمحتى نأجل موضوع طموحاتك ده بعدين لحسن فالاخر لا نطول بلح الشام ولا عنب اليمن ياسمين: والله!! علاء مشى وهو متدايق من ياسمين...حاسس انه اول مرة يشوفها من كلامها ده. ياسمين مش عارفة هى قالت كده ازاى ،بس بتتكلم جوه نفسها ان دى طموحها الى مش هتتنازل عنها ابدآ.. ======================= عبدالله كل يوم فالبيت..امل متدايقة ومش لاقيه حل بعد كمان م باباها م اقتنع بعبدالله وفاتحها فالموضوع انها تتخطب السنتين الباقيين وتكمل وهى مخطوباله وبعد التخرج الجواز..بس امل مش عايزة كده . حتى لو عالاقل مش هتتجوز حد بتحبه مش عايزة تتجوز بالطريقة دى، لحد م ف خناقة من خناقها مع امجد كالعادة ع موضوع العريس بتنزل من البيت وهى مخنوقة رايحة تستنجد باخوها ابراهيم يشوف حل معاهم وهى ماشيه دموعها بتنزل ومش شايفه قدامها..حاسة ان خلاص حياتها بيقضو عليها والمفروض انها متنطقش. ومابين تفكير وسرحان وقرب بيت ابراهيم ،بتعدى الشارع وهى مش واخدة بالها بتصدمها عربية اجرة !! صوت الفارمل والناس طلعت من محلاتها ...ياساتر يارب!

!

☻☻☻

 بيطلعو كل الناس من محلاتها مخضوضين من صوت فرامل العربية...واحد من صبيان مصطفى فالمحل بيقولة ع الحادثة فبيخرج مصطفى يشوف زيه زى الناس فبيلاقيها أمل!! مصطفى بيتخض وبيحاول يفوقها بالمية وياعينى السواق وقف ومخضوض.. السائق: والله ما لمستها هى بس اتخضت ووقعت رحت انا فرملت فآخر لحظة..شوفوها والله م فيها خدش ،انا مش حمل مصايب ياربى ده انا بجرى ع عيال سيدة مارة بالشارع: لا هى فعلا التاكس مقربلهاش..واضح انها مخضوضة بس عشان كده مغمى عليها مصطفى: خلاص خلاص ياجماعة كل واحد يروح لحاله..دى واحدة اعرفها انا هاخدها عندى المحل افوقها واتصل بأخوها السائق: يعنى امشى انا ياباشا مصطفى: امشى ياعم الله يسهلك مصطفى شال أمل بين درعاته ..ودخلها المحل ومعاه صبيانه ،وجاب منديل وغرقه مية ومسح بيه وشها عشان تفوق.. امل بتفوق بس الوقعة خبطتها ع دماغها جامد..بتفتح عنيها لقت مصطفى قدامها...بيبصلها اوى ومخضوض عليها! أمل مش عارفة ايه الى جابها عند مصطفى ..اصلها م الوقعة مش مجمعة..بس فرحانة من جواها وعنيها كلها دموع مصطفى: انتى كويسة؟! أمل: الحمدلله... مصطفى: سلامتك..انتى محصلكيش حاجة كل الى فيها اتخضيتى بس امل: طب انا همشى اروح لاخويا... مصطفى:انا اتصلت بيه وهو جاى دلوقتى...متقوميش انتى لغاية ما ييجى...يعنى ..ع اساس ان نطمن انك بقيتى تمام صبى بالمحل: اللمون يااسطى مصطفى مصطفى: اتفضلى امل: لا شكرا مش عايزة حاجة مصطفى: لا عشان تفوقى كده من الوقعة...انا هطلع ابص ع ابراهيم ...الف سلامة عليكى كانت احلى مرة تسمع فيها امل " الف سلامة عليكى !! " مع انها كلمة عادية ،بس كانت حنينة اوى عليها فوقت هى تعبت ف من كل حاجة. ابراهيم جه مخضوض ع أمل...وداخل يشوفها واول م شافها حضنها وهى م صدقت شافته عيطت فحضنه اوووى وخدها وطلعو ع شقته.. مصطفى مستغرب..مالها امل وايه الى فيها..هو ميعرفهاش بس هو حاسس بيها انها تعبانة .. ==================== ياسمين عالفون مع امل بليل وعرفت كل الى حاصل معاها واتدايقت اوى عشانها ..وبتحاول تفكرلها فحل . مامت ياسمين بتنادى عليها وبتقولها ان خالتها ومصطفى ورشا اخته بره ولازم تيجى تسلم عليهم. ياسمين: ايه ياخالتو لازم ماما تتعب عشان تيجى؟ خالتها: والله انا كنت مستنيه مصطفى يرجع من المحل عشان ييجى معايا..عشان كان قايلى الصبح انه عايزك فحاجة ياسمين:عايزنى!! خير ف ايه مصطفى: تعالى طيب نتكلم فالبلكونة عبال م الجماعة يسلمو ع بعض دخلو البلكونة ومعاهم كوبايتين العصير ،وبعد طبعآ م اطمنو ع بعض واخبارهم ..دخل مصطفى فالحوار الى كان عايزها فيه والى قلقه من امبارح مصطفى: هى مالها امل ياياسمين؟ ياسمين: امل صاحبتى!! وانت بتسأل عليها ليه؟ مصطفى: اصل لما وقعت امبارح ..انا شوفتها تقريبا هى وقعت قدام محلى ع طول...المهم قوليلى مالها ياسمين: هى تهمك فحاجة يامصطفى مصطفى: انتى ليه بنت خالة غلسة كده!! سؤال ورد غطاه انجزى ياسمين: بص هى معاها مشاكل كتير فالبيت بسبب عريس متقدملها وغاصبين عليها تتجوزه وموافقين كمان..عشان كده راحت لابراهيم تشوف حل معاهم وحصل الى حصل مصطفى: تتجوز!! (مصطفى سرح لدقيقة وياسمين لاحظت) ياسمين:انت بتحبها؟! مصطفى: معرفش اقولك ايه ياسمين: لو بتحبها...انجدها وروح انت اتجوزها مصطفى: اتجوزها ازاى ياياسمين وانا شايل حمل اربع اخوات وامى ...وببنى بيتنا الى كان هيوقع عليناده ومكملتش تعليمى..ده كله ميخلينش عالاقل اتقدم ياسمين: يعنى ايه بقى...هتسيبها تتجوز مصطفى: ياريته كان بايدى..عالعموم لو ليا نصيب فيها هتجوزها ياسمين: ونعم بالله..ياعينى ياامل طول عمرك مظلومة مصطفى: محدش فينا اختار حياته تبقى كده ياياسمين...دى اقدار وادينا عايشين .. ========================= بليل ياسمين قاعدة فأوضتها..كلام مصطفى عن امل والقدر حسسها بالخوف لعلاء يضيع منها ..رغم ان ربنا مديها فرصة عنهم انها تكون مع حبيبها . فبتقرر تتصل بيه تصالحه! ياسمين: الو...ازيك ياواد ياعلاء علاء: الو يابت ياياسمين ياسمين: انا قلت هلاقيك نايم...مالك صوتك ماله؟ انت بتجرى علاء: لا مش نايم..انا لسه قافل الصيدليه وبجرى الحق المواصلات ياسمين: صيدليه! علاء: ايوة انا بشتغل دلوقتى فصيدلية فترة مسائية بعد الكليه...اصل حضرتك مش بتسألى ياسمين: طب وليه بتتعب نفسك من دلوقت ياعلاء..هتذاكر امتى كده كليتك صعبه علاء: ياستى ربك يدبرها..انا بقسم وقتى ..بس للاسف بييجى ع حساب نومى واكلى ياسمين: طب ليه كده ياعلاء علاء: عشان واحدة نفسها اعيشها ملكة الكون..وابقى بعد التخرج ع معاد مع والدها وانا بتقدمله وجاهز اخدها لبيتى ياسمين: هه طب يتكثف طيب.. علاء: طب بحبك طيب ياسمين: مكنتش اعرف انك بتحبنى كده طيب علاء: اكتر م تتصورى طيب...بعشقك ياسمين: ياسمين سهرت ع مكالمة علاء وهما مبسوطين سوا...بس ياترى الحب ده هيطول ؟ولا الدنيا والظروف هتغير حاجات كتير فحياتهم؟!

#أمل_بكرة

لــ #نور_اسماعيل