مريم: وانا كمان استنو اقول لبابا
سالى : ايه ياجماعة عادى روحو كدا ايه جو المخابرات ده
هنا: ياحبيبتى دول بنات ليهم اهل يسالو عليهم
سالى : وانا ايه بقا يا ست هنا؟
هنا: هه(بسخرية) انتى بنت ناس تانيين....المهم كلموهم عشان نلحق نطير ونرجع
****************
الفتيات يذهبن اليهم فيجدو شقيقة عمرو قد انجبت فتى...
عمرو:(حاملا الطفل) ماشاء الله شبههى ياسحر هتسميه ايه ؟
سحر: هسميه كريم عشان بطلع قمر زييه كفايه تعبه معانا واستحملنى طول الطريق اضرب فيه هههههه
كريم: هتسموه على اسمى !!!...
ربنا يخليكى ياسحر كلك ذوق انتى اختى وانا زى عمرو وانا معملتش حاجة بالعكس
عمرو : ازاى بقى شكرا لتعبك يا كريم انت مش مجبور تيجى فالفجر وتخدنا وتستحمل ضرب من الاستاذه هههههههههه .....وبعدين ياست سحر ماتسميه عمرو مانا طول عمرى طلعان عينى معاكو
سحر: اختك امل مسمية عمرو هيبقو 3 عمرو كفاية ههههههه
عمرو: ماشى ماشى هنا: ياخلاسى كيوت اوى
طارق: ده شبه عمرو كيوت ايه يخربيت النفاق
هنا: اسكت ياحقود
كريم: وبعدين ده اسمه كريم ع اسمى يبقى هيكون قمر لما يكبر والمزز كتييير حواليه ههههه
ندى : ياسلااااااااااااااام
كريم: بهرج والهى ...هى واحدة بس
هنا: (مقاطعة لهم) احم احم ...طيب يانحنوح منك ليها احب اقولكو مفجأة فقلب المستشفى هنا مع ان مش وقته
كريم: ايه؟ هنا:مستعدين؟؟؟
الجميع : قولى ....ها...اخلصى
هنا: خطوبتى بعد بكررررررررررررررة
الجميع: اووووووووووووووووووووووووه
و جاء يوم خطوبة هنا ..والكل مستعد لحضور الحفل وان يشاركوها هذة الفرحة فهنا فتاة محظوظة بحب اصدقائها لها والتفافهم حولها.. هنا ترتدى فستان لونه ازرق هادئ وعندما تخرج بها الفتيات الى العريس يفاجئ الجميع بجمالها الفتان وبالاخص كريم فهو ينبهر من رويته لهنا لاول مرة ملابس فتاة رقيقة وليس كالمعتاد اعتيادها ع ارتداء ملابس الرجال التى لاتليق بها وكان دائما ينعتها ب " مسترجلة!!!"
يبدء الحفل ويهدى رفاق هنا اغنية بمناسبة الخطوبة من تأليف مريم والحان وعزف احمد وعمرو وطارق... يرقصون ويغنون حتى نهاية الحفل ، حتى ياتى كريم ممسكا بيد حسن ليقول له فى اذنه:
.. كريم: انت واخد جوهرتنا يا حسن حافظ عليها انت متعرفش هى غاليه علينا ازاى..وعشان كدا انا اول مرة شوفتك قولتلك انها اختى انا فعلا مش عندى اخوات بنات بس هنا دى اختى الى اغلى من اى اخت
حسن: ربنا يخليك يا كريم انت متعرفش هنا بتتكلم عليك اد ايه وبتمدح فيك ازاى ...وهى فعنيا متقلقش
يتنهى الحفل ويعود كلا منهم الى منزله حتى ينامو بعد انهاكهم بيوم طويييييييييل ومتعب ماعدا هنا !!....فهى الوحيدة التى سهرت تتحدث الى حسن لتحكى له ع مدى فرحتها مراقبة دبلة الخطوبة بيدها وهى تستنكر مايحدث والفرحة التى طالما تشعر بها بسبب ارتباطها لاول مرة...
. *********************
فى ذات يوم يكون الجميع حاضر بالمعهد بعد تلقيهم محاضرة ، واذ تنادى سالى على لتريه شيئآ..
سالى : كريم، تعالى عايزة اوريك حاجة
كريم: طب ثوانى ياسالى .....ايوة نعم
سالى تريه الرقصة الجديدة التى ستقدمها بالمسابقة التى ستبدء مع بدايه الفصل الدراسى الثانى ، وحينما هى تريه الرقصة فاذ بها تقع على الارض فيجرى عليها كريم لتنهض فتدخل ندى ومريم ليرو هذا...
ندى: ايه ده ؟...فى ايه؟
كريم: مافيش هى كانت بترقص فوقعت وبقومها
سالى : ايه ياندى انا وهو كنا بنرقص وبعدين وقعنا لما مسك ايدى جامد ولفنى ايه محصلش حاجة...
كريم: ايه ياسالى انتى بتبرشمى!!....محصلش هى كانت بترقص لوحدها والهى صدقينى
ندى تخرج مسرعة لتلحق بها مريم وكريم.
كريم: والهى كدابة محصلش الى هى بتقوله ده
ندى: ياسلام وهى هتكدب ليه.؟
مريم : صدقيه ع فكره انا مكنتش موجودة بس انا عارفة ان سالى كدابه كتير وبتغلس عليكو سيبك منها وكمان هى الى نادت عليه من وسطنا...
كريم: والهى زى مابتقول مريم....عايزة توقع وخلاص ماتخليهاش تعمل مابينا مشكله بقى
ندى: طيب خلاص....بس متبقاش تقف معاها وحدكو تانى ممكن؟
كريم:عيونى ياباشا....اضحكى بقى
وفى ظل محادثتهم سوا يأتى اتصال هاتفى الى مريم من جارة لهم فتجيب..
مريم: الو...ايوا ياطنط خير فى حاجة؟
السيدة: معلش يامريم ممكن تيجى دلوقت
مريم: ليه ياطنط فيه ايه؟بابا فيه حاجة
السيدة:لا لا متقلقيش تعالى بس تسرع مريم الى منزلها ويذهب معها البقية.
.. ***************************
السيدة تشرح لمريم ان فاتورة الكهرباء جاءت اليهم اذ يطرقون الباب ولكن والدها لا يجيب اكثر من مرة يطرقون ولكن بلا جدوى حتى كسرو الباب فوجدوه ملقى بالارض بغيبوبة سكرى فنقلوه للمشفى.... مريم عند والدها ويطمنئها الطبيب بانه سيعافى فور افاقته من الغيبوبة ولكن السبب بالغيبوبة هو عدم اخذه للدواء لمدة...
مريم متوجهة ناحية
ندى: انا خايفة ياندى خايفة اوى بابا يحصلله حاجة
ندى: متخافيش مجرد كومة سكر عادية وهيقوم منها
على : يابنتى متكبريش الموضوع هيقوم بالسلامة متخافيش
كريم: بس خليه ياخد دواه متنسيهوش..طب هو بينساه انتى خدى بالك
مريم : الفكرة انى والهى باخد بالى ع طول بس الدوا غالى وخلص من يومين وانا لسه هاخد مرتبى اول الشهر عشان كدا مكانش معايا فلوس اجيبه
كريم: طب ده ينفع!!!...اومال اخوات واصحاب والافلام دى تبقى ايه يابت انتى عندك بدل الاخ 7 ازاى ماقولتيش لحد ، طب كدا باباكى تعبان بسبب غباءك ده والفرق اللى انتى عاملاه
مريم : انا عارفة ياكريم انكو اخواتى بس مبحبش ابقى تقيلة...والمصيبة كمان ان مصاربف المستشفى دى هدفعها منين؟
عمرو: متقلقيش ياستى احنا قمنا بالواجب...اخلصى بقا وخفى كلامك الهايف ده اهم حاجة نطمن عل بابا دلوقت..
.. اثناء الكلام يخرج الطبيب اليهم ليخبرهم ان والدها افاق من الغيبوبة ويريد رؤية ابنته... تدخل مريم اليه
مربم: بابا انت كويس حمدلله على سلامتك
الوالد: مريم انا عايزك تسمعينى.....انتى راجل يامريم....وربنا اختارلك الامتحان الصعب ده عشان بيحبك....متخافيش انا لو رحت ربنا معاكى احن من اى حد
مريم: (باكية) بابا متقولش كدا انت هتقوم....بابا......بابااااااااااااا...ماتسبنيش ابوس ايدك...اااااانا كده هبقى لوحدى خليك معايا علشان خاطرى...يابابااااا
ا يأتى الطبيب ليتفحصه فيجده ..قد فارق الحياة!! مريم تنهار وتبكى بشدة فتذهب خارج المشفى تجرى هائمة ع وجهها والجميع خلفها ليلحقو بها وهى تبكى وتردد" بابا مات.....انا لوحدى خلاااااااااااااااااص...بابا ماااااااااااااات" حتى تقع مغشى عليها فيحملها على والجميع حولهم والدموع تغرق عيونهم... الشباب بعد ان تقوم بمراسم العزاء والدفن ..ومريم غارقة بصدمة منعتها التحدث ولا الاحساس بشئ، يشغلهم شئ واحد اين ستذهب مريم وقد اصبحت وحيدة الان!!!
على :: انا لاقيت حل ياجماعة
..!!! الجميع: ايه؟
على : ترجع لاهلها ده اسلم حل ، دى بنت ومينفعش تقعد لوحدها تروحلهم تحلها بهدوء وتقنعهم بوجهه نظرها
كريم: ايه العبقرية دى ياعلى كانت تايهه عننا فين!! لا طبعا مينفعش هى رايحة تقنعهم برحله طلعاها دى مغيرة دينها اولا وثانيا بقى انها صعيدية يعنى ممكن يقتلوها اسالنى انا عن الصعايدة
سالى : وانت تعرف عادات الصعايدة منين بقا؟؟
كريم: احم...لا عادى من المسلسلات متركزيش انتى معايا خلينا دلوقتى فحل مشكله مريم هنعمل ايه؟
عمرو: اممم بصو احنا ناو داخلين ع امتحانات الترم نخلصها ونفكر فحل وخلال الفترة دى البنات مش يسيبوها خالص واحنا نقوم بطلباتها كلها بيس؟
طارق: اهى فكرة بردو لحد مانشوف حل عشان هى حالتها النفسية زفت
ندى: مش كفايه لا بتاكل ولا بتشرب ولا بتحس بحاجة شغالة عياط بس
كريم: ربنا يكون فعونها دى حاجة مش سهله ياندى اهم حاجة دلوقت تكونو جنبها..
تنتهى امتحانات نصف العام ، وفى خلال هذه الفترة الفتيات لن يتركو مريم ابدا حتى اتت لندى وكريم فكرة معا وهى انها تمكث عند ندى وتقيم عندهم وهذا الحل الوحيد لان ندى هى ووالدتها فقط يعيشون معا علاوة على ذلك هى تفضل ندى وترتاح معها وبالنسبة لهنا فوالدها بالمنزل ولاشك انها ستكون شاعرة بالاحراج معهم وسالى تعيش بمفردها ايضا وطريقة معيشتها لا تروق الى مريم مطلقآ...
توافق مريم على هذا الاقتراح بعد الحاح طويل معها ولكن ستشرط ان تظل بعملها لتساعدهم لانها فتاة حساسة جدآ ، وبعد مماطلة والدة ندى امامها توافق ع ذلك وتنتقل مريم للعيش معهم....
********************
بعد مرور اسابيع ....كريم حالة فى تغير فهو بدء بعدم الالتزام بالمحاضرات وايضا اصبح دائم العبس والصمت فهو من عادته المزح مع اصحابة والجلوس دائما بينهم يغنى وهائم بالرومانسية مع ندى، ولكن حاله انقلب راسآ ع عقب تمام واكثرهم ملاحظة ذلك عليه بالطبع ندى وهنا وعلى!!
ندى تشكو الى مريم باهمال كريم لها فهو اعتاد ع محادثتها تيلفونيا وان يكون معها باستمرار ولكنه منذ فترة مبتعد عنها وعن الجميع وان جلس معه شرد بذهنه بعيدآ فهذا كريم الذى لاتعرفه ابدآ..
. يمر شهرا على هذا وتمل ندى من انتظاره ومن سؤاله ماذا به ولكنه يجيب لا شئ. حتى تقرر بيوم بعد اعتياد غيابه بالمعهد ان تذهب اليه منزله ولكن كيف ستذهب؟!
ندى: ماما كنت عايزة اطلب منك طلب والدة
ندى: خير فيه ايه ندى: ماما انا عايزة اخرج اجيب شوية لبس لمريم وكدا انتى عارفة هى بقت وحدها ومحدش بيجيب لها حاجة
والدتها: امممممممم..."بس هتخرجى وحدك!! خديها معاكى
ندى: لا طبعآ ياماما هى حساسة اوى ولو عرفت انى هجبلها حاجة مش هترضى لكن انا هحطها قدام الامر الواقع
والدتها: امممم...طيب متتاخريش فاهمة
ندى: حاضر
*********************
ذهبت ندى الى حيث يسكن كريم، فتصعد اليه وتطرق الباب فلا يجيب وتطرق عدة مرات فتخرج سيده جارته لتخبرها انه فهذه الاوقات يكون بسطح المنزل فهو اعتاد ع ذلك ورؤيته اكثر من مرة ،فتصعد اليه...لتجده!!
ندى:(باستحياء) كريم!!....قاعد هنا لوحدك ليه؟
كريم: (باندهاش شديد يلتف الى الوراء) ندى!!..انتى ايه الى جابك؟
ندى: مش عايز تشوفنى (بحزن)...انا جيت اطمن عليك مش بترد ع فونك وقلقت
كريم: مش قصدى بس انتى حد عارف انك هنا؟
ندى: محدش يعرف انى هنا ...مش ده المهم المهم انتى مالك فيه ايه بس بتبعد ليه...فى حاجة انا عملتهالك؟
كريم:(بعد تفكير طويل ناظرا الى الارض ثم يرفع وجهه اليها) لا معملتيش حاجة ...
ندى: عايزة افهم مالك بتبعد عنى ليه
كريم: ياندى سيبينى فحالى ابوس ايدك انا مش ناقص
ندى: اسيبك....كمان اسيبك ، كريم انت مكنتش بتروح لحد تشتكيله غيرى...انا ندى حبيبتك
كريم: (بضيق وغضب) ندى بقولك ايه انا واحد مستقبله مش مضمون ولا انفعك ولا انفع غيرك اقولك حاجة يابنت الحلال ابعدى عنى انا منفعكيش
ندى: (تبكى) ابعد عنك....ليه يا كريم عملت ايه غلط فحاجة فى عيب فيا
كريم: العيب عندى انا ياستى والهى انتى احسن بنت فالدنيا واى حد يستاهلك بكرة تحبى وتعيشى انما انسينى
ندى:(تبكى بحرقة) لا ياكريم انت مش فوعيك صح..ده من ورا قلبك الكلام ده ...رد عليا قولى صح
يسكت كريم و ينظر ثانيه الى الشارع من السور ليقول لها " امشى ياندى"
ندى تبكى بحرقة فتذهب لحوض موجود ع السطح لتغسل وجهها، بينما كريم يجد ورقة وقلم بجانبه فيكتب لها " ابــعدى عنـى ولو جيــتلك تانى متــرجعليش انــا منفــعش ليــكى " يضع الورقة بشنطة يدها فترجع ندى لتاخذ شنطتها وتقول له..
ندى: يعنى انا جايه انهاردة عشان اسمعك اتريك عايز تسبنى
كريم: امشى ياندى ...روحى
تهرول ندى عالسلم باكية بشدة اذ تنزل الى الشارع فتجد على امامها فيندهش من وجودها عند كريم
على : ايه ده؟؟...انت ايه الى جايبك هنا؟
ندى:(باكية) على خدنى من هنا
على : فيه ايه انا طالع لكريم اشوف ماله...انتى بتعيطى ليه فهميبنى ازاى تيجى لوحدك اتجننتى
ندى:(بغضب) انا عايزة اروح ياعلى
(وتسبقة فيذهب وراءها ليوقفو سيارة اجرة ويعودو للمنزل وبداخل على حيرة مما يرى، ماذا بها؟..لماذا اتت بمفردها؟
لايعلم
*************
.....#fبقلم_نوراسماعيل
حلقه راااائعه ويااريت بتمني ما تردي طلبي نزلي القصه دي كلها ع المدونه مادام انتي كنتي نشراها قبل كده انا ما عندي صبر استني :( نزلي الباقي بقي بليييييييييييز انتي بتحبيني وانا بتحايل عليكي كده ها :D:D
ردحذفلا والله حااااااااااااااااااضر هنزلها كلها مرة واحدة بس الجزء التانى حلقات حلقات اوك
حذفتسلم ايدك شنو حلو والله هذى القصة
ردحذفيعنى لازم تقفليها هنا يعنى يانونو كده ينفع برضه بس الحلقة نحفه
ردحذفهننزل واحدة جديدة ياقمر اهو
ردحذف