~~~☻☻☻أمــل بــكــرة☻☻☻ الحــلــقة الثــانيه.

 خلصت حنة اخت ياسمين بعد مامشيت أمل وهى مشدودة ومش عارفة ايه الى حصلها فجاة من بصة مصطفى ليها وجه يوم الفرح وطبعآ اكيد ياسمين مشغولة مع اختها الوحيدة ومقدرتش أمل تروح ..

.وبعد م خلص الفرح وكمان عدى بعده اسبوع لولا م عرفت أمل تتلم ع ياسمين تحكى معاها وترغى فالتليفون بدل الوحدة والملل الى هى عايشاهم طول الوقت. مننكرش ان امل خدتلها يومين تفكر فمصطفى ومش قادرة تنساه بس بردو معلقتش نفسها..اصل امل عمرها م حلمت بحاجة ولا استنت حاجة دايمآ سايباها ع ربنا كده .

 ياسمين بتحكى هى وامل تيلفونيآ عن الفرح والى حصل ف ، وشوية يحكو عن فرحتهم بالنتيجة بتاعتهم ومجموعهم القريب من بعض بس امل اعلى بحاجة بسيطة وشوية يحكو عن التنسيق وخايفين لتجيلهم كليه بعيد عن بعض او جامعات متفرقة. وفوسط المكالمة...

 ياسمين: تعرفى ان مصطفى ابن خالتى سأل عليكى!

 أمل: (بتدارى كسوفها وبتدارى ع ياسمين انها فاكراه) ايه؟ مين؟

 ياسمين: يابت مصطفى ابن خالتى الى شاورتلك عليه من الشباك

امل: اه افتكرت...ماله

 ياسمين: فالفرح سألنى عليكى وقالى هى مين صاحبتك الى كانت باصه من الشباك معاكى دى ؟

 قولتلو دى امل بنت الحج عبدالباقى صاحب محلات العطارة فالشارع الى ورانا

امل: قالك ايه؟

 ياسمين:قالى اه عرفه وعارف اخواتها...اصل اودة نوم اخوكى ابراهيم والسفرة طالعة من عنده فالمعرض هو الى عاملهم.

امل: والله!! طب كويس..وبس كده

 ياسمين: اه بس كده...المهم اخوكى امجد نجح صحيح؟

 امل: ايوة ياختى...بس طبعآ كالعادة مافيش حاجة بتعجبه قال ايه مش عارف يفرح عشان بعد النتيجة هيعمل ايه ومافيش شغل فالبلد

ياسمين: والله اخوكى ده خميرة عكننة ..الله يكون فعون الى هتتجوزة

 امل: يتجوز ده ايه..انتى عارفة دايمآ يقول لماما انا مستخسر نفسى فالى هتتجوزنى ياسمين: ايوة عشان هو احمد زويل اصلى امل: هههههههههههههههههههه الله يكون فعونه

 ============================

 عدت الايام بسرعة والتنسيق بان وجت لامل حقوق القاهرة زى م كانت نفسها وبتدعى فصلاتها..وياسمين جاتلها تجارة القاهرة بردو ، الحمدلله جتلهم نفس الجامعة عشان ميتفرقوش عن بعض بقى . اول يوم جامعة ..

. ده بيفرق فحياة ناس كتير ،بيبقى ليه ذكرى حلوة متتنسيش طول العمر... طبعآ بعد الحاح طويل من امل ع باباها انه يجيبلها موبايل زى ياسمين عشان حتى يتطمنو عليها، باباها مكانش موافق عشان بيخاف من حكاية الموبايلات دى والى بيسمعه عنها. بس قدر ابراهيم اخوها الكبير ان يقنعه انه ضرورى عشان هى بنت ولازم يعرفو مكانها واخبارها.

..عشان كده الموبايل كان اول هدية من ابراهيم لامل بمناسبة الكليه.. لكن لازم امجد يفرض شروطه عليها ان مش اى واحدة تاخد رقمها ولازم تكون بنت موثوق فيها ،ده غير الوصايا العشر قبل م تروح الكليه انها مالهاش دعوة بحد وخصوصآ الشباب وخليها مع ياسمين وبس وطبعآ كان لازم يشترى معاها اللبس الجديد بنفسه عشان يتطمن ع انه واسع وفضفاض ومحتشم.

..يعنى حتى فرحتها دى مخلهاش تفرح بيها رغم انها كانت هتجيب زى م هو اشترى بس فرحتها دى كمان راحت . وصلهم امجد اول يوم الكليه ،وبعد م خدوا عالطريق والمحاضرات وعدى اسبوعين ع امل وياسمين بيحصلهم موقف غريب جدآ... ياسمين وامل بياكلو حاجة من الكافتيريا بين المحاضرات زى م بيتفقو مع بعض بالفون..

. ياسمين: ع فكرة...ف حد سالنى عليكى تانى ؟

 امل: مين؟حد م البنات؟

 ياسمين: لا البنات تقريبآ حنان قعدت فالبيت بعد وفاة مامتها ومقدمتش كليه شكلها كده هتتجوز ابن عمها مانتى عارفه انهم صعايدة وعادى بيتجوزو بدرى وشيماء جتلها معهد الاسلكى تقريبآ...لاء انا مقصدش دول انا قصدى حد تانى

امل: حد زى مين؟

 ياسمين: مصطفى ابن خالتى

 امل: ياااااااااه...لسه فاكرنى

 ياسمين: شفته امبارح عندنا وقالى اخبار صاحبتك الحلوة ايه؟

امل: حلوة!

! ياسمين: ايوة وقالى ع فكرة امل جميلة اوى من احلى البنات الى شوفتها فحياتى...بس انا قلتله فكك منها قالى عادى ع فكرة انا بسأل عادى

امل: هو قالك عنى كده!!

 ياسمين:(وهى بتحكى مع امل بتبص لاقت علاء جاى عليهم وبيضحك اوى) ايه ده !!

 امل: ف ايه؟

 ياسمين: علاء!! علاء اهو

 علاء فعلا جه ناحيتهم وضحك وقالها: ممكن دقيقة ياياسمين...اظن هنا كمان مش هتمشى وتسيبينى ،احنا مش فالشارع احنا فجامعة

 امل: (بتبتسم اوى وتغمز لياسمين بعنيها) طيب ياياسمين انا عندى محاضرة دلوقت هخلص وارنلك...بتبعد وهى بتضحك وهى باصة لياسمين وعلاء وماشية زى الهبلة وحاسة بفرحة ياسمين الكبيرة ده غير فرحتها بكلام مصطفى عنها عشان عمرها م سمعت كلمة حلوة من شاب كل ده وهى رايحة ناحية الكليه بتاعتها تحضر المحاضرة..

. ياسمين: خير ...ف حاجة

علاء: لا ابدآ...ع فكرة انا مبسوط اوى انى طلعت زميلك هنا

 ياسمين: زميلى!!

 علاء: ايوة ،انا فكليه علوم اتقبلت فيها واول مرة اشوفك انهاردة فالجامعة بردو وفرحت اوى...لان من ساعة المرة الى فاتت وانا عايز اقولك حاجة مهمة

 ياسمين: ايه بقى وبسرعة عشان عيب وقفتنا دى

علاء: احنا فجامعة وكلهم واقفين عادى متخافيش ...بصى ياستى انا تقريبا كده بقالى 3 سنين مشغول وبسهر كتير ومش بنام وحاجات كده ياسمين: طيب وانا مالى (بس ع فكرة هى فرحانة وقلبها بيدق اوى وبتدارى)

 علاء: ع فكرة بقى انتى مالك جدآ عشان انتى السبب

 ياسمين: ايه!! يانهار اسود

 علاء: ايوة انا معجب بيكى اوى وعايز ارتبط بيكى...بس مش دلوقت لما هتخرج بس اعرف الاول انك بردو حاسة ناحيتى ايه وعايز اعرف دلوقت

 ياسمين: يانهار اسود!!

علاء: لا ابيض انشاءالله...ها ايه ردك

 ياسمين: يانهار اسود!!

 علاء: انتى علقتى...ايوة انا بحبك ياياسمين قولى رابع يانهار اسود!!

 ياسمين: انت بتقولى انا الكلام ده ...يا امــــــــــــــــل!! (بتجرى بعيد عنه وهى متلخبطة وبتتصل بأمل وبتطلعها من المحاضرة عشان تروح ...اصلها مش عارفة تتلم ع روحها من ساعة الى سمعته من علاء)

 ===============

 روحو البيت البنتين وكل واحدة هيمانة فملكوتها...امل شغلت اغنية لعبدالحليم فاوضتها وحاضنة العروسة بتاعتها وشغال يتردد فودنها الكلمتين بتوع مصطفى الى قالهم عنها... اما ياسمين...فهى فعالم تانى فرحانة وشغالة ترقص زى المجنونة وجابت رقم علاء واتصلت بيه قال عامله نفسها بتعتذر عن انها سابته ومشيت...لكن فالحقيقة ! هى كانت عايزة تسمع صوتة تانى وكتيييييييييييير

☻☻☻ بعد م سهرت ياسمين تكلم علاء لحد الساعة 3 الفجر،ودى اول مرة تعملها فحياتها بس كانت احلى ليلة فحياتها. طبعآ صحيت

 بالعافيه الصبح عشان المحاضرات ع رنات امل عالموبايل..صحيت وعدت عليها امل وراحو الجامعة وطول الطريق تحكيلها الى حصل بينهم فالمكالمة امبارح لدرجة ان فاتتهم هما الاتنين اول محاضرة..

. أمل: 5 ساعات يامفترية !! 5 ساعات بتحكو فالتليفون...جبتو كلام ورصيد منين الله يخرب بيوتكو

 ياسمين: ههههههههههههه ده احنا كنا عايزين نحكى اكتر من كده بس قفلنا عشان المحاضرات...ده قعد يقولى انا من اولى ثانوى وانا واخد بالى منك وفضلت امشى وراكى وانتى مروحة واستناكى فمواعيد الدروس زى الاهبل فعز الشمس ونفسى تشوفينى وتاخدى بالك منى واول مرة اخدتى بالك منى وابتسمتيلى الدنيا مكانتش سايعانى وكان نفسى اعرف اسمك وبالصدفة سمعت صاحبتك وهى بتناديكى .."ياسمين".. الله عالاسم الحلو قعدت اكتبه فكل كشاكيلى واحلم بيكى ولازم افكر فيكى الاول عشان اعرف اذاكر

أمل: الله الله الله وايه كمان؟

 ياسمين: وقالى انا كنت بحبك ومش عايز منك حاجة كل الى كنت عايزه اعرف انتى حاسة بيا ولالاء، لما كنتى بتاخدى بالك منى انى مستنيكى ولما كنتى بتتلخبطى وبتحمرى لما تشوفنى كنت بعرف انك حاسة بيا...لحد م واحد صاحبه قاله لازم تعرف اذا كانت بتحبك ولالاء لان مينفعش حب السينما الصامتة الى انتو ف ده واقترح عليه يدينى رقمه

 أمل: ههههههههه فاكره اليوم ده؟

 ياسمين: طبعآ...وعمرى م انساه ...قالى لما كسفتينى مزعلتش عرفت انك اكتر بنت مؤدبة ممكن اختارها شريكة لحياتى وفضلت افكر فيكى طول الليل واقول يارب اشوفك تانى لحد م شوفتك انهاردة مصدقتش عنيا واخدت خطوة جريئة وكلمتك أمل: ها....اوعى يكون اخد فكرة وحشة عشان كلمتيه فالفون؟

 ياسمين: مانا قولتله كده...وقولتله والله عمرى م كلمت ولد فالموبايل واوعى تاخد فكرة وحشة عنى راح قالى بالعكس انا عمرى م اخد فكرة وحشة عنك ياياسمين انتى غير كل البنات ومبسوط عشان عملتى كده وهتخلينى اقرب ليكى اكتر

 أمل: الله...الحب حلو اوى...انتى مبسوطة مش كده

 ياسمين: اووووووووووووى....فوق م تتصورى...ده حتى لما نمت معرفتش انام من تفكيرى ف وكلامه ورقته يالهوووووووووى

 أمل: طب يلا ياختى نلحق محاضرتنا التانيه بدل الى ضاعت دى ههههههه

 فنهاية اليوم بيرن علاء ع ياسمين وبيتفق معاها يشوفها 5 دقايق قبل م يروح واتفقو تستناه فمكان معين فالجامعه.. أمل متوترة اوى ومستنيه مع ياسمين وعايزة تروح لانها بتتكسف من الحاجات دى . فبيت امل بقى مامت امل كانت عايزة تروح تزور عمتها العيانة وكانت عايزة تقول لامل عشان متجيش ومتلاقيهاش فتقلق، امجد بيتصل بيها ولاقى فونها مغلق اتعصب وقال لوالدته انه هياخد تاكسى ويروح الجامعة يشوفها فين عشان قلق عليها لانها اتأخرت..

. لكن بقى امل كان علاء جه وكان بيحكى شوية مع ياسمين...لاحظ ان امل مكسوفة وعمالة تتلفت حواليها وخايفة فحب يهزر معاها شوية.

. علاء: ايه يا أنسه امل مالك؟

 امل: ها مافيش حاجة (وهى باصة فالارض)

 علاء: ع فكرة بقى ياسمين بتحبك اوى ...امبارح مالهاش كلام غير عليكى لدرجة انى قولتلها قربت انسى ان اسمك ياسمين من كتر كلامك عن امل هههههههه

 أمل: اه ماهى ياسمين اختى وحبيبتى

 علاء: ربنا يخليكو لبعض يارب

دخل امجد الجامعة لاقاهم فوشه وعلاء واقف معاهم وبيحكى مع امل وبيضحكو ...تخيلو ايه الى هيحصل للمسكينه ؟؟

 امجد: انتى هنا وقافلة تيلفونك؟...ومين ده

علاء: انا زميلهم

 أمل: يالهوى.!! امجد انا كنت جايه دلوقتى

 امجد: تعالى حسابك فالبيت

 ياسمين: أمجد استنى افهمك الموضوع انت فاهم غلط

 امجد: لا غلط ولا صح ...يلا ياهانم ده انا هطلع عينك انهاردة

مشيت امل واخوها ساحبها من ايدها وزقها فالتاكس وكانت شغالة تعيط وخايفة، لكن علاء سأل ياسمين عليه قالتله الحكاية كلها وانها لازم تلحقها ليعمل فيها حاجة . علاء جاب لياسمين تاكسى وقالها هكلمك بعد م تروحى تطمنينى

 دخلو من باب الشقة امجد وامل وهو طول الطريق بيزعقلها واول م دخلت اشتغل فيها تلطيش وهى مش عارفة تنطق بالحقيقة. ايمن الصغير بيطلع من الاودة وبيقولة ف ايه ليه بتضربها بس امجد مش سامع حد غير نفسه

. امجد: قافلة التليفون ودايخين عليكى...كذا مرة حذرتك متكلميش شباب حصل ولالاء؟

امل: والله ده زميل ياسمين كانت بتاخد منه حاجة

امجد: زميل ياسمين تبقى انتى تغورى تمشى ومالكيش دعوة بيهم مش ضحك وكركرة ايمن بيتصل باخوه ابراهيم عشان يلحق امل من ايد

امجد. بييجى بسرعة ابراهيم بس بعد م يكون ضربها جامد وعلم فوشها الضرب وداخت ووقعت فالارض. بتوصل ياسمين معاه لبيت امل.

اراهيم: ايه ده يااخى انت بتضرب حيوان عندك

 امجد: دى حيوانة وانا الى هربيها ..الست هانم وقفالى مع شاب وشغالة ضحك وكركرة فالجامعة..دى مابقالهاش شهر فيها ..طيب والله م هخليها تكمل

 ابراهيم: ايه يا امجد انت اتجننت اختك محترمة

 امجد: ياابراهيم البنت الى كانت بتوقف مع شباب فالجامعة انت عارف كنا بنقول عليها ايه

 ياسمين: ده زميلى يا امجد وكان بيدينى حاجة ومكلمش امل...حرام عليك الضرب ده

 ابراهيم : كده وشها ...انا هتصل بابوك يتصرف معاك

بتعيط امل فحضن ياسمين ..وياسمين شغالة تبوس فراسها انها السبب فالى حصلها ،ولما جه باباها شرحتله الموضوع وزعق ابو امل ف امجد ع تصرفه مع اخته..

 ===============

طبعآ الضرب ساب اثر فوش امل خلاها متروحش الجامعة لاسبوع فبتقرر صاحبتها فالدفعة كرستين تسأل ع بيتها وتجيبلها هى المحاضرات..

 كرستين: مساء الخير...مش ده بيت امل عبدالباقى؟

 الام: ايوة يابنتى

كرستين: انا زميلتها وجايبلها محاضرات

الام: اتفضلى اهلا وسهلا بتدخل امل ع كرستين الصالون بتلاقيها مضروبة وشبه مشووهة فبتتخض

كرستين: ايه ده!! مالك؟!

#امل_بكرة

#نور_اسماعيل

 =================