الحــلــقة الثــامنـه (ايام الضحك والدموع)... .&الجزأ الاول&

 "اعتراف"

تتفاجئ ندى....كل اللوحات هى المرسومة بهم!!

 ندى: ايه ده...كل الصور انا ...على

ممكن تفهمنى؟

 على : عايزة ايه منى ...انتى مش خلاص شوفتيهم، يلا عشان تروحى

 ندى: مش هتحرك من هنا الا لما اعرف اشمعنا انا؟؟؟

 على يتنهد ولم يستطع ان ينظر الى وجهها ناظرا الى النافذه..الكلام هيوجع لو طلع ياندى..مش هقولك اكتر من كده!!.

. ندى: لا هتجاوبنى...ايه الصور دى ؟وليه لسه محتفظ بالمج بتاعى؟؟وليه كاتب اسمى فمفكرتك؟؟؟ورقصتك معايا يوم عيد ميلاد سالى ، تفتكر دى حاجات محدش يستغربلها!!

على :(يتحدث اليها وهو مستدير غير مواجه لها) الكلام هيوجع ياندى..

 ندى: لو هيوجعنى موافقة..بس اتكلم ارجوك ياعلى ،عمرى ماحسيت انك بعيد عنك اد انهاردة...ده كان بشوف واحد تانى

 على : الكلام هيوجعنى انا ياندى..حرام عليكى والهى ماقادر ندى:مش هسيبك لازم اعرف ف ايه...ليه انا ياعلى ؟

 على : ارحمينى انتى حبيبة صاحبى افهمى

 ندى: افهم ايه؟..ياريتنى قادرة افهم حاجة، ثم ايه الى دخل كريم فالموضوع على: ندى كنتى عايزة تشوفى اللوح وشوفتيهم (ثم يستدير اليها)ممكن تنزلى مامتك هتقلق عليكى

ندى: لا مش هنزل غير لما تقول..ليه انا؟...ليه كل ده...ارجوك رد عليا (على مقاطعا لها بلهجه حادة) عشان بحبك!!!

 ندى: ايه!!!..(تجلس بهدوء على الكرسى ناظرة نظرة استغراب الى على

) على : (دامعآ) مرتاحة كدة؟؟ايوة بحبك...من يوم ماعينى م وقعت عليكى فاكرة..واحنا صغيرين من اكتر من 9 سنين وانتى جوايا،حاولت كتير احسس نفسى انك اختى منفعش،احسسك انى بحبك وبردو منفعش!...لغاية يوم عيد الحب فاكراه اليوم ده مستحيل انساه كنت جاى اقولك خلاص انى بحبك...فجأة سمعت كريم بيقولهالك،وسكتت لكن اتفاجئت ياندى انك انتى كمان بتحبيه!!

 ندى: (بعتاب) متكلمتش ليه ؟؟سالتك يومها ومجاوبتنيش

 على : اجاوب اقول ايه...صاحبى الى انقذنى من الموت زمان بيحبك لا وانتى كمان بتحبيه!!..يافرحتى اقولك عشان تبعدى عنى ولا عشان صاحبى ياخد منى موقف، ده انا استحملت امثل الدوور المزيف دور الاخ ليكى طول الوقت عشان منتفارقش..استحملت نظراتكو لبعض ..حبك ليه...كلامكو سوا...حتى الحاجات الى بتخبوها عن الناس انا شوفتها(بنبرة آسى

) ندى: حاجات ايه؟؟ احنا عمرنا م عملنا حاجة غلط وان كان خروجة ولا حاجة كنت انت بتبقى عارف

 على:(بغضب)يعنى مسبتهوش يبوسك ياندى!

! ندى: (بحدة) فين ده محصلش!! والهى ماحصل على : فى الرحله لما اتاخرتو علينا ...متكدبيش انتى مش كدابة،بس انا شوفتكو

 ندى: (بذعر) انت شوفتنا!! تسمحلى يااستاذ على اقولك انك مابتشوفش ..لان كريم ميل ع خدى فعلا بس انا قمت وزعقتله وهو اعتذرلى ورجعنالكو تانى ...انا عمرى ما اعمل حاجة غلط ياعلى دى مش تربيتى

على:(بخجل عما كان يظن خطأ) خلاص اى ان كان انا اسف بس كنت بتحرق ف كل مرة انتى كنتى فيها معاه..ومع ذلك فضلت سعادتك ع سعادتى وكنت بنبسط وانتى فرحانة .. ودلوقتى انتى عرفتى كل حاجة....مكنتش لازم اجاريكى واقولك السر ده كان هيفضل جوايا لحد م اموت ...هنعمل ايه ياندى؟!

ندى:(بعد صمت وتفكير ناظره الى وجهه) انا هروح!!

 تذهب ندى الى منزلها الدموع بعيناها..ماذا سمعت وماذا ستفعل؟؟وكعادتها انتظرت مريم حتى تعود لتخبرها عما حدث!..

. ***********************

تعود مريم فتخبرها ندى بكل مادار بينها وبين على فتخبرها بانها كانت تعلم وتخبرها عن الاشياء التى كانت تراها ولا تخبر احد بها ،وايضا اخبرتها انه فى يوم عيد الحب بعد نزولهم ..هنا قتلها الفضول لتعرف ماذا كانت هدية على وبالفعل جمعوها حتى وجدت دميه من زجاج ترتدى رداء ملكة..فتخبرها ندى بذهول انها كانت ترغب بها منذ فترة لكنها لم تشتريها لان كان ليس لديها المال الكافى...

 عالنحو الاخر الحج فاروق يتحدث الى الطبيب بعد فحصة من فحوصاته اليومية لحالة كريم...

 الحج فاروق: ايه يادكتور...طولت رقدته الواد..بقاله شهور ع ده الحال ولا حركة ولا حاجة

 الطبيب: ياحج كريم فمرحلة مش سهله ده مضروب بطلقة جنب النخاع الشوكى يعنى الحمدلله انه مماتش لا قدر الله

الحج فاروق: هو ممكن يعدى منها ولا ايه طيب؟

 الطبيب: العلم عند الله...بس انت ازاى تعمل كده ف ابن اخوك ياحج؟؟

 الحج فاروق: اعمل ايه استفزنى وعلى حسه على وانا دمى حامى محسيتش بنفسى غير وانا مطلع الطبنجة وضاربة طلقة وواقع قدامى!!

الطبيب: بس الامور مابتتحلش كده ياحج عالعموم..هو لو قام منها انشالله نرجو من الله انه ميصابش بشلل لانها كانت قريبة جدا من العمود الفقرى

 الحج فاروق: ربنا يستر..

. فى ظل محادثتهم يجلس نادر بغرفة كريم بجانبه ينظر اليه..وهو يقرأ القرآن...واذ بكريم يتمتم باسم ندى..ثم يفتح عيناه شيئآ فشيئآ... نادر: ماما كريم فاق والهى فاق ياماماااااااا

 الام: احمدك يارب واشكر فضلك وتدخل اليه بينما يهرع عمه والطبيب اليه فى عجاله...

كريم: ندى...آآآآه...تعبان اوى

الام: ياحبيبى حمدالله ع سلامتك

 نادر: ماما مين ندى الى بينادى عليها دى؟؟

!!

الام: ندى ايه...هو اخوك حاسس بحاجة، اسكت بس خلينا نطمن عليه

 الحج فاروق: كريم ياولدى انت كويس؟؟

 كريم:(بصوت خافت الوضوح) الحمدلله ..هو انا حاصللى ايه مش حاسس بنفسى

 الطبيب: مافيش ياكريم ده مجرد حالة عرضية عشان انت لسه فايق

 كريم:(ينظر الى والدته) ماما انا فيا ايه؟

 الام:(عيناها تدمع) مافيش حاجة ياحبيبى ..زى م قللك الدكتور كده متقلقش نفسك اهم حاجة انك قمت بالسلامة.. الطبيب يتحدث الى الحج فاروق جانبآ موضحآ له انهم لابد وان يبدئو فى العلاج الطبيعيى بما انه فاق واجتاز المرحله الخطرة ولكن بعد تحسن صحته قليلا....

 *******************

ندى...فى حالة ارتباك شديدة، الامتحانات بدات وهى لم تستطع التركيز بالقدر المطلوب فلم يتردد بتفكيرها سوى كلمات على لها، علاوة ع ذلك ان على قد ابتعد عنها قليلا بعد اعترافه لها ،فهو اصبح شديد الخجل منها ولا يتحدث اليها كما كانو سابقآ... فى كل يوم من اداء امتحانتهم...ندى ومريم يذهبا مع على ولكن على ملتزم الصمت...فقد ترك المذاكرة معهم واصبح وحيد اغلب الوقت... وانتهت امتحانات آخر العام...وطوال الاجازة الصيفية، على لم يزر منزل ندى ولا مرة.. ندى انشغل تفكيرها بعلى ...اصبحت شاردة كثيرآ وصامتة اغلب الوقت،وتجلس بمفردها كثيرآ بشرفتها...تنتظر على ان يكون بشرفته فتراه،،،

 بدء العام الجديد...

.ندى تقترب من على وبدات تتغير معاملتها معه ليس ع نحو الاخوة ولكن ع نحو جديد لم يعتاد على عليه منها...

. مريم تلاحظ ولكنها سعيدة جدآ بتخطى ندى حاجز الذى كان يعزلها عنهم، وبدأت مشرقة من جديد. السنة الدراسية بدأت وانها السنة الاخيرة لهم وكان يعمها الشغل الزائد والمجهود والجميع بكـــــامل نشاطهم. اصبح على انشط من السابق واعتاد التدريب معهم ع التمثيل والغناء وهذا بفضل...ندى!!

 كريم حالته فى تحسن...قد اخبرهم الطبيب بان الشلل الموجود بارجله اتضح انه شلل مؤقت وسيزول مع العلاج الطبيعى والتمرينات ولكن بمرور الوقت.. الحج فاروق يشغله امر الثأر فهو لم يهدأ له بال منذ معافاة كريم مما كان فيه، وذات يوم يدخل الى كريم ليتحدث اليه، بينما يكون كريم ممسكآ بصورتة هو وندى يوم عيد ميلادها وعيناه دامعه..وهو يتمتم

 " وحشتينى اوى "

يدخل الغرفة فيخبأ كريم الصورة ليجلس عمه بجانبه...

 الحج فاروق: كويس ياكريم وصحتك عال؟

 كرم:(بضيق) الحمدلله ياعمى...انا بس كنت مخنوق شوية

 الحج فاوق: مالك ياولدى مخنوق من ايه...لو عالتعب دى هتبقى زى الفل انشالله بس واحدة واحدة

كريم: مش كده وبس ياعمى انا كمان مخنوق جدآ عشان دراستى انا بقالى اكتر من سنة ونص مروحتش، اكيد قيدى هيسقط لانى مروحتش ..ده انا كنت من افضل الطلبه والاساتذه بيحبونى هناك

. الحج فاروق: بص ياكريم هكلمك بصراحة...هتروح المعهد وهتذاكر وهتنجح وهتبقى فشر نور الشريف وكمان لو عوزت ابنيلك مدينة انتاج كمان هبنيهالك بس تسمع الى هقولك عليه وتعمل الى عايزة

كريم: وان معملتش ياعمى؟ الحج فاروق:(يضحك ضحكة سخرية) وماله متعملش وانا بقى هفجأك هعمل ايه معاك

بقلم نور اسماعيل