ايام الضحك والدموع... ج2 الحــلقــة ال 10

 "وعــد العيون "

 يوم جميل تبدأه مريم بعملها حينما دخلت وجدت باقة ورود ع مكتبها والكارت الملحق بها مكتوب عليه ..

 "انتى غير الجميع...بسمتك لون الربيع،حبيت ابعتلك حاجة حلوة ومعاها كلمتين لمنير صباح الفل...امضاء يحيي"

 تبتسم مريم بشدة وتنظر حولها من الخجل وتسأل عامل نظافة المكتب عن باقة الورد فأخبرهابأن عامل بمحل الورد قد طلب منه وضع هذه الباقة ع مكتب الانسة مريم عزالدين. تتذكر مريم حينما اقترحت ع يحيي ان يصنع هذه المفاجأة لشهد ليخبرها بحبه لها ولكن اتت الرياح بما اشتهت السفن هذه المرة وانعكست الدفة عليها فبدأت يومها بأشراق وتفاؤل.

. *******************************

 ندى مشغولة كثيرآ ببيتها بعد ما كانت تشعر بالملل الشديد فأصبحت شغلها الشاغل هو طفلها القادم وشراء مستلزماته وصنع ملابس صوفية من صنع يديها وتهيئة غرفته بالالعاب والدمى وصور الاطفال . وبينما هى منهمكة بعملها بالمنزل اذ احدآ يطرق الباب فتذهب لتفتح لتجد امامها سالى.!

! سالى : انا اخدت عنوانك من هنا...ممكن ادخل

ندى:(تفاجئ من قدوم سالى اليها لمنزلها) اه طبعآ اهلا بيكى اتفضلى

سالى: (تدخل الى غرفة الاستقبال) انتى مستغربة مجييتى صح ندى: لا ياحبيبتى تشرفينى فأى وقت

 سالى: قوليلى الاول على موجود؟

 ندى: لا ياستى خدى راحتك على بيرجع من شغله بليل يعنى محدش هنا غيرى انا وانتى..تشربى ايه

سالى :(تنظر الى بطنها بأستغراب) هو انتى حامل ياندى؟

 ندى: كل ده ومش باين..اه ياستى فالرابع

 سالى: الف مبروك..ربنا يقومك بالسلامة

 ندى: تسلمى ياسالى ..ها مقولتيش تشربى ايه ولا اقولك انا هدوقك كوكتيل الفواكة الى بعمله ثوانى واجيلك.

 تخرج ندى بينما تحدق سالى بالغرفة وتنظر ع اثاثها البسيط الجميل وتخرج وهى تنظر الى منزل ندى وصورها هى وعلى التى عالحائط والتى عالمنضدة والتحف التى تحمل ارواحهم الموجودة بكل ركن بالمنزل ،تنظر ويملئها تساؤل وفضول. اما ندى... فهى فى شدة استغرابها من وجود سالى عندها وزيارتها المفاجئة ،فالكل يعلم انهما لم يكونا مقربتان بالمعهد وكانت دائمآ سالى ع خلاف مع ندى حتى ان خطبت لعلى بدأت بتصليح علاقتها معها. ولكن ندى كالمعتاد منه استقبال اى ضيف بمنزلها بترحاب ووجه بشوش... احضرت ندى المشروب واتت للجلوس مع سالى التى تتجول بمنزلها وهى هائمة مبتسمة.

ندى: انا جبت عصير هيعجبك..ايه رائيك حلو بيتى؟ سالى: شبهك انتى وعلى اوى،بسيط زيكو ندى:(بمزاح) معلش ميلاقش بيكى يافنانة ههههههههههههه

سالى : عيب عليكى ياندى متقوليش كده ،ده انتى حبيبتى وانا منكو من زمان...الشارع بتاعك كله كان بيبص عليا وانا جاية لك

 ندى: طبعآ يابنتى مش بتطلعى فالتليفزيون بقالك فترة ومكسرة الدنيا

 سالى: ههههههه مش اوى يعنى (يعبس وجهها بعد ضحكتها العاليه يخبئ الكثير من المشاعر المختلفة)

 ندى: مالك ياسالى ...حاسة ان فيكى حاجة مش متظبطة؟

 سالى: ندى هسألك سؤال

 ندى: اتفضلى

 سالى: هو انتى بتحبى على فعلا...ولا لسه..

. ندى:(تقاطعها) متكمليش ،كريم مش كده؟ انا منستهوش اه بس مش فاكراه

سالى: مش فاهمة

 ندى: يعنى مينفعش اى حد ينسى اول حب فحياته بكل م فيه من اول مشاعر جميلة بتحسيها لاول كلمة بحبك بتتقالك وبتقوليها بتبقى ذكرى حلوة مش اكتر...لكن كريم نفسه انا مش فاكراه لانى على عوضنى مليووووووووون مرة

سالى: بس هو لسه بيحبك،وانا جيالك انهاردة عشان تقوليلى اعمل ايه اخليه يحبنى زيك كده ..طول السنين دى منسكيش مهما عملتى ف وانا بكل الى بعملهوله ده مش فاكرنى

 ندى: (تتنهد) بصى ياسالى كريم مش بيحبنى ولا حاجة ،انا هفهمك كريم ايه سالى: يارييييت عشان تعبانة اوى

 ندى: بصى ياسالى كريم الى مخلينى جواه لحد دلوقتى هو انى انا الى قفلت حكايتنا وانا الى بأيدى كان القرار وحتى بعد ما رجع م رجعتلوش فضلت مع على وكملت مع على. كريم غروره مخليه مش شايف انى انا الى سبته وازاى اسيبه وافضل عليه على ،اى راجل مش بيحب ابدآ الست الى بيحبها تكون قادرة ع بعدة بس انا قدرت واختارت م كملش معاه عشان كده انا لسه جواه عشان مش هو الى قرر يقفل حكايته معايا انا الى قفلتها

 سالى :بس انا عملت معاه كل حاجة تتخيلها او متتخيلهاش اديتله حبى ومشاعرى ساعدته لما محدش كان واقف جمبه ،خسرت اعز شئ عليا عشانه قصاد بس كلمة حلوة منه ترضينى..عارفة ياندى نزلت معاه بلده اشتغلت خدامه فالبيت عندهم استحملت اهانته وامارته قدام اهله ...(تبكى) كتير اوى نمت بعيط منه بس مقولتش عملت كل شئ ياندى

 ندى:(تتأثر بحديثها) طب بس متعيطيش عشان خاطرى

 سالى:(تبكى بحرقة) عارفة ياندى مش عايزة منه غير عيله يبقى جوزى وانا مراته واجيب اولاد نفسى اوى ياندى عشت طول عمرى لوحدى..لا اب ولا ام وحتى اخوات..ياندى ده لوقال اه انا الى بتوجعله .لو شفته حزين بعمل المستحيل عشان افرحه وهو نايم بليل ببصله واكلمه واقوله حس بيا والله تراب رجلك انا بحبه بس بيبقى نايم ومش حاسس بحاجة

 ندى: وهو نايم!! (تسأل بتردد) سالى اوعى تكونى ....عايشة معاه..انا اسفة يعنى؟؟

 سالى :(تنفجر بالحديث) ايوة عايشين سوا من غير جواز!!

 ندى:(تضع يدها ع فمها من الدهشه) يانهار اسود...طيب وو..

. سالى: وكل حاجة حصلت بينا ياندى (تبكى) وبردو بيعاملنى بمنتهى الاهانة والقرف

دى:كريم!! انا مش مصدقة ..طب هدى نفسك(تعطيها منديل لتمسح دموعها) سالى انتى الى عملتى كده فنفسك...رخصتى نفسك ع الاخر ليه.مين قال انك بالشكل ده هيحبك بالعكس انتى عارفة يحبك امتى

 سالى : امتى ياندى ندى: لما تبعدى عنه ويحس بفراقك واجعه ازاى ..لما يبقى ليكى كرامة ميقدرش يدوسها وتعملى لنفسك خط احمر ميتخطهوش

 سالى :(تمسح دموعها وتتمتم بصوت منخفض) بعد ايه بس

ندى: لا احنا لسه فيها ..امشى من بيته وسيبيه خليه يحس بقيمتك وبقيمة كل حاجة عملتيها معاه

 سالى: مش هقد

ر ندى: ماهو هوده الى مخليه بيدوس عليكى ياهبلة..افهمينى كريم بالذات نوع من الرجالة لما بتبعدى عنه بيعرف قيمتك طول مانتى فايده مش هيشوفك ياغبية

سالى: هحاول ياندى...والله هحاول(تنظر الى بطن ندى) ممكن طلب ياندى؟

ندى: اتفضلى

 سالى: ممكن امشى ايدى عالبيبى واحس بيه

 ندى: هههههههههههه طبعآ تعالى اوريهولك بيتحرك ازى

 سالى :(تضع يدها) الله جميل اوى..حسيت بحنيه جامدة اوى وانا بمشى ايدى

 ندى: ههههههه شكل حنان الامومة ربنا نزله فيكى...للدرجة دى نفسك فعيله ياسالى؟

 سالى: اوى ياندى اصلك مش هتحسى باللى انا عايزاه ده لانك مجربتيش يعنى ايه وحدة... ندى: اعملى الى بقولك عليه وانسحبى من حياته وهتشوفى

سالى: انسحب ازاى وانا بعمل معاه فيلم...يعنى ليل ونهار فوشى

ندى: مش مهم كأنه شغل عادى خلصيه وبرة الشغل مالكيش علاقة بيه..هو اسمه ايه الفيلم

؟ سالى: اسمه وعد العيون

ندى: ده عشان انتو ال2 عنيكو ملونة يعنى..هههههه اضحكى بقى هتفرج والله صدقينى..

 *******************************

فى مساء اليوم التالى ... الكل مجتمع بمنزل ووالدة ندى ،يحيي ومريم وندى وعلى والام يتسامرون ويتحدثون عن موضوع خاص بيحيي..

. يحيي: (متوجه للجميع بالحديث) وبس واول م قعدت عندهم..بقوله بعتتلى ليه ياعمى احنا مش خلاص خلصنا الموضوع، وده راح متخنلى فصوته زى الجاموسة الوالدة كده وقالى الشبكة من حق شهد لانك انت الى فاسخ قولتله ياعم خدوها مش عايزها بس حلو عنى وقمت ماشى راحت قالتلى بالبساطة دى وعاملالى فيها ليلى مراد وبتسبل فعنيها

 ندى:(قادمة من الداخل تحمل طبق كبير من الفواكه) قال يعنى كانت بتحبك وزعلانة عليك دى بت طماعة كانت هتخرب بيتك والله

على:(يقوم بحمل الطبق من ندى ليضعه بالمنتصف جلستهم) يلا اهى راحت لحالها جاتها مصيبه عاملة زى اليهود الجميع يضحك ...فتتحدث الام الى ندى

 الام: لسه بردو مش عايزة تشوفى نوع الجنين ياندى وتروحى تكشفى

ندى: ياماما انا مش تعبانة وكله تمام متقلقيش ياست الكل

يحيي: طب اتفقتو ع الاسماء ولا لسه

 ندى: ايوة فكرتنى اخوك عايز يسمى كامل ع اسم باباكو ده ينفع اسم قديم يعقد الوا

د يحيي: ايه ياعم انت ...لا طبعآ على: ع اسم ابوك ياشيخ الراجل تعب معانا برضه

 يحيي: يعنى انت لو مش سميته ع اسمه هيتبرا منك!!

 على: هههههههههه لا مش كده بس ...

يحيي: بس ايه من الذوق تخلى مامته تسميه(يتوجه لندى) نفسك تسمى ايه ندى: بحب اسم يوسف اوى

على: امممممم طب خلاص يوسف يوسف..بس لو بنت هسميها ع اسم ماما خديجة

 ندى: ههههههههههههه بردو ماشى حلو خديجة مريم تقوم من بينهم وهى تضحك وتدخل الى الشرفة فيدخل ورائها يحيي..

. يحيي: احم احم..ممكن اقعد معاكى شوية

 مريم:(بخجل) طبعآ..اتفضل يحيي: انتى ملاحظتيش حاجة كده ع مكتبك امبارح؟

 مريم: (تمسك باحد خصلات شعرها من الخجل وتنظر للارض) ايوة...ميرسى ليك اوى

يحيي: اومال مكلمتنيش ليه لما شوفتيها مريم: ماهو انا اتكسفت بصراحة

 يحيي: يالهوووووووووى عليك يابو يحيي..انا الى عامل كل ده فلون وشك قلبتى طمطماية كده ليه يابنتى ههههههه؟

مريم: بس بقى يايحيي وبطل غلاسة يحيي: طب نغير الموضوع عشان متتكسفيش

 مريم: نغير الموضوع

يحيي: انتى بقى نفسك تسمى ايه لما تتجوزى زى العيال دول

 مريم: بحب اسم عمر

 يحيي: وانا كمان ..(يمسك بأحد يداها) تقبلى تبقى مامة عمر ابنى

مريم: يالهووووووووووى حرام عليك هيغمى عليا

 يحيي: طب نقول مبروك

 مريم: مش قادرة انطق..هقع منك والله

 يحيي: السكوت علامة الرضا...هيييييييه بحبك يااحلى مريم فالدني

ا مريم: لا كده كتير.(تسقط مغشى عليها!! )

 "بدأت اللعبة .."

 يوم جديد جميل بقصة مريم ويحيي ... فهما اليوم معآ بيوم عطلتهم الاسبوعية من العمل،يتنزهون ويستمتعو بيومهم ع اكمل وجه. فقد ذهبا الى السنما معآ يشاهدو فيلم رومانسى معروض ،واثناء مشاهدتهم للفيلم ..هما غارقان بالحديث سويا ولم ينتبها للفيلم قط..

 يحيي: لا بجد كان شكلك يضحك لما اغمى عليكى.هههههه يابنتى انا قلت بحبك مأجرمتش يعنى

مريم:(بصوت منخفض) اصل انا اتكسفت خالص...والشعورده جديد عليا،بس شفت ندى بعد م فوقت وهى بتزعقلك وبتقولك حبكت تقولها فالبلكونة يايحيي هههههههههه

 يحيي: اه هههههه ندى دى عجيبة هى كمان قال يعنى لو كنت قولتهالك جوه كان الامر هيختلف احد الافراد الحاضرين العرض بالسينما ينزعج من صوتهم فيتكلم معهم بغضب..

 الشاب: لو سمحت مش سامعين من صوت حضرتك والانسة

 يحيي: ايوة اعمل ايه انا يعنى

الشاب: عايز تحكى ..اتفضل فأى حته وخلينا نتفرج عالفيلم

 يحيي:(ينزعج ولكن يتكلم بمزح) ده ع اساس انك مدخلنى ع حسابك صح

مريم: خلاص يااستاذ احنا متأسفين(تتوجه ليحيي) اقعد يايحيي

يحيي:(بمزاح) لا مش هقعد..اشوف الاستاذ عايز يقعدنى فين انا ومراتى الحامل الى ع وش ولادة...مش عييب!!

مريم:تنظر اليه وتخبئ ضحكتها بيدها ،بينما يندهش الشخص من انه لا يرى امرأة حامل قط..

 مريم: اقعد بقى يايحيي يحيي: يلا بينا ياهانم...اخر مرة هتخرجى م البيت

مريم: ههههههه طيب انا اسفة يلا بينا

يخرجا فيذهبا لاحد النوادى المطله عالنيل فيجلسو ويتناولو طعام الغداء وهم ينظرا الى منظر النيل ..

. مريم: ميرسى عالخروجة الحلوة دى يايحيي...وعالفيلم الى عملته فالسينما حرام عليك كنت ماسكة نفسى من الضحك بالعافي

ه يحيي: ايه شكرآ دى...انتى متعرفيش ان انتى الى ليكى الفضل عليا..خلتينى احس بحاجات كنت حاسس ان انا خلاص مافيش فايدة احس بيها اصلا

 مريم: انت مكنتش سعيد للدرجة دى مع شهد؟

 يحيي: شهد!! (باستهزاء) شهد بالنسبه لى محطة حاولت اقف فيها واستقر بقى بس منفعتش مافيش يوم حست بيا ولا حبتنى بجد وبحمد ربنا ان ده الارتباط الوحيد الى فحياتى المحسوب عليا وكان غلط من البداية

 مريم: يلا اهى راحت لحالها

 يحيي: بس انا الحمدلله ربنا عوضنى بيكى..ممكن اسألك سؤال مريم: اه طبعآ يحيي: سبقلك الارتباط قبل كده؟

مريم: (تشرد) تصدق لا...كنت فبلدنا كل همى الدراسة ومكنتش باخد بالى من الحاجات دى..بس فالمعهد حصلتلى كده حاجة غريبة

 يحيي: عايزة تقولى عليها ولا ؟

 مريم: لا هقولك طبعآ كان ف واحد زميلنا اسمه محمود لو سمعت عنه من على،الولد ده توفى واحنا فسنة اولى فحادثة واحنا راجعين من رحلة يحيي: اه فاكر حاجة زى كده

 مريم: الولد ده قالى انه بيحبنى...قبل م يتوفى ع طول مافيش نص ساعة وطلب منى عمرى م انساه وكنت مستغرباه بصراحة ،هو كان قريب عليا بس مش لدرجة حب..كان اغرب موقف حصلى فحياتى يحيي: الله يرحمه...اقريله الفاتحة وتعالى نستمتع بالاكل الجميل ده ،عارفة لو كنت عازم شهد كانت قالتلى مافيش غير المطعم الكوحيتى ده الى تعزمنى ف انا باكل يابابا ف فايف استارز...فايف استارز يابنت الحافى!!

 مريم: هههههههههههههههههههههه

يحيي: ايوة كده النبى تبسم

 ************************************

 سالى وكريم منهمكان بالتصوير المكثف ليلحقو بميعاد عرض الفيلم الملتزمين به. بعد كل مرة تصوير سالى تشعر بشعور غريب كدوار وتعب وارهاق فيقررو وقف التصوير وتكملته غدآ. سالى تقلق من هذا الشعور الغريب الذى انتابها اكثر من اسبوعان فتذهب لتروى لداليا فتأخذها داليا الى احد المختبرات المشهورة لتقوم بتحليل عينة دم كى يطمئنو عليها. ينتظرا بقاعة الانتظار بالمعمل حتى تنادى احد الاطباء ع اسم سالى لتعطيها النتيجة..

 الاستقبال: سالى عبدالحميد عودة

؟ سالى : ايوة

 الاستقبال: اتفضلى نتجتك..شوية انيميا ومبروك النتيجة بوزاتيف

 داليا:(بدهشة) بوزاتيف يعنى ايه...قصدى النتيجة ايجابيه ف ايه بالظبط؟

 الاستقبال: مدام سالى حامل...تحليل الدم اظهر كده مبروووووك

 سالى وداليا معآ: ايــــه !!

يخرجا وهم بقمة الذهول...ارجل سالى لم تستطيع تحريكها عن الارض..اما داليا فهى بقمة غيظها منها ويركبا السيارة و هما فحالة صمت شديدة..

 داليا:(بغضب) انتى لازم تقولى للباشا الفنان الكبير كريم عثمان عشان تتصرفى،او تعملى عمليه فورآ

سالى: اعمل عمليه!! لا

داليا: لا ايه انشاء الله

 سالى : انا مش هعمل عمليه ياداليا...انا عايزاه

داليا: عايزة ايه...بطلى جنان بقى ..وديتى نفسك فداهيه الله يخربيتك اقعدت اقولك بلاش بلاش وآدى النتيجة

 سالى: خلاص كفاية انا مش ناقصة...انا هقولة وهو هيقدر ويحلها

 داليا: تقولى لمين...بتحلمى لو فاكرة انه ممكن يسمعك ويرضى يتجوزك بعد الى حصل...لما هو بيعاملك معاملة بنت كلب من غير حاجة هييجى دلوقت ويبقى الواد المجدع

 سالى: انا هقوله...كريم حنين هيفرح انه بقى اب واكيد هنتجوز او ع الاقل اخلف البيبى ده وبعدها نتجوز انا متأكدة

داليا: انتى هتجنيني معاكى...يابنتى فوقى بقى..ولا حاجة من دى هتحصل اسمعى كلامى تعالى نروح لدكتور كويس يعملك العملية ونخلص وتسيبك من كريم وزفت ده

 سالى: لا ياداليا انا هقولة انا عايزة ابنى ده فاهمة يعنى ايه عايزاه

 داليا: انتى حرة انا زهقت اعلم فيكى مافيش فايدة اشربى بقى

 ***************************

 سالى بمنزل كريم تنتظره وينتابها شعور القلق والخوف كيف ستخبره وهل سيتقبل.. كريم يدخل ومعه حقيبة بها فستان جديد لسالى ومبتسم،فتهدأ سالى وتشعر بأنه بافضل حالاته كى تتحدث معه.

سالى : اكلت

 كريم: سيبك من الاكل وتعالى شوفى الدريس ده هيعجبك اوى

 سالى:(بفرحة) ده عشانى

 كريم: طبعآ...اومال عشانى...انتى وش الخير عليا يابت(يقبلها بجبهتها)

 سالى : (تشعر بالسعادة من تصرفاته هذه وتأخذ الفستان وتلبسه وتريه اياه

) كريم: زى القمر..قمر ياخواتى...تعال نرقص سلو بقى انا هشغل اسطوانه نرقص عليها

سالى :(بتردد) لا ماهو انا تعبانة مش هقدر

 كريم: فعلا بقالك كام يوم وشك اصفر وتعبان ...مكشفتيش ليه

 سالى : ماهو انا كشفت كريم: قالك اي

ه سالى : انيميا

كريم: طيب ابقى خدى بالك من نفسك

 سالى :(مبتسمة) بتخاف عليا

كريم: (يضع يداه ع كتفيها) الظاهر يابت ياسالى ان بجد اصبح ماليش غيرك فالدنيا

سالى : لا وماما ونادر ربنا يخليهم لنا

 كريم: طبعآ انا من غيرهم ولا حاجة..ماما كلمتنى انهاردة وبتسلم عليكى كتير وبتوصينى كمان عليكى..انتى عملتى فيها ايه يابت؟

 سالى : ولا حاجة حبتها اوى..مش بس عشانك..عشان وحشنى اوى احس ان ليا ام بتحبنى وبتخاف عليا زييها بعد م ماما.... الله يرحمها كريم: الله يرحمها

 سالى : بس بعد مارجعتلهم اكيد عرفت ان الضفر مش بيطلع من اللحم صح وعمر الابن مايبعد عنه مامته ولا باباه صح؟

كريم:(يذهب ناحية المطبخ) ايوة طبعآ

 سالى : فعلا لان احساس الابوية والامومة ده ميتعوضش

 كريم:(ممسك بكوب ماء) اخرته ايه برنامج ماما كريمة الى اتفتح ده

سالى : اصل بمهدلك انى اقولك خبر

 كريم: خير(يشرب الماء) سالى : انت هتبقى بابا! انا حامل ياكريم

كريم:( المياة تسقط ع صدره وملابسه من هول المفاجآة) انتى ايه ياختى !!

:o

#ايام_الضحك_والدموع_ج2

#بقلم_نوراسماعيل