☻☻☻أمــل بــكـرة☻☻☻ الحــلـقة ال9

 ==••==••==••==••==

عدى الترم التانى بحاله وكمان الاجازة بعد طبعآ نجاح امل وعلاء ..بس سارة شالت مادتين وياسمين واحدة. فالمدة دى محصلش جديد غير ان علاء ملتزم بكلمته مع مصطفى من ناحيه موضوعه مع ياسمين، وده خلى يونس يتقرب اكتر من ياسمين ويكلمها كتير فالفون ..وساعات بتخرج معاه كمان!! عبدالله لسه مسافرش ودى حاجة مدايقه امل جدآ..بس هتعمل ايه م طول عمرها مغلوب ع امرها كده ياسمين قاعدة عند امل فالبيت شوية..ودار بينهم الحديث ده.

 امل: ياختى حماتى نازله عليا زن فموضوع الخلفة اقولها يامرات عمى انا لسه قدامى سنة تقولى لا هاتيه ونبقى نشوف حكاية الدراسة دى بعدين..

 ياسمين: اوعى تسمعى كلامها ،دى اخر سنة ليكى هما عايزين يضيعوكى فالاول وفالاخر ولا ايه..انتى بتاخدى مانع للحمل ولا حاجة؟

امل: لا هى جايه من عند ربنا كده ؛ عشان حاسس بيا والل

ه ياسمين: وايه رخامة جوزك دى الترم بدأ مش ناوى ينكشح ويسيبك بقى

امل: بقاله داخل ع 6 شهور هنا.قال يعنى من حبه فيا اوى

ياسمين: هو فين صحيح؟

 امل: بيقعد عالقهوة طول النهار..وبليل اطلع انا لحماتى هو ييجى يقعد معاها وينزل عالنوم

 ياسمين: ايه العيشة دى...اوووف ربنا يخلصك منه(فونها رن بصتله وشافت مين وضحكت وارتبكت)

 امل: مين علاء؟

 ياسمين: لا مش علاء...طب انا هنزل دلوقت اوك

 امل: انتى ملحقتيش تقعدى معايا

 ياسمين: هبقى اجيلك تانى يا امولة..عشان بس مستعجلة عندى مشوار..باى

 امل: باى ياستى(امل مش مرتاحة من ناحية ياسمين..شكلها كده مخبيه حاجة ..ربنا يستر)

 ياسمين ويونس سوا فكافيه... يونس: انتى عملتى فيا ايه يابت انتى

 ياسمين: عملت فيك ايه ياعم انت..انت هتجبلى مصيب

ة يونس: واكبر مصيبة كمان...انتى سرقتى منى حاجة ولا زم ترجعيها

 ياسمين: بس ياعم كلام الافلام  ده...م تقول انك بتحبنى اوى ومش عارف تفكر غير فيا وتخلص

يونس: هههههههه عارفة..دمك الخفيف وجرأتك دى الى حببتنى فيكى

ياسمين: اممممممم طيب

 يونس: لا وحاجات تانيه كتير...ياسمين انا صبرت كتير وان الاوان نبقى سوا

 ياسمين: سوا؟! ازاى

 يونس: يعنى اتقدملك ياسمين: بسسس!!

يونس: ايه علاء!! انا عارف ع فكرة وهو لو كان بيحبك بجد كان خد خطوة عشان يتقدملك..وانتى لو كنتى بتحبيه مكنش زمانك قاعدة معايا دلوقت

 ياسمين:(ارتبكت اوى وحست ان قلبها واجعها من ناحيه علاء) بس انا قبلت عزومتك عادى يعنى مش لغرض معين

يونس: وانا ياستى عزمتك لغرض..انا طالب اتجوزك وهتقدملك..قومى بينا

 ياسمين: ع فين؟!

يونس: ع بيتكم...هى الساعة كام دلوقت..يدوب الحق اجيب ورد وشيكولا يلاااااااا

 يونس اخد ياسمين فالعربية وطلع ع البيت عندها واتقدملها فعلا..بس ياسمين حاسه نفسها مغيبه لا عارفة تنطق وترفض ولا تفرح بان جالها عريس زى يونس ...هتعمل ايييييييه؟!!

=====================

 ياسمين خبت عالكل موضوع يونس ده..حتى امل، لحد م باباها وافق بيه بعد م جاب عيلته فتانى مرة معاه الى معظمهم ماسكين روتب كبيرة فالبلد! بابا ياسمين اخد رائيها .. ياسمين سكتت..مش فرحانه ولا بتفكر ..مش عايزة تخسر جوازة زى دى ، ولا هتحب حد زى علاء..وفالنهاية وافقت ياسمين بس طلبت ان الخطوبة تبقى قدام شوية لترتيبات فدماغها. وفمرة وامل وياسمين سوا فالجامعه ومعاهم سارة الى نبهت عليها ياسمين متقولش حاجة..حصل مغص لامل شديد بعد م اخدت حباية مسكنه للصداع..وده الى خلاهم يطلعو بيها ع اقرب مستشفى.

 الطبيب: الدوا المك نتيجة وجود بيبى يامدام...مبروك امل: ايه؟! ياسمين: انت متأكد يادكتور

الطبيب: طبعآ حامل فاقل من شهر..بس لازم تستريح لانها ضعيفة اوى امل قعدت تعيط جامد وحضنت

ياسمين..مكانش نفسها تتربط بعبدالله اكتر من كده..بس هتعمل ايه دى حكمة ربنا!

 الممرضة: هى مش متجوزة ولا ايه؟

 ياسمين: لا طبعآ متجوزة..انتى بتتكلمى ازاى

 الممرضه: اومال بتعيط ليه ..هى معاها عيال كتير

 سارة: ياستى لو سمحتى احنا مش ناقصين .. الممرضه: يوووه!! الحق عليا

==============================

حاجات كتير واحداث كتير حصلت فوقت قصير..ياسمين بليل راجعه لبيتها وهى مخنوقه من كل حاجة حواليها..طبعآ بقالها كتير مش بترد ع علاء فالفون ، لحد م فوجئت بيه مستنيها قدام البيت..

 ياسمين: علاء!!

 علاء: مش بتردى عالفون بقالك كتير قلقينى..قلت استناكى جايز ترجعى دلوقت واشوفك

 ياسمين: طب تعالى نتكلم فحته تانيه علاء قعد مع ياسمين عند بتاع حمص الشام الى عالكورنيش والى تقريبا صاحبهم خلاص.

 ياسمين: انا جالى عريس

 علاء:وايه الجديد..م كل فترة بيجيلك عريس وانتى بترفضى عشان مستنيانى ياسمين: بس المرة دى غير كل مرة

علاء:(علاء استغرب كلامها وبصلها بانتباه) ازاى يعنى ياسمين: بابا وافق...واتقرت فاتحتى

!!

 علاء: يعنى ايه الكلام ده، ايه غصبوكى يعنى، معرفتيش تقولى لا ماهو انا لازم افهم

ياسمين: بص هما مغصبونيش بس الوضع كان صعب ؛ الحد الى متقدملى ده ابن ناس اوى وغنى اوى وبابا واعمامى شافو انه عريس مناسب لاى بنت

علاء: مين العريس ياياسمين؟ مين

ياسمين: يونس..! اخو سارة

 علاء: مش المفروض ابدآ انى استغرب، م كل مرة بترفضى يابنت الحلال اشمعنا المرة دى سكتتى..ماتعيشيش دور مش دورك ياياسمين انتى مش امل عشان تتغصبى عالجوازة!! انا عارف اهلك بيفكروا ازاى وبيحترمو رائيك..انتى عجبتك عربيته وفلوسه ومظهره صح..طب وانا !! انا ياياسمين..يالى كل احلامى انتى السبب فيها يالى انا معتمد ع انى بعدى كل شئ بيوقف قدامى عشانك..ده انا حوشت القرش عالقرش وتعبت وطلعت عين اهلى عشانك..عشان اجيلك زى م وعدتك فمعادى ..ردى عليا قولى ليه

ياسمين: متظلمنيش ياعلاء(عنيها دمعت بجد) والله بحبك ولا عمرى هحب غيرك بس غصب عنى والله انت م فاهم حاجة

 علاء: ليه غبى!!(دموعه نزلت ع خده) عايزة ايه؟! الحب وقلبى وفلوسه تجيبلك العربيه والشقه الى عالنيل وطموحك تتحقق الى نفسك فيها..متكونيش فاكرة ان كلامك اليوم ده لسه مش فودانى..وانبهارك بعيشه سارة وطريقه لبس سارة وفلوس سارة..وانا ادوس ع نفسى ادوس وامرمط روحى عشانك واقول معلش عشانها دى كل حياتى

 ياسمين: ياعلاء ابوس ايدك متصعبهاش عليا والله انا تعبانة لوحدى

علاء: محدش غاصبك ع كده..بس انتى اختارتى يابنت الحلال..انا عمرى م لعبت دور تانى فقصتك..يالبطل يا بلاش(بياخد حاجته وقايم) حبى ليكى مش هيخليكى للدرجة دى تلعبى بيا ياياسمين

 ياسمين: علاء..علاء استنى...متزعلش منى والله انا ما اقصد اجرحك عايزاك تفضل فاكر انى بحبك انت وعمرى م هحب غيرك

 علاء: كفايه بقى..مينفعش تحبينى وانتى هتتجوزى راجل تانى..من اللحظة دى انتى برة حياتى برة دنيتى..وقت م يعدى اسمى فبالك حاولى تفتكرى الكلمتين دول

.." ع قد م كان جوايا حب الدنيا ليكى...هييجى يوم وهيبقى مكانه نسيان...لانى مش هعرف اكرهك!!"..

. (مشى وجوه عيونه وع خده الدموع/وهى كمان بتعيط ..ياسمين خلاص خدت قرارها..وعليها تتحمله!!

=========================

ياسمين عند امل تانى يوم ...عبدالله احسن معاملته اوى مع امل وبقى افضل بعد موضوع الحمل ،واهو كام يوم ويسافر عشان يقدر ييجى فالولادة..

 امل: مالك فيكى حاجة مش عجبانى؟

 ياسمين: ازاى يعنى..مانا كويسه اهو

 امل: انتى هتعمليهم عليا

 يا ياسمين..انتى اختى الى امى مجابتهاش..ف ايه يابت؟ متخانقه انتى وعلاء؟

 ياسمين: انا وعلاء سبنا بعض! امل: ايه ياياسمين؟ امتى

 ياسمين: مش مهم امتى...المهم انا جايلك عشان اقولك حاجة تانيه

 امل: وهو ف اهم من انك تكونى سبتى علاء...حرام عليكى والله م هيتعوض

 ياسمين: كفايه بقى ياامل ..انا عارفه كل الكلام ده..انا بس عايزة اعزمك ع حاجة كده (مترددة)

امل: ع ايه وعزومة ايه بس

 ياسمين: خطوبتى امل:(اتخضت وقامت من ع الكرسى) ايه؟ ومين وامتى؟

 ياسمين: يونس اخو سارة.

. امل: نعم!! يونس!! الى اكبر منك ب 20 سنة يونس ده ايه يونس ده لو اتجوز زمان كان خلفك..وسبتى علاء عشان زفت الطين ده ياسمين: انا مسبتش حد عشان حد هى جت كده

امل: لا مجاتش كده يابنت عمرى...هو وانسان واطى ومن يوم م شوفته وانا بخاف منه ومش مطمناله..طب وانتى!! مش فيكى عقل..طب وعلاء الى بيحبك!! مفكرتيش فنفسك..مفكرتيش فعيشتك الى مش عيشتك هتبقى مع الهباب ده

 ياسمين: وفيها ايه...علاء كان هيعملى ايه..كنا هنتتجوز بعد كام سنة..كان هيفسحنى هيخرجنى ، هيجيبلى الى عاوزاه، كنت هسافر الدنيا كلها ..قوليلى علاء كان هيعملى ايه؟ علاء هيعملى ايه بالحب ياكيوبيد الحب

امل: علاء عنده قلب محدش حبك قده..علاء اكتر انسان اشتراكى وراجل معاكى ..علاء حبيبك..فاهمة يعنى ايه؟ يعنى لو يوم جوعتى يكفى انه معاكى ،لو يوم بردتى يكفى انه جمبك، لو يوم تعبتى تلاقيه سندك..علاء لو..

ياسمين:(بتقاطعها) م كفايه بقى مسلسلات رمضان دى وعيشى الواقع..علاء حالته ع قدها وحللينى ع بال م يبقى دكتور زى ماهو عايز..ده شغال فصيدليه حته عامل هيعيشنى بقى ولا يعيش نفسه ولا اخواته من حته كام جنيه بياخدهم فالشهر..اكيد كان هييجى علينا يوم ونكره بعض ع قد م بينا من مشاكل بسبب العيشه والقرف واولادى الى هيكرهونى انى جبتهم فمستوى زى ده

 امل: من امتى كنتى كده..انتى واحدة معرفهاش.! ياريتنى عندى نص فرصك دى ..ياريتنى كنت زيك بس عمرك م هتفهمى كلامى غير لما تجربى عيشتى وتدوقى حرمانك حتى من احلامك انك تعيشى مرتاحة..مش مهم الشقه ولا الخروج ولا اللبس..ياريتنى بايدى اكون جمب الى بحبه ..ولو طلت اقعد 20 سنة استناه عشان اكون معاه كنت عملتها

 ياسمين: نهايته..هتيجى خطوبتى..يوم الخميس الجاى عندهم فالفيلا .

. امل: لا مش هاجى (بتعيط)

 باسمين: مش هتجيلى تقفى جمبى

امل: انتى مش محتجانى...كفايه عليكى نفسك..تقوم بالواجب..بس افتكرى كلامى ، والله هتندمى

 ياسمين خرجت ورزعت الباب وراها وهى بتعيط وزعلانة..امل مش قادرة تصدق الى بيحصل..اد ايه الانسان مبيعرفش قيمة الحاجة الى فايده غير لما بتروح منه!!

 ==========================

 جه يوم الخميس، خطوبة ياسمين..

امل م راحتش وقاعده فاوضتها بتعيط عليها، امل عقلها كبير وعارفة ايه نتايج الجوازة دى..ياسمين اتصلت بيها اكتر من مرة مردتش.

عبدالله سافر وهى قاعده وحدها بتتفرج ع صورها هى وياسمين سوا من ايام الحضانه..حتى الصورة الى كانو واخدينها قدام مدرستهم فالثانوى هما وصحباتهم..اول مرة تلاحظ ان الصورة جايبه نص وش علاء من بعيد وهو بيبص عليهم!! امل شافت الصورة وبتعيط...وفجأة رن فونها..علاء!!

امل: الو علاء: انا اسف عشان مكلمتى دى ياامل وخايف اكون بزعجك ولا حاجة، بس انا ملقتش غيرك قصادى عايز اتكلم مع حد...قلبى واجعنى اوى ياامل..اوى

امل:( عيطت اكتر من كلامه وقالت فنفسها كلنا موجوعين ياعلاء) معاك يا علاء..اتفضل

 علاء: خطوبتها انهاردة!! عمرى م تخيلت ان اليوم ده هييجى عليا

امل: انت عرفت منين ان انهاردة الخطوبة

علاء: مصطفى ابن خالتها بيكلمنى ع طول..وتخيلى هو الى واسانى وقالى متزعلش لانك تستاهل احسن منها

امل: مصطفى!! انت عرفت مصطفى من امتى؟

علاء: مش مهم يا امل..(كح ومسح دموعه وهو بيتكلم واخد باله من حاجة) هو انا ممكن اعملك مشكلة بمكالمتى دى؟

مل: لا ..جوزى مسافر وانا قاعدة فشقتى لوحدى..وبعدين انت اخويا ياعلاء

علاء: عارفه ياامل..م الصبح بسأل نفسى سؤال واحد..ايه الى كان بينى وبين ياسمين..يتسمى ايه؟ سبع سنين من عمرى اكتب عليهم ايه..معقولة كنت بحب واحدة معرفهاش ومش شايفانى ليها حد يستحقها ازاى انا كنت غبى كل ده ومش شايف!! (بيتكلم بسخرية)

 امل: ياسمين بتحبك اعلاء..انا متأكدة

 علاء: اومال هتتجوز ليه...اقسم بالله هتجنن..انا مبروحش الشغل ولا الجامعة ولا بتنيل اذاكر...مابشوفش حد من ساعة م سابتنى ..من ساعة م سابتنى

امل: علاء ! احنا منعرفش ايه سبب جوازها ده بس..

 علاء:(بيزعق) انا كنت مآمنلها وهى بتمثل عليا..متفقه معاه ابو عربيه ومظبطة امورها..وعلاء ده يتضرب باحسن جزمة ويترمى فالشارع زى الكلاب..صح..يعنى ايه مش عارفة سبب جوازها..ازاى انتى روحها الى جواها، انتى الوحيدة الى اثق ان ياسمين بتحبها بجد..لان ياسمين عمرها م حبت حد اكتر من نفسها..ده انا خلاص قدامى سنة..ايه مش قادرة تستنى..ولا خلاص كتير عليا الحبة دول ولازم ييجى بطل جديد لحكايتها..بس المرة دى بطل بن ناس وستايلش وهيعملها الى نفسها ف مش دكتور ع م تفرج..

امل:(متدايقه من كلامه ومش عارفه تقول ايه) علاء اهدى..اهدى

علاء: قوليلها ترتاح.. والله وحياة حبى ليها..هنساها وفيوم ياسمين هتندم..عشان مستنتنيش وانتى هتكونى شاهدة ع كلامى ده

!! ==••===••===••====••====••====••====

#بقلمى_نوراسماعيل

#امل_بكرة