ღ•انــا ابقـى مرات حضرته !•ღ الحلقة الثامنة والعشرون ( الجزء الثانى من لسه اجمل يوم مجاش )

=========•••=======

وسام: طب مانا عارف انهم مش هنا ، اومال انا جيت دلوقتى ليه

مى: اما شئ غريب ياحضرت، ايه الرخامة دى بقولك اطلع برة

وسام: بقولك ايه انا جاى انهاردة وناويها

مى: ناوى ع ايه ؟

وسام: (بيبص ع ايدها ) فين دبلتك؟

مى: رمتها وسام: ولا يهمك.. تعالى ندور عليها ، رميتيها فين ؟

مى: يووووووووه ايه ده انت مش بتسمع بقولك مش عايزاك مش عايزااااااك

وسام: (حضنها مرة واحدة ووشه بقى فوشها ع طول ) بس انا عايزك عايزك عااااااااااايزك و

مرة واحدة ..ع فجأة باسها !

بقى وسام يعمل كده ؟! عدوها ياجماعة مش متجوزين ماعلينا..

مى : (رغم انها حنت للحظات بس فاقت وزقته فصدره) اوعى كده! انت بتستعبط

وسام: فيه ايه ؟ بعمل حركة متهورة عشان تدبسى فيا وتتجوزينى

مى: انت ازاى تعمل كده ؟

وسام: ايه يامى انتى مراتى ، وع سنة الله ورسولة وقدام ربنا والناس مراتى

وسام: تقوم تبوسنى ؟! فبيت بابا

وسام: ولو مسكتيش هوريكى الجنان ع اصله بقى ونشوف مين فينا مجنون اكتر من التانى يا مجنونتى

مى: لا روح اعمل الحركة دى مع الانسة دنيا الى كنت بتدفى ايدها فعز الصيف الى احنا فيه يمكن فعلا تدبس فيك وتتجوزك،انا خلاص مبقتش عايزاك ولا طايقاك ولا حابة ابص فوشك

وسام: مى انا عايز افهمك موضوع معين وانتى كالعادة مش مديانى فرصه

مى: فرصة ايه .؟ مافيش فرص خلصت فرصك معايا مش انت كنت شجاع اوى وقولتلى ورقة طلاقى هتوصلنى ؟ هى فين بقى

وسام: (حط ايده ع بُقه وفضل يفكر وهو بيبصلها) هو يعنى جوزك لما يبقى مخنوق متستحمليهوش

مى: خلاص خلصنا بئى ، انا عايزة ورقه طلاقى..انا مش ع حسب مود حضرتك تبقى متعكنن اكون تحت امرك تبقى تمام اعمل انا سمايل فيس وكأنى بالريموت ! وبصراحة بقى عايزة اخلص من الجوازة دى واتفضل يلا عشان اهلى مش هنا

وسام: (بعد م كان بعيد عنها بكام متر رجع تانى ) بصى (مسك ايدها وعد عليهم صوباع صوباع)

انا مش هطلقك ومش هسيبك ومش هخلى حد يفرق مابينا وهتبقى معايا يامى بمزاجك مش غصب عنك وهسيبك تفكرى

(مشى خطوتين ناحية الباب وفتحه )

وسام:انا ماشى.. وهسيبك تفكرى وع فكرة انا عدتهملك ع صوابعك عشان كل م تبصى فايدك تفتكرى الكام كلمة دول

مى: خد حاجتك معاك (رايحة تمسك الدبدوب بالحاجة ).. مش عايزة حاجة منك

وسام: لا مش هاخدهم ، سلام يا مشمش (عمل بايده سلام وبعتلها بوسة فالهوا ومشى )

وقفت مى بعد م قفل الباب وبصت ع ايدها وافتكرت الكلام وقعدت تتنطط فمكانها زى القرد ومسكت الدبدوب وحضنته وفتحت الشيكولا وبتاكل فيها وماسكه بالايد التانية البوكية ودخلت اوضتها وهى بتردد اغنية ..

مى: غلس بشكل!.. بس بموت فيه الله يحرقه "حبيبى مالى عنيا.. وبلاقى راحتى معاه تيرارارا "

#بقلم_نوراسماعيل

=========•••===========

بيتزا سخنة وكانزات بيبسي... واكل وقت البريك فالمكتب بتاع شغل مى واصحابها.

سامح: خدى دى فراخ يامنة ، انتى بتحبى الفراخ

امنية: مش ادتهالى ليه ياسامح .. انت عارف انى بحب الفراخ

غادة: خلاص كلو سوا متقرفوناش

ممدوح: هاتى حتة بالتونة ياغادة

غادة: لا

سامح: ههههههههه ياساتر..

منة: ع فكرة ياسامح .. بقالك فترة ستايل لبسك احلى من الاول

سامح: ربنا يخليكى يامنة .. حلو بجد

امنية: اه صح ياسامح بقيت امور ع مكبر ياض

غادة: ايوة اقعدو اتغزلو انتو فسامح لحد م ممدوح يخلص كل الاكل منكم

ممدوح: حرام عليكى ياشيخة دى حتى اكلتى ضعيفه

غادة: ضعيفه يابطة !! طب خدى كلى (بتأكله فبوقه )

امنية: ومن الحب م قتل ههههههههههه

سامح: انت حطيت الكاتشب فين يا ممدوح

ممدوح: فالتلاجه برة

سامح: الى هو ازاى يعنى .. مش المفروض مع الاكل ده انت غريب اناهقوم اجيبه

خرج سامح يجيب الكاتشب، اخد باله من لاب توب منه مفتوح ع الاكونت بتاعه بالظبط ع صوره! اصل مكتب منة فوش الباب عدل وهى قامت تاكل ونسيت تقفله!

شافه واستغرب جاااااااامد.. بس ساعتها حس بشكة غريبة فقلبه كده ورجع بصلها وهى بتاكل .. كان اول مرة يحس انها كيوته اوى وصغنتوتة كده

ابتسم وجاب الكاتشب وجه ..

#بقلم_نوراسماعيل

=======•••=========

شريف: الوووووووووووو

وسام: هه (كان سرحان) نعم

شريف: سرحان ف ايه يا باشا.. من الصبح بكلمك

وسام: عايز ايه طيب

شريف: معاك 100 اخوك ع الاسفلت

وسام: معايا (طلع من جيبه) خد

شريف: تدوم الجدعنه، بقولك صحيح صالحت مى ؟

وسام: دماغها فيها 100 ترباس.. مش راضيه بس انا وراها انا الوحيد الى عارف مفاتيح الاقفال دى

شريف: بصراحة انا فرحت لما قلت هترجعلها تانى ، ايوة ياعم مش تقولى دنيا وسكسونيا

وسام: ياحمار ياغبى يالى مابتفهم

شريف: الله يكرم اصلك

وسام: انا مقولتش هرجع لدنيا ونتجوز والحوار الفكسان ده هى صعبت بجد عليا انها شالت حمل لوحدها زمان واجبى دلوقت اقف جمبها لو احتاجت اخوة مش اكتر بس مش اعرف واديها ضهرى دى النداله بعينها بقى

شريف: بس اهم حاجة مى فهمت ده ؟

وسام: حاولت معاها .. من كام يوم ومقبلتش بس هفضل وراها لحد م تلين مانت عارف،،انا حياتى من غير مى.... عدم !

شريف: كده انت اخويا وصاحبى وكفاءة وجدعنه ، ايوة بقى انقذ ما يمكن انقاذة عشان لو راحت هتبقى زى الكلب الكسيح زيي كده لا عارف انت رايح فين ولا جاى منين

وسام: عارف ياشريف اكتر حاجة بحبها فيك؟

شريف: ايه يا عيونى (بيسبل فعيونه ليه)

وسام: انك عارف قيمة نفسك بجد.. كلب كسيح

شريف: (بيضربه فبطنه) يا ولا !

وهما بيتكلمو جات مسج لوسام من مى

بتقول فيها ..

" طالما مبعتش ورقة طلاقى لحد دلوقت وحضرتك بتماطل.. يبقى للاسف الشديد انى لسه ع ذمتك ومعنى كده انا لازم اقولك قبل م اعمل حاجة لانى اتعلمت ده وحفظته كويس انا مسافرة اسكندرية كام يوم اغير جو فشاليه بابا مع بابا وطنط وسهر وولادها لومش هيدايق سعادتك"

وسام قرا المسج واسكت كده..

شريف: فيها ايه المسج؟

وسام: (ابتسم) هتعرف!

شريف: ايه جو فوازير عم عطية دى م تقول وتخلص

وسام: (بيبص بعيد وهو بيفكر) شريف! بعد الشغل عايزك معايا فموضوع

شريف: بييييييس يا كبيربس هو ايه الموضوع؟

وسام:هقولك..اهم حاجة تفضيلى نفسك خااااالص لانه موضوع كبير، ليلة يعنى تفضيلى نفسك كام يوم دول من انهاردة بعد الشغل تمام ؟

شريف: دوس ولا يهمك

وسام: تسلم ياحبيبى .. (فسره) هتروحى منى فين يامى ؟! أنااخرك..وأولك

#بقلم_نوراسماعيل

============•••=========

مية وبحر ونسمة شقيه ...

ومى قاعده عالبيتش عالرملة وشغاله بتكتب عليها وهى سرحانه .. وحاطة هاند فرى وبتفكر ومتدايقه شويه قدام الشاليه بتاعهم..

شغالة تكتب وتمسح وسعات تكتب وييجى الموج يمسحهاوهى هى نفس الجملة"سرحت فييك فصورة لينا من زمان وانا ماسك ايديك وقلت لنفسى دى الدنيا هنعمل ايه "

ومع دمعه بيطيرها الهوا بتفوجئ بريشة بتمشى ع وشها خفيفه كده..

مى : (الريشة بتمشى ع وشها ) ايه ده ! (بتبص لاقت وسام هو الى بيعمل كده )

وسام: ممكن اقعد معاكى شوية .. (قعد جمبها عالرملة ومشمر بنطلونه وقلع نضارة النظر ولابس نضارة الشمس بتاعته عشان هى قاعدة فعز شمس النهار )

مى: مانت قعدت هقولك ايه يعنى (بتتكلم ببرود)

وسام: وحشتينى

مى : ماتشوفش وحش

وسام: (شال الهاند فرى من ودنها ) ممكن تسمعى منى كام كلمة ولو مش عاجبك ارمى للبحر اهو قصادك

مى: يوووووووووه ع حرقه الدم (قامت وماشية ووقفها هو ) ، ي اخى انت لازقه والله بجد انا مش فاهمة انت عايز منى ايه

وسام: عايز منك ايه ؟ انا مش هقول قلبك لان قلبك معايا ومش هقول روحك لانها سكنانى ومش هقول عيونك لانى بشوف بيهم

هقولك عايزك كلك... لان مش فاضل غير انك تكونى مامت ولادى! دى بقى الحاجة الى لسه مش معايا

مى: وسام ارجوك متحاولش، انت كسرتنى عارف يعنى ايه كسرتنى يعنى مش بكلامك الحلو دهولا بدباديب وارنيب،، ولا بمجيك من القاهرة لاسكندريه ناو هيرجع الى فات

وسام: انا مش عايز الى فات يرجع.. انا عايز احلى منه هو الى يفضل

مى:هو ايه الاحلى منه ان شاء الله ؟! بدل م تعرف عليا دنيا بس.. اعرف عليا 10

وسام: تؤ تؤ تؤ مش ده قصدى

مى: طب فاهمنى عشان انا غبية معلش

وسام: لا انتى مش غبيه، انتى حبيبة قلبى افهمك ياستى

بصى كده (بيشاور جمبهم ف مجموعه اشخاص مش تعرفهم)

مى: مين دول؟

وسام: دى (بيشاور ع واحدة منهم) احسن واسرع ماكيرة فالقاهرة دوختنى ع بال م لاقتها

ودى (واحدة تانيه) بنت بتشتغل ف اتيليه انا اشتريت منه فستانك الجديد لفرحنا

مى: (بدهشة جامدة ) فرحنا!!

وسام: اه فرحنا.. وع فكرة الفستان هى ماسكاه ودول شباب الله يكرمهم جايين معايا لحد هنا عشان يرتبو لحفله فرحنا الى هتبقى هنا .. عالبيتش... قدام الشاليه بتاعكم انهاردة (لف ايده حوالين وسطها) عشان انهاردة هنتجوز ! وده حجز ففندق الهيلتون فسويت عشانى انا وانتى لان هنقضى اسبوع هونى مون هنا ابتداء من انهاردة

مى: (بتهز راسه باستغراب ومش مستوعبه) ايه الهرتله دى ؟؟!!

وسام: ودى تيكتس... لعمرة هنطلعها بعد اسبوع الهونى مون عشان اعوضك بيها فرحة الفرح الكبير الى نفسك فيه لانى مش هقدر اعمله عشان وفاة بابا ومش هينفع استنى لانى بجد عايزك معايا اكتر من اى وقت فات

مى: فرح ايه وجنان ايه ؟ انت بتدبسنى فيك وخلاص يعنى

وسام: وده شريف! طبعآ عارفاه .. هو الى رتب معايا كل ده وجاب البنات صحابك كلهم وممدوح وسامح و ليلى وماما....ودنيا

مى: وكمان دنيا تانى !! اوعى كده انا زهقت منك (ماشية وسايباه راحت ليلى وقفتها )

ليلى: مى ممكن تسمعينى 5 دقايق؟

مى: ولا نص دقيقه بعد كده انا قرفت

ليلى: بس مش عايزة غير 5 دقايق وبعدهم اعملى الى انتى عايزاه

مى: يوووه! اوف بقى اتفضلى قولى

ليلى : لا لوحدنا لو سمحتى

مى: تعالى .. اما نشوف

ليلى خدت مى ع جنب جوه فالشاليه وفهمتها وضع دنيا ايه من طقطق لسلامو عليكم والمعاناة الى بتعانيها وسر مقابله وسام الى مش قصده شر من وراها وايه الطلب الى عاوزوه وسام من مى وهو انها تتقبل دنيا كصديقه ليهم يسألو عنها ع طول ومش يسيبوها ولسه ليلى مكملتش الكلام ... ودموع مى نزلت زى المطر ع دنيا

واتغيرت حالتها 360 درجه من العداوة للحب الشديد الى نزل فلحظة والى خلى دنيا تصعب عليها اوووووووى وتفهم موقف جوزها حبيبها وسام!

خرجت مى بسرعه من الشاليه وجريت وحضنت دنيا!

مى: انا بجد معرفش كل ده ، انا اسفه وسامحينى احنا من دلوقت اصحاب واخوات

دنيا: يعنى خلاص مش زعلانة ؟!

مى: بقولك احنا اخوات خلاص، هاتى حضن كبيييييييير بقى

دنيا: (بتحضنها اوى ) له حق يحبك.. ربنا يهنيكم ببعض

دنيا حضنت مى جامد والناس واقفه بيتفرجو عليهم وليلى بتغمز لوسام يعنى تمام ووسام بيقول ليلى تمام بايده !

مى: بس فرح ايه الى هيتعمل دلوقتى ؟! انا مش مستعده وبعدين عمو عاصم لسه معداش 3 شهور عليه الاربعين كان من يومين!

الام: (جت وطبطبت عليها) احنا متأكدين ان عاصم لو كان موجود مكانش هيتردد يشوف فرحة ابنه ودى حاجة هتفرحه فقبره.. ادعيلة يابنتى

مى: يارب يرحمه ويغفرله هو وماما يارب

الام: تعالى بقى اما ابوسك.. واقولك متزعليش منى فالكلام الى قولته.. انا زى ماما برضو

مى: (ابتسمت وعيونها فيها دموع) انتى ماما اصلا

وسام شافهم ومكانتش سيعاه الفرحه ...وضم ال2 بحضنه وباس مامته ومى سوا مع دموع بسيطة بتنزل من عيونه..

وبسرعه البنات اخدو مى فالشاليه والماكيرة دخلت معاها ... وقالو لوسام يبتدى يحضر

حتة كبيييييرة قدام الشاليه اتحجزت واحبال نور وسماعات .. وكل ده من تكتيك العريس وشريف

حجات بسيطة هيعملو بيها الفرح وبانر كبير كان هديه من مكتب شغل مى من اصحابها ليها صورتهم بالكارتون الاتنين ومكتوب جمبهم هنا فرح مى ووسام

يا اهلا بالحضور ..

التجهيزات بتجهز وبيلبس التوكسيدو العريس... والعروسة جهزت واتظبطت جوه وكل حاجة تمام حتى الفستان الى اشتراه وسام .. سيمبل كده ورقيق وعجبهم كلهم

بالظبط ساعتين 2 وكل حاجة بقت فالجون !

خرجت العروسة واخدها باباها وسلمها لوسام والناس زغردت وفرحت ..

مى: انت امتى فكرت فالحجات دى يا واد انت

وسام: مين عاشر القوم بقى! ودول مش 40 يوم دول احلى ايام عمرى معاكى بقيت مجنون شبهك

مى: ده حتى سهر وبابا كانو عارفين

وسام: انا بلغتهم بكـــــــــل حاجة وقولتلهم مش يقولولك

مى: (بدلع وماسكه الكرافته بتاعته) قال يعنى واثق انى هصالحك

وسام: لا واثق انك هتفضلى معايا طول عمرى، يلا البسى (طلع دبلتها من جيبه) طنطن سميرة لاقتهالك اوعى تقلعيها تانى لاقلع عنيكى ...

مى: عمرى م هلقعها يا بيبى

وسام: شفتى خليت فرحنا بالنهار زى خطوبتنا يلا جنان بجنان بقى

مى: (بصة حب) انا بــــــحـــــــــبـــــــك موووووووووت بقى بقى

وسام: وانا بعشقك بقى بقى (بهمس مع ان العيون كلها عليهم) ايه رائيك فحركة مجنونة تانى قدام الناس زى الى عملتها من يومين؟!

مى:(بتضربه فصدره وبيضحك) ياقليل الادب، لا طبعآ

وسام: ده ايه العقل والرزانه دى كلها ... ديمها نعمه يارب

مى: هههههههههههههه

شريف: يلا هيييييييييييييييييصة !! هوبا نولع الفرح

#بقلم_نوراسماعيل

ابتدى الفرح والالعاب الناريه والزغاريد وكلهم بيرقصو سوا عالرمل ومنهم للبحر مباشرة وضحك وصهلله وكله ع وشه ابتسامه حلوة

ومامة وسام لاول مرة تضحك بنفس من ساعه وفاة جوزها..

ووسط الرقص الى واخدهم وشريف الى بيفتح الكولا ويرش فوش المعازيم الى هما اصحابهم وبس طبعآ

وسام شال مى مرة واحدة وجرى بيها عالبحر وهى بتصرخ ورماها ونزل وراها وفضلو البنات يصوروهو بالفونات ويضحكو عليهم

مى: الفستان هيشرب مية واغرق يا ويسووووووو

وسام: متقلقيش ياروح ويسو انا اعمل نفسى سمكة وانقذك ياعمرى

كلهم بيضحكو ومستغربين جنان وسام الجديد ده ..

سهر بتميل ع ليلى ..

سهر: واضح انها هى الى عقلت وهو الى اتعلم الجنان

ليلى: هههههههههه ربنا يستر

شريف: ياض اطلع ملح البحر يبوظ البدلة الله يقطع شكلك

امنية : (من غير قصد جت جمب شريف) ههههههههههه شيلها يا ويسو عشان اصوركم.. يلا بيج سماااااااايل!

شريف: ميل ع امنية) انا لسه بحبك ياامنية ع فكرة

امنية: (قفلت الكاميرا وبصت لشريف باستغراب) اعتقد مالوش لازمة الكلام ده دلوقتى

شريف: بس انا عايز...

امنية: انا اتخطبت يا شريف

شريف: اتخطبتى !! لمين وامتى

امنية: لابن خالى ، الاسبوع الى فات وان شاء الله الفرح قريب

شريف: يعنى ايه يا امنية، خلاص كده

امنية: انت الى خلصتها ياشريف مش انا، عن اذنك

مشيت امنية وراحت تهيص مع البنات ولا ع بالها مع ان قلبها بيتقطع .. وشريف بيبص بصة حزن عليها لاول مرة يحسها مع اى بنت من الى عرفهم

وهما بيحتفلو ولما طلعو من المية بايشين خالص وميكاب وطرحه مى باظو ... فيه صوت من بعدي بينادى عليهم !

" استنو........ اوعو تكونو خلصتو الفرح!

كلهم بيبصو ناحية الى بينادى :

وسام: منى

مى: هههههههه تعالى اتأخرتو خالص

منى: ع بال م عرفنا نيجى مكان الشاليه ده

وسام: انا قلت لشريف ميتحركش الا بيكم يابنتى ..(بيشيل ابنها) هاتى عنك بسم الله الرحمن الرحيم

منى: خد شيل فال حلو عقبال ولادك انت ومى

مى: يوغتى يوتى بطوطة ياخلاسى عالجمال والثوابع الصوغننه، سميتوه ايه ؟

منى: عادل

شريف: عادل!! شئ طبيعى ابن منى يبقى اسمه عادل اومال هيبقى اسمه ايهم يعنى

منى: بطل نقورة يا شريف.. لسه لسانك طويل زى ما انت

شريف: و ع قلبك ... هو عنده كام سنة صحيح؟

وسام: كام سنه (شايل البيبى ) ربنا ما يحرمك من العبط يا حبيبى

مى: كام سنة ايه يااهبل انت

شريف: خلااااااااااا ص كلكم طلعتو فيا زى المدافع، عندو اد ايه الاخ؟

منى: لسه عنده 25 يوم !

وسام: (شايله وبيبص لمى بحنيه) ربنا يخلى يامنى ، اتفضل يااستاذ انور

انور: يزيد فضلك الف مبروك

وسام: يبارك فيك يارب

منة: ع فكرة الصور طالعه حلوة اوى ... (بتكلم امنية وبتبص لاقت سامح بيتكلم مع ليلى وبيضحكو وهما بياكلو الجاتوه)

غادة: اه ... ابقى ابعتيهملى كلهم يابت

منة: (كتمت جواها وسكتت وكملت هيصة فالفرح)

ونجرى عند سامح وليلى هنااااااااااك عند تربيزات البوفيه ..

سامح: (بياكل هو وليلى وواقفين عالبوفيه المفتوح الى اتعمل بسرعه) عقبالنا ياليلى بقى

ليلى: (بتبصله وارتبكت) الى عايزه ربنا يكون يا سامح... انا هودى طبق لطنط

سامح: اتفضلى (بيبص لليلى وهى ماشية وجت عنيه فعيون منة مرة واحدة راحت منة بصت بعيد!)

وكمان ساعه ..ووو شطبنا....

الليل دخل ..وخلص الفرح والعريس خد العروسة ام ميكاب بايظ وفستان مبلول وهو بشعره المنعكش من المية والبدلة الى شكلها باظ عالاخر وطلعو بالعربية هيصو شوية وعملولهم زفة اصحابهم بالعربيات .. وطلعو ع الاوتيل

دخلو والناس بصت عليهم وفيه الى غمز التانى وفيه الى بصلهم وفرحلهم.. وخلاص طالعين السويت بتاعهم!

امنية: مى!! ارمى البوكية من عالسلم يلا

مى: اه صح (لفت وعدو من 5 ل1 ورمته !

لقفته منة

غادة: ايه ده!! منة الى وراها وانا لسه هقعد تانى ؟!

امنية: هههههههههههههههه

مى: يلا بااااااااااااااااااى امشو بقى (بتشد وسام لفوق) ..يلا يا ويسو يلا يلا

وسام: طب انا فوق عشان العروسة خطفانى

كلهم: ههههههههههههههه

البنات : زغاريد

شريف: يلا هيص يا عريييييييييييس... (بيبص لامنية) والجرى للمتاعيييييس

غادة: عقبالنا يا ممدوح اخلص عشان قربت اموت

ممدوح: ان شاء الله سنتين ونشوف

غادة: لا والله !

ودعوهم ومشيو ووسام ومى طلعو ... يبدأو وا لليلة فحياتهم الزوجية وان شاء الله نشوفكم كلكم احلى عرايس وعرسان ياقمرات

مبر9و9و9و9و9و9و9و9و9و9و9وكــــــــــــ

#بقلم_نوراسماعيل

===================