ღ•انــا ابقـى مرات حضرته !•ღ الحلقة السابعة والعشرون ( الجزء الثانى من لسه اجمل يوم مجاش )

ليلى: الى بيحصل ده حاسة انه بسببى، انا الى كلمت دنيا من الاول

وانا الى رجعت علاقتى بيها زى زمان.. وهى بقت متابعه اخبار وسام منى

وبعدين

واتخانق هو ومى

جت العزا وبعدها مكالمتى ليها عرف وسام سرها الى مخبياه من سنين

والله لاسافر ومقعدش فيها... انت ساكت ليه؟

حاسة ان انا السبب... هموت بسبب عذاب ضميرى لو وسام طلق مى

م ترد ياسامح!!

سامح: (بيطفى السيجارة فطفاية قدامه) ارد اقول ايه ياليلى ، بصراحة انتى بهدلتى الدنيا مش بوظتيها

والبنات بيقولو ان مى حالتها زى الزفت وتقريبآ حاولت تنتحر

ليلى: يانهار اسود .. انا السبب

تنتحر!

لا لازم اعمل حاجة.. بس مش عارفه اعمل ايه ؟

سامح: بصى الحل دلوقتى حاجة واحدة

ليلى: قول انا بجد محتاجه حد يقولى دماغى فيها وش

سامح: انتى تجمعى كل الاطراف وكل حد فيهم ترجعيله عقله شويه، انتى دارسة علم نفس واكيد بتفهمى فسيكولوجية كل حد منهم

وسام ابن خالك دنيا مى

طنط مرات خالك

ليلى: انت عارف الاشكال مش ف وسام دلوقتى

سامح: اومال فمين ، لما هو رأس الموضوع

ليلى: المشكلة فدنيا

دى صدقت ان ممكن وسام يرجعلها وصدقت الحلم تانى

عمالة بتنزل فكلام عالواتس والفيس انها مبسوطة والامل رجعلها تانى وكلام من ده

سامح: مممممممم مشكلة ، لا انتى تتصرفى بسرعة لان كده هتكون العواقب الى جاية هتفوق التوقعات

ليلى: طب يلا بينا .. انا رايحة لدنيا دلوقتى

سامح: اوك .. هطلب الحساب

=========•••=========

زيارة غير متوقعه !

لوسام فشغله ...

زميل: وسام.. ف واحدة بتسأل عليك برة

وسام: واحدة ! مين

زميل: مش عارف.. بس عايزة تشوفك بسرعة

وسام: حاضر

وسام طلع من المكان المخصص لشغله لمكتب الديركتور الى مستنياه فيه... سهر!

وسام: سهر.. اهلا ازيك (سلم عليها)

سهر: (بتسلم) يارب مكونش عطلتك

وسام: لا عادى .. بس كنتى ممكن تتصلى بيا اجيلك فأى مكان برة

لان زى مانتى شايفه ده مش مكان مقابلات يعنى

سهر: (بتهز راسها وهى مغلولة منه) ممممم مفهوم، انا مش هاخد من وقتك كتير..هما كلمتين هقولهم وامشى

وسام: اتفضلى

سهر: بقى احنا لما سألنا عليك وعرفناك كويس قبل م تيجى تخطب مى .. كنا واثقين اننا بنديها لراجل نأتمنها عليه

وفكل مرة كانت مى بتعمل مشكلة معاك كنت ببهدلها عشانك وكلنا كنا بنيجى عليها حتى بابا

اظن حصل؟

وسام: حصل

سهر: لكن الى بيحصل ده كله مش من المفروض يحصل مع واحدة باعت الدنيا واشترتك

لمجرد ظهور حب قديم فحياتك اعتقد انك مش مراهق عشان التصرفات دى

وكلنا عارفين عقلك ووزنك للامور

انت بالغ بما فيه الكفايه

وسام: مدام سهر ، انا مش زى م مى وصلت ليكم وانا عارف ان كل ده هيحصل

وبناء عليه..

سهر: بناء عليه قررت تطلقها صح؟

ده مش عدل ابدآ

لما انت مش عايزها مكنتش دخلت حياتها من الاول يا وسام

وسام: احنا ال2 دخلنا فحياة بعض محدش فينا فرض نفسه عالتانى

هو قدرنا جه كده

سهر: ودلوقتى القدر المسؤل عن فراقكم مش انت؟

وسام: فراق!! طيب انا هستأذن من الشغل الكام ساعه دول

وهاجى معاكى نتكلم وواوضحلك كل حاجة وانتى احكمى فالنهاية

سهر: اتمنى تكون مظلوم يا وسام

وسام: انا هحترم رائيك فالنهاية بعد م تسمعى كل حاجة .. بس ارجوكى تحكمى بالعدل

لان فيه طرف تالت فالقصة لازم ياخد حقه

سهر: دنيا الى كانت خطيبتك

وسام: بالظبط.. 10 دقايق اعمل اذن واجى معاكى

سهر: ماشى مستنياك

وسام استأذن وخد سهر وراحو مكان يحكو فيه كــــــل حاجة ع روقان ولوحدهم بدون ضغط ونشوف هترسى ع ايه..

==========•••==========

صنينة اكل بتخرج من اودة مى .. مش متاكل منها ولا حاجة

غادة: يابنتى كلى .. داهية تقطع الجواز عاللى عايزين يتجوزو

طب والله بسببك انتى وامنية هتخلونى افسخ مع ممدوح واضرب عن الجواز نهائى

منة: ههههههههه بس لوعملتى كده مش هتتجوزى فعمرك

ده احنا مصدقنا ممدوح ينطس فنظره ويتجوزك

غادة: طيب ياام لسان طويل (ضربتها بالمخدة )

امنية: ميوش.. (بتكلمها بهدوء) بصى

ده قدر ربنا يعنى .. وبعدين مش مهم

يروح وسام ييجى الف غيره

مى: مافيش الف غيره !! شووفتى انتى اتعذبتى ازاى فحبك لشريف مع انه فردة شوز ولا تسوى

شوفى انا بقى هتعب ازاى ففراقى عن وسام ده هو الى عمللى كل حاجة ، هو الى كان بيسمعنى

ولما بيقعد يستنى حاجة واكون معاه ويسبح ع ايدى وصوابعى قدام الناس

هو الى فسحنى كلمة احبك يا مشمش

لما بيأكلنى حتة شيكولا وياخد الباقى منى وياكله

تفتكرى التفصيله دى هلاقى زييها تانى

غادة: هو بصراحة المضروب فقلبه حتة بسكوته كده .. طعم وامور وحنين وابن ناس

ميتسابش

بس انتى كرامتك اغلى زى مانتى قولتى طلقنى ووافقك مترجعيش.. هتعيشى مذلولة معاه بعد كده

ولا ترضى تكونى زوجه تانيه ياختى

منة: بس انا حاسة فيه سوء تفاهم ياجماعه فالنص.. ممكن تسمعونى

امنية: قولى يا منة

منة: يعنى انا زمان.. زمان يعنى لما كنت معجبة بيه صدنى

وبعد كده البت شريين الزفته دى ع حد كلام مى كانت بتحبه بردو وصدها ومكتفى ب مى

طب ايه الى يخليه ل دنيا دى ويسيب مى !

مش غريبة

امنية: انا من الاول حاسة بحلقه مفقودة فالنص

غادة: ايوة عشان حبيبتى الاولانية يا حمارة منك ليها

مى: (بتدمع وباصه لدبلته الى عليها اسمه) ايوة حبه الاول ، ورجع بالسلامة

ومى خلاص.. خلص وقتها

Get out

امنية: انا بدعى من قلبى يطلع مظلوم .. انتو مينفعش تسيبو بعض

ماهو اسمعى انتو لو سبتو بعض انا مش هصدق ان فيه حب فالدنيا فحياتى اصلا

غادة: اهو شوفتى .. هتعقديلنا البت

منة: لا انا رائيي مثلا نخلى امنية تكلم وسام وتفهم منه الحكاية، هى اقرب واحدة ليه مننا

مى: سهر اصلا راحت تكلمه ويتفقو ع كل واحد مننا يروح لحاله وتجيبلى حقى منه ومن مامته الى هزقتنى فبيتها

امنية: يعنى خلاص

مى: ايوة خلاص (قلعت الدبلة ورمتها بطول دراعها فالاوضه )

امنية: ايه ده يامجنونة

مى: خلاص مش عايزة حاجة تفكرنى بيه.. ولا حاجة منه تفضل قدامى

==========•••==========

ليلى بتطلع منديل ل دنيا.. تمسح دموعها وهى بتعيط

ليلى : عرفتى بقى انها مالهاش ذنب ف ده كله

دنيا : (بتنشف دموعها) ايوة، والله انا من الاول قولتله .مينفعش نقرب من بعض عشانها

لكن توصل لانتحار!

ليلى: لازم يرجعو لبعض يادنيا، انتى قولتيهالى ورجعت انبسط منك لما عدتيهالى دلوقتى وقولتى تانى انك مش حابة ترجعى لوسام كحبيبة او زوجه .. انتى بس فرحانه انه رجع يعاملك كويس وبس مش كده

دنيا: اه والله .. ولا عمرى افرق بينه وبين مراته

ده لايمكن يحصل

حتى هو قالى انه بيحبها اوى .. وانه هيحاول يفهمها وضعى معاه بعد كده هيبقى ايه.. لكن مجابش سيرة طلاق ولاحاجة

ليلى: لازم نلحق الدنيا قبل م الغلبانة دى تروح فيها ، ونرجع نحس انا وانت بالذنب الى ربنا هيخلصه مننا

دنيا: انا لو عليا مش عايزة من وسام غير سؤال وبس،ويفضل هو لحياته عادى

وتتقبلنى مى بالصورة دى من غير مشاكل

ليلى: سيبى دى على الله ثم عليا

هحاول مع وسام وان شاء الله مش هسكت غير لما اظبط الدنيا كلها

دنيا: يارب .. وانا معاكى بردو

ليلى: ربنا يساعدنا ان شاء الله، عشان ال 2 دماغهم ناشفه

دنيا: طيب هو انا ينفع اقابلها ؟

ليلى: لاااااااااا مى دى ممكن تاكلك.. انا هحل موضوعها مش عن طريقى عن طريق حد تانى

دنيا : اوك.. ربنا يستر

#بقلم_نورايماعيل

======================•••===========

سهر : طب ولما ده قصدك وافقت ليه ع انك تطلقها ؟

وسام: مى مستفزة لابعد الحدود.. خدتنى عالحامى

منكرش انى غلطان

بس بردو كنت لسه عارف الموضوع الى لسه قايلهولك ده ، ومنفعل جدآ ودى جاية تقولى طلقنى

سهر: وعجبك كلام طنط ليها يا وسام؟ ليه ده احنا حتى دخلنا الفرحة ع قلوبكم بسبب مى مش النحس يعنى

وسام: انا اسف، بجد انا اسف ع كل الى قالته ماما لمى

بس والله هى بتحبها

معلش من الضغط الى بتتعرضله اليومين دول بسبب وفاة بابا

ده حتى انا اتحولت واحد تانى والله

سهر: مى حكتلى ، انا فضلت محتفظة بقدر ومساحة الاعزاز الى ليك فقلبى لانك اخويا الصغير

وسام: ربنا يخليكى ياسهر ، انتى عارفه لو حد مكانك لا كنت شفت ولا قابلت

سهر: بس بجد انا المرة دى متدايقه منك اوى، مى حاولت الانتحار بسببك يا وسام

قطعت وريدها بالمقص!

وسام: (بيستغرب وبيسقف كف ع كف ) مجنونة ! والله مجنونة

سهر: لا هى بتحبك .. مش مجنونة، مى عمر م كان فيه حد بيهمها قدك

وع اد حبها ليك .. انجرحت اوى منك

وسام: طيب انا خايف افتح موضوع دنيا ده تانى متتفاهمش ووو...

سهر: انا لما كنت فموقفها اتخنقت منك فالبداية ، لكن دلوقتى لما سمعتك .صعبت عليا دنيا وعذرتك

وسام: يعنى تفتكرى هتقدر الى هقوله

سهر: جدآآ.. بس حاول تشوف طريقه عشان تصالحها لانها بجد المرة دى مقدرش اوعدك انها تسامحك

وسام: عارف انى غلطت فحقها جامد .. عالله

الله المستعان

=========•••==============

بعد مقابله وسام لسهر .. روح لقى دنيا وليلى مستنينه بعد م دنيا اتكلمت كتير مع مامته ووضحت انهم كلهم كده بربطة المعلم غلطانين فحق مى .

الام: استغفر الله العظيم، انا بصراحة كنت بقول من غلبى يابنتى

ليلى: ياطنط حرام والصلاة الى بتصليها والقرآن الى بتقريه ، ده قضاء وقدر

مش قدم وحش وقدم حلو

طيب لو فيه حد نحس يبقى انا بقى .. لانى كل م انزل انزل ع وفاة حد من اقرب الناس ليا بقى

دنيا: وبعدين ياماما من كلام ليلى عنها ، البنت بجد معملتش اى موقف وحش معاكو

بالعكس دى روشة وحبوبة وكويسة

وسام: السلام عليكم..

الام: تعالى يا وسام .. دنيا هنا، جت مع ليلى

وسام ودنيا سلمو ع بعض..

ليلى: بص بقى عشان انت بجد غايظنى جدآ،وسايباك بمزاجى

اولا خالو توفى الله يرحمه ويغفرله يارب

وسام: يارب

ليلى: مش أخر الدنيا ، اول مرة احس انى اقوى منك وانا يدوب بنت !

فاهم يعنى ايه بنت ، يعنى اقل حاجة بتكسرنى .. ومع ذلك بقوم وبقف ع رجلى برغم الظروف

وبرغم انى بقيت لوحدى باباه متوفى من زمان .. وماما اتوفت من 3 سنين.. وماليش اخوات

زيك انت ودنيا زمان كده

ودنيتى فاضيه

حتى الحد الى بحبه... مقدرش اكمل معاه

ومع ذلك قمت وعافرت ، لحد م وقفت تانى .. ذاكرت ونجحت وبقيت احسن

وحياتى وقفتش ولا حاجة

يعنى ايه انت تتكسر كده ، بجد انا مش فاهمة

تتغير ع اكتر ناس حبوك ومحتاجينك.. ع فكرة فالوقت الى انت بتضحى بيه بحد بتحبه

ف غيرك ممكن يمد ايده ويبقى احسن منك ساعتها

قولى لو مى راحت منك بسبب افعالك الغريبة اليومين دول هيبقى موقفك ايه ؟

وسام: لا!! اسيب مى لا

انا عارف انى كنت غلطان ، انا موعدتش دنيا بأى حاجة

كان نفسيى تبقى حتة صبر شوية وافهمها الموضوع كله بس لما اهدى .. لكن مش دلوقتى

ليلى : طب والحل

الام: ده انا كمان سمعتها كلام وحش وهى البت بتعبرنى مامتها مكان امها الله يرحمها

وويسة وغلبانة

انا مش عارفه شيطانى كان ضحك عليا ولا ايه

دنيا: يبقى وسام يفكر كده ممكن يعمل ايه عشان يرجع ل مى تانى .. واظن دى حاجة مش هيغلب وسام فيها

انا واثقه

وسام بص لدنيا ورجع بص فدبلته .. وابتدى يفكر.

#بقلم_نوراسماعيل

========•••=========

قدام المرايه ...

بتسرح مى شعرها ، وفجأة ظهرت ليها معظم ذكرياتها مع وسام

وهو بيغلس عليها زمان ويرفعها من شعرها، وهو بيزقها

حركات الهبل الى بتبجبره يعملها

وهى بتضربه

خروجهم سوا

افتكرت وابتسمت وبعدين افتكرت كلمة لما بيقولها بتموت ع نفسها من الضحك لما يقول "

يارب .. عقلها لحد الفرح بس.. بس يارب !"

فضلت تضحك قدام المراية زى الهبلة ،وبعدين افتركرت كلمته "

هبعتلك ورقة طلاقك ع بيت باباكى "

واتحول الضحك بصوت عالى لدموع وعياط ..خلى مرات باباها تيجيلها من برة وهى مخضوضة.!

مرات باباها: ايه يا مى يا حبيبتى ؟ مش كفايه بقى

مى: مقهورة اوى والله ومش عارفه اعمل حاجة فنفسى ..

مرات باباها: والله هييجى ويصالحك وهتفرحو ونعملك فرح اد الدنيا

مى: هو ميعرفش انا بحبه اد ايه ؟ هو ميعرفش انا هتعب من بعده اد ايه ؟

مرات باباها: ان شاء الله ربنا حيهدى م بينكم وتبقو زى الفل ، تعالى بس ارتاحى

ولا اقولك ف فيلم حلو بيتعرض برة.. تيجى تشوفيه معايا؟

مى: ماليش نفس .. انا هنام

مرات باباها: لا تعالى ، والله هتفكى ويعجبك

مى: معلش ياطنط.. خليها بعدين

مرات طيب يابنتى براحتك

=================•••============

ويومين كده ...

وكان الصبح لسه بيصبح ، نزل بابا مى ع شغله ومرات باباها بردو

وسابوها فالشقه لوحدها

كانت نايمة والباب مرة واحدة خبط !!

قامت تفتح مى ..ولاقت دبدوب كبير وحاضن بوكية ورد

وماسك شيكولا

وورقه كبيرة مسنودة جمبه سامحينى !

خرجت تاخدهم بتبص لاقت وسام واقف عالسلم بيبصلها البصة الى تعودت تحبها منه ..

مى: انت بتعمل ايه هنا ؟

وسام: معرفتش افكر فاى حركة جنان زى حركاتك عشان اعملها واصالحك

قلت يا واد ياوسام تنط عالمواسير زى الحرامية وتدخل من الشباك

ولا تدخل من سلم المنور

مى:

وسام: ولا تطير ببراشوت وتقولهم ينزلوك عند الشقه عدل وانت بتقول سامحييييييييييينى يامى !

مى : (دخلت بس سايبه الباب مفتوح ) ع فكرة مش كل مرة هتضحك عليا ببوكية ورد وشيكولاته ودبدوب

خلاص يا وسام

انا تعبت

وسام: (دخل وراها وحط الدبدوب والشيكولاته والورد وقفل الباب)

انا مش بضحك عليكى

انا بحبك

مى: انت قفلت الباب ليه ؟ لا بابا ولا طنط هنا

ودلوقتى لو سمحتى اخرج من هنا بسرعه

وسام: طب مانا عارف انهم مش هنا ، اومال انا جيت دلوقتى ليه

مى: اما شئ غريب ياحضرت، ايه الرخامة دى

بقولك اطلع برة

وسام: بقولك ايه انا جاى انهاردة وناويها

مى: ناوى ع ايه ؟

وسام: (بيبص ع ايدها ) فين دبلتك؟

مى: رمتها

وسام: ولا يهمك.. تعالى ندور عليها ، رميتيها فين ؟

مى: يووووووووه ايه ده انت مش بتسمع بقولك مش عايزاك

مش عايزااااااك

وسام: (حضنها مرة واحدة ووشه بقى فوشها ع طول ) بس انا عايزك

عايزك

عااااااااااايزك و.........

#بقلم_نوراسماعيل

===============================