وسام: انا ملحقتش اقعد معاكى يامى
مى: معلش يا وسام.. ماهو انا كده كده لما باجى مش بتقعد معايا
اعتبرها مرة زى دول
وسام: (خد نفس) طب ثوانى انزل اركبك التاكس
وصلو لعند الباب...
مى: هو انا مقولتلكش؟
وسام: ايه؟
مى: طلقنى !!!!
وسام: اطلقك! ده حوار جديد بقى يامى
بقولك ايه (بيعد ع صوابعه) انا تعبان
ومخنوق
وفضغط
واحوالى م يعلم بيها الا ربنا
ف مش ناقص حوراتك يامى
الام: لا ازاى ، لازم تنكد عليك مهما حصل وتتنطط وتعمل فيها زعلانة عشان تجرى ع بوزك وتصالحها
مى: لو سمحتى ياطنط!
انتى اهنتينى بما فيه الكفايه، وانا فبيتك
وقلت زى مامتى واتخرست وحطيت جزمة فبوقى
ليلى: طب والنبى صلو عالنبى .. تعالى ادخلى يامى متتكلموش عالباب
وسام: انا عايز افهم فيه ايه ؟
مى: الكلام عندك انت مش عندى
انت الى تفهمنى ليه كده
عملتلك ايه
ده شريف الكلب صاحبك لما عملها انت بهدلته وبعدت عنه
تقوم انت الى تعمل كده معايا
وسام: شريف ايه وزيه ايه انا مش فاهم حاجة
مى: هو انت ليه بتحسسنى بدور البرئ ده كتير
ع فكرة
انا بطلت جنان من زمان
لانى لو كنت لسه مجنونة.. كنت جبت السنيوريتا الى كانت معاك من شعرها ومسحت بيها الارض
عشان المفروض انك راجل متجوز
وكان زماننا فبيت واحد لولا الى حصل
وسام: (هز راسه عرف) اه، انتى عرفتى انى كنت مع دنيا
مى: انا شوفت!!
طلبت ابطل جنان وبطلت.. كل حاجة طلبتها انا عملتها
بقيت نسخه من كائن انت عايزه بالظبط
غيرتنى وانا الى طول عمرى بتمشينى دماغى مش حد تانى
مكنتش عايزه ارتبط
جيت انت
وحنيت عليا
وكنت الايد الى بتطبطب فالوقت الى انا كنت فيه لوحدى
حبيتك.. اوى
(بتعيط وهى بتتكلم)
وسام: يوووووووووووه يا مى
خلاص
سمعت كل ده
شكرآ للتضحية ياستى
بس ع فكرة انا مكنتش بخونك
انا كنت بحاول افهم موقف ليه سنين
ع واحدة فضلتنى ع نفسها وسعادتها وراحتها
فضلتنى ع انها تعيش طول عمرها مبسوطة مع حد بتحبه.. بس عشان متتعبوش معاها
مى: والله برافو! حقيقى برافو
هى فين اروح ارقعلها زغرودة، ولا ارقصلها 10 بلدى يمكن ينفع
تقديرآ لجهود حضرتها
محدش قلها تعمل كده
دلوقتى بقت دنيا حلوة
ومى زفت ونيلة وقطران
وفين بقى كلامك.. وانتى بس الى رجعتينى اضحك تانى وانتى الدنيا
وانتى الوجود
وبعدك مافيش ناس
ولا انت زى صاحبك
الكلام عندك مش بفلوس
وسام:مى! عايزة ايه من الاخر
مى: تطلقنى
وسام: اوك.. روقة طلاقك هتوصلك ف اقرب وقت
دخل اوضته وسابها ع الباب مستغربة لرد فعله وانه باعها بسهولة كده
وقفت وبلمت راحت بصتلها مامته من فوق لتحت ومشيت
اما ليلى..
فهى جت تطبطب عليها .. راحت شالت ايدها مى بعنف ومشيت وهى بتعيط
#بقلم_نوراسماعيل
=========•••==========
بس دنيا لما رجعت البيت..
مكانش فودانها اى حاجة غير كلام وسام وبلاخص..
"معرفتش ابطل احبك .. غير لما حسستينى انى مش مهم فحياتك
بس طلعت فاهم غلط"
فرحت وهى بتغير هدومها ،لكن فاقت ع حقيقة واحدة
انها مش هتنفع تكمل معاه
بدليل شكلها ناو قدام المراية ... مريضة كانسر
شعرها واقع
ومحبطة! هلا شايفه نفسها كده
بس ارادة ربنا فوق كل شئ...
========•••==========
تكسير.. وخبط..وصويت وعيااااااااااااط!
ومحاولة من مرات بابا مى انها تهديها.. واتصال من باباها ع اختها انها تيجى وع حد من صحابها..
الاب: ايوة يابنتى
امنية: فيه ايه ياعمو .. ايه الصويت ده
دى مى ؟!
الاب: تعالى بسرعة ارجوكى يابنتى.. رجعت من برة مش شايفه قدامها
امنية: حاضر حاضر
مرات بااباها: يامى خلاص (ماسكاها)
مى: لاااااااااااااااا (بتتنطط وبتقطع الفستان بالمقص) بقولة طلقنى راح قالى حاضر
قالى حااااااااااااااضر
مرات باباها: طب اهدى عشان نفهم الحكاية
مى: ده مصدق يبعنى عشان الحيوانه دى (نبرة صوتها عاليه ومتغيره)
الاب: طب اهدى عشان نفهم طيب(بيحاول يشد الفستان)
مرات باباها: طب والفستان ذنبة ايه يابنتى ، ان شاء الله تلبسيه ع خير
مى: مش هلبسه.. مش هتجوز اساسآآآآآآآآآآ يارب كل الرجالة يموتو
يارب
الاب: طيب يابنتى الله يسامحك
مى: اوعى سيبينى (بتقص فالفستان)
مرات باباها: يابنتى هاتى المقص ده
مى: طب اهو ...
الاب: مى!!
#بقلم_نوراسماعيل
==========••===========
ليلى: بتدخل ع وسام الاوضه وهى زعلانة..
ليلى: مينفعش الى انت عملته مع مى ده .. انت غلطان
وسام: بعد اذنك ياليلى.. عايز انام
ليلى: ايه التغيير المفاجئ ده يا وسام؟!
ليه كده
وسام: اظن قلت بعد اذنك ..لو سمحتى
ليلى: حاضر همشى.. بس يكون فعلمك
طنط هزقتها هنا قبل م انت تيجى.. وانت جيت وكملت
والبنت دى بجد صعبانه عليا
مشيت وردت الباب وراها
========•••=========
شاش... بيربط جرح
ومى رايحة فالنوووووووووم..
الدكتور: اتطمنو .. يدوب خدش موصلش للوريد
انا اديتها مهدئ هينيمها 9 سعات متواصله
لحالة الانهيار الى عندها دى .. بس لازم حد يتابعها
الاب: حاضر يا دكتور.. اتفضل
سهر: نفسى اعرف حصل ايه بس معاها
مرات باباها: من ساعه م جت وهى بتصرخ وبتكسر فحاجتها وقطعت فستان فرحها
امنية: (قاعده جمب مى بتمشى ايدها ع شعرها) اكيد اتخانقت هى ووسام
بصراحة مى عصبية ومش بتستحمل..وقولتلها قبل كده ان وسام تعبان اليومين دول وهى مش مقدره ده
مرات: لا بس كانت بتقول وهى بتصرخ قولتله طلقنى وهو وافق
سهر وامنية بصو لبعض: وافق !
#بقلم_نوراسماعيل
===========••-============
تانى يوم الصبح...
قام وسام وراح شغله عاااااادى خالص، بمنتهى الامبالاه.. وعدم الاهتمام
ومفكرش يسأل عن مى ولا اى حاجة خالص
واصبح وسام واحد تانى محدش عارفه
وبعد يوم الشغل م خلص.. راح مع شريف البلياردو!!
بردو عادى
بس هناك بقى .. وسام حكى لشريف ع كل حاجة ...
شريف: عايز تسيب مى ؟!
وسام: مش قصدى كده، انا مبقتش احب مى زى الاول
حاسس ان كل الى بيحصل ده وشقلبه حياتى بسببها.. من اول م ظهرت فيها يعنى
شريف: لا وانت الصادق، ده هى اتعدلت لما هى ظهرت
انت ناسى انت كنت ازاى ، كآبةوحزن وضارب بوز
ده هى خلتك انسان بمعنى الكلمة
بتضحك.. ومبسوط وجننتك وعودتك ع حجات عمرك معملتها
هو انا الى هقولك يا وسام
وسام: مش عارف.. تايه
شريف: فاهمك..عين فالجنة وعين فالنار
عايز مى بس مش طايق اليومين دول
وصعبانه عليك دنيا عشان عرفت سبب انفصالكم ايه.. لانك متأثر اوى بحالتها عشان زى باباك الله يرحمه
وسام: بس بجد مينفعش استندل تانى مع دنيا زى الاول
شريف: بقولك ايه! انا عملت بالمثل الى بيقول الى اتلسع من الشوربة ينفخ فالزبادى
وانا اتلسعت لما اتشوهت من الدنيا دى
كنت غبى الاول وبعرف بنات ع نفسى
وبعدين ربنا هدانى وحبيت امنية وخطبتها
وبعدين رجعت حمار تانى واستغبيت..وعرفت شرينوسيبت امنية فلحظة غباء متتوصفش
وبعدين انخدعت فشرين
بينى وبينك
كنت عايز اضرب نفسى طلقه عشان ارتاح
ضيعت امنية.. وجريت ورا واحدة متسواش 3 مليم!
وسام سمع كــــــــــل كلام شريف.. وهز راسه
ورجع يلعب عادى
بس ايه الى بيدور فدماغه؟! االله اعلم
#بقلم_نوراسماعيل
========•••=========
عيون مى بتفتح ...
سهر: صباح الفل ياقمر
مى: سهر
سهر: (قامت حضنتها) ياحبيبتى
مالك يامى مالك
مى: انا تعبانة يا سهر، تعبانة اوى (بدأت تعيط
سهر: ف ايه بس فهمينى، ايه الى حصل
وليه عملتى كده فنفسك
عايزة تموتى نفسك ياميوش؟
ونجيب منين ميوش زيك تانى بقى
مى: انا مش عايزة اقعد فالدنيا دى تانى، انا بكره كل حاجة فيها
سهر: طيب ليه ؟
مى: وسام بيخوننى يا سهر(بتعيط فحضنها)
سهر: بيخونك! ماقولتلك 100 مرة ماتسمعيش من حد قبل م تتحقى من الكلام ده مظبوط ولا مش مظبوط
مى: انا شوفته! شوفت ايده وهى حاضنه ايدها
شوفت عيونه وهى بيبصلها بحب
شوفته بعينى والله ومقدرتش انطق ولا اتكلم
سهر: شوفتيه مع مين
مى: مع دنيا، خطيبته القديمة.. هتجنن وهيحصلى حاجة
طب انا عملتله ايه
طب كان عمال يبعد عنى ليه وميردش ع فوناتى
وليه مامته تسمعنى كلام زى السم
سهر: مامته قالتلك ايه ؟
مى: قالتلى انى بومة ووشى يقطع الخميرة من البيت
وانى قدمى نحس عليهم
وانى السبب فموت باباه
وانى منفعلوش ودنيا احسن منى وهى موافقه ع كده وهو فعلا عايز يسيبنى ويخطب دنيا
سهر: ايه!!! هى الست دى اتجننت ولا ايه
ولا جرى فعلقها حاجة لما جوزها مات
هو انتى كنتى الى موتتيه؟! دى ست مش بتفهم والله
لولا ان عندهم حالة وفاة وحالتهم صعبه..كنت عرفتها مين الى نحس ع مين بقى
مى: جيت ع نفسى ، وصبرت وقلت اسمعه
واول م جه مسكت نفسى وواجهته
بهدلنى ووضحلى اكتر انها احسن منى مليون مرة وانى منفعش انول شرف جوازه منى
سهر: ف ستين داهية ، وانا الى كنت باجى عليكى عشانه
خليه يروح لحاله فستين داهية وربنا هيكرمك بالى احسن منه
الواطى بتاع مامته ده
مى: باعنى ومشترنيش ياسهر.. باعنى ومشترنييييييييش
سهر: ولا يهمك.. والله لاجيبلك حقك تالت ومتلت !
ماشى يا وسام
#بقلم_نوراسماعيل
=========•••===========
ليلى: الى بيحصل ده حاسة انه بسببى، انا الى كلمت دنيا من الاول
وانا الى رجعت علاقتى بيها زى زمان.. وهى بقت متابعه اخبار وسام منى
وبعدين
جت العزا وبعدها مكالمتى ليها عرف وسام سرها الى مخبياه من سنين
واتخانق هو ومى
حاسة ان انا السبب... هموت بسبب عذاب ضميرى
لو وسام طلق مى
والله لاسافر ومقعدش فيها... انت ساكت ليه؟
م ترد ياسامح!!
بصراحه جميله وبصراحه كمان مى صعبانه عليا بجد احساسها صعب قوووووووى بجد
ردحذف:(
حذفالتعليق ده انا نشرته أمبارح فور نزول الحلقة على المدونة مباشرة .. بس انا علقت على صفحتك الشخصية مش ع المدونة .. وده للعلم :)
ردحذفسااااااامح !!! .. ميكونش هو سامح اللي ف بالي .. ده لوكده ممكن منة تروح فيها .. وتاخد الرواية الاحداث في مجرى تاني بعض الشئ .. بمعنى أصح هايظهر منحنى جديد في تطورات الأحداث .. أمممممممممممم
بس الظاهر هنا في حلقة انهارده أنه في سوء تفاهم كبييييييييييييييييييييييييييييييييير أوي عند معظم شخصيات الحلقة .. بداية من وسام مرورا بمي وكذلك دنيا وانتهاءا ب سهر الشخصية العاقلة .. الوحيدة اللي فاهمة اللي حصل صح هي ليلي .. طبيعي تلوم نفسها وضميرها يأنبها في انها السبب فيما وصلت إليه الامور لهذه الحالة .. لكن بكل تأكيد ده مكنش بإيدها ولا بعقلها .. وانما كان بإيد القدر وحده .. وده أمر معروف طبعا ..
أذن واضح كده .. ان الحلقات القادمة من المحتمل ان مضمونها هايكون في محاولة إزالة سوء التفاهم الكبير ده اللي وصل للكل .. وأظن ان اكتر اتنين هايلعبوا الدور ده أولا ليلي .. ثانيا وسام بس بعد ما يفوق شوية ويرجعله عقله لانه الظاهر كده ان عقله كان ف سبات وتبات .. وده مش متعود منه . . وأظن كذلك ان ليلي هي هاترجعله رشده للطريق الصح ... وياعيني عليكي يا مي .. متعاطف جدا مع حالتك الصعبة اللي وصلتي ليها دي .. ربنا يصبرك :)
وتسلم إيدك يا نور :)