ღ•انــا ابقـى مرات حضرته !•ღ الحلقة الثتاسعة والعشرون ( الجزء الثانى من لسه اجمل يوم مجاش )

قـــــــبـــــل الاخـــيـــرة.. =========•••=======

تك.. تك.. تك

الباب بيخبط...

وسام: (نايم خاااااالص وفحضنه مى ورايحين ف احلى نومه )

مى: (بدأت تفوق) حبيبى... حبيبى الباب بيخبط

وسام: هه...حاضر(مش مركز)

الروم سيرفيس: روم سيرفس ..سيدى

وسام: (قام وراح يفتح الباب ) ايوة..

الروم سيرفس: مسا الخير أستاذ وسام

وسام: مساء النور

الروم سيرفس: اليوم م وضعتم شو بتحبو تاكلو ع وجبة الغدا وبشو تحبو تتروقو ؟

وسام: مممممم.. طيب انا هشوف وهقولكم بالفون

الروم سيرفس: تحت امرك سيدى ، تكرم عينك

وسام قفل الباب... وبيبص فساعه الفون!

وسام: يانهار ابيض! الساعه 4 يامى

مى... قومى

مى: مممممم لا والنبى اناام شوية، تعبانة كتيييييير

وسام: قومى يابت .. تعبانة كتير ده ايه ؟ ولا اتعديتى منهم هنا بتتكلمى لبنانى

مى: شوووووو

وسام: ههههههههه، يلا عشان عايزين يعرفو شوبدنا نتروق!

مى: نتروق.. اه طب بقولك ايه انا هخطف حلم سريع وارجعلك

وسام: طب والله لو ماقومتيش.. هشوف اى بنوتة لبنانية هنا تخرج معايا سهرة بليل

مى: بنت! (قامت ع حيلها) لالالالالالا 5 دقايق وهبقى ع سنجه 10 قال موزة لبنانية قال

وسام: ايوة كده .. ناس مبتجيش غير بالعين الحمرا، ، انت يابت !تعالى هنا

مى: (رايحة الحمام) نحم

وسام: فين بوسه حبيبى ؟

مى: (ميلت تبوسه) اموووووووووووووووه

#بقلم_نوراسماعيل

===========•••=========

غادة ومنة وامنية قاعدين فكافية بعد الشغل سوا.وشغالين نــــــم عالعروسة ميوش .

غادة: زمانك هااااايص يافوزى

امنية: هههههههه ع مين يابت

غادة: ع البت مى .. هونى مون الاول بهانوفيل العجمى ..تمام مقولناش حاجة،

وبعد كده عمرة هى وهو سوا وبعدين يطيرو ع لبنان يكمللو الهونى مون وانا ماليش غير خلقه ممدوح الى اصطبح بيها كل يوم الصبح ..عااااااااااا

منة: ههههههههههه

امنية: والله وحشتنى اوى البت دى ، وحشتنى غلاستها وشقاوتها

منة: طب تعالو نغلس عليها ونكلمها

امنية: ناو؟!عندك كريدت كفايه

منة: ايوة.. الساعه دلوقت 7ونص يعنى اكيد صاحية

امنية: مش حكاية صاحية ،، بس ممكن تكون بتخرج او كده او مشغوله

غادة: لاتعالو ياعيال نكلمها وننق عليها ونحقد شوية عشان انا متغاظه (قطمت حتة سندوتش )

منة: انا هطلبها .. عندى رصيد كفايه

....

فون مى بيرن ... بيرن .. بيرن

ومى كانت بتجرى فالشارع وبيجرى وراها وسام عشان يمسكها ! لا هما مش بيلعبو مع بعض

دى مى خطفت من وسام نضارته من ع وشه وهما ماشين وجريت ... طبعآ وسط الهيصة مش سامعه الفون الى هى اصلا حطاه ف شنطة نونو فجمبها..

منة: ممممم مش بترد!

غادة: طب ورينى كده (خدت الفون) انا هفضل وراها لحد م اقرفها لغاية م تفتح

عالناحية التانية ..

وسام: ياغلسة هاتيها .. (بيحاول ياخدها من مى وعادى فالشارع والناس بتبص وتضحك وفيه الى مالوش دعوة )

مى: لالالالالالامش هديهالك ... استنى يا ويسو فونى بيرن

وسام: طب هاتى النضارة وردى .. يلا متبقيش رخمة والله مش شايف كويس

مى: خلاص خد اهيه (ادتهاله وباسته فخده) دى منة

الوووووووووووووو وحشتوووونى

منة: ميوووووش !! ازيك وحشتنيا

غادة: هاتى هاتى يامنه ... ازيك يابت يابتاعه لبنان انتى..جيتك من آخر لبنان

مى: وحشتووونى كتيييييييير كتييييييير خالص مالص جدآ بقى

غادة: بقولك ايه يابت .. ولا اقولك ياحجة بعد العمرة

مى: هههههههه انتى هتعملى زى ويسو سعات بيقولى اقولك ياحجة بقى خلاص

امنية: والنبى انا اكلمها والنبى والنبى

غادة: خدى يامى مونى عايزة تكلمك

مى: هاتيها هاتيها دى وحشتنى موت (لفت دراع وسام حوالين رقبتها وهى بتتكلم وبيتمشو )

امنية: عاملة ايه ياميووووووووش.. مبسوطة حبيبى؟حلوة لبنان يامى

مى: خالص يا مونى .. كل حتة فيها روحتها ، وسومى محرمنيش من ولا حاجة ، كل حاجة وعملهالى ..تعرفى !عمرى م شفت ايام احلى من دى فحياتى

غادة: انتى يابت يامى (بتشد الفون)

منة: الكافيه بيبص علينا يا غادة مش كده

غادة: لا استنو... شوفتى يابت العيال بتوع الاعلانات الى عيونهم زرقه دى وقمامير ميتخيروش عن البعيد جوزك

مى: اتلمى ياجزمة متعاكسيش ويسو روحى قدامى ، ايوة شفت مرطرطين هنا..تعالى نقى كام واحد ع قفا مين يشيل اهم

غادة: اوعدنا يا رب .. مش ممدوح ابوعيون ملتهبه

امنية: (بتشد منها) اهم حاجة يامونى تنبسطى خالص بقى فالهونى مون وافضلى حبى ويسو وكده ومتفوتيش لحظة غير وانتو مبسوطين

مى: ياقلبى يامونى .. والله وسام ورانى الجنة فعلا لدرجه انى مش عايزة افوق من احلى حلم انا فيه،انتى عارفة شوية كده انا رايحة انا وويسو حفلة لراغب علامة لايف وااااااااااااو

غادة:راغب علامة ! لاكده حراااااااام حرااااااام

امنية: مالها البت دى ؟ههههههه

غادة:طيب شفتى . فريد الاطرش يابت ؟

مى: ههههه لا شفت فريد الظريف ياخفه

منة: هاتو بقى الفاتورة هتخلص يا بت منك ليها... ميوشه !

مى: منة وحشتينى خااااالص ووحشنى بوتجازك

منة: ههههههه ماشى ياختى .. طيب هنسيبكم بقى ابقى كلمينا ؟(بتبص لامنية ) مش هتقوليلها ؟

امنية : (عملت براسها لا

مى: تقولولى ايه ؟ فيه ايه يابنات

منة: لا خلاص هتيجى امتى

مى: ممكن اخر الاسبوع..

منة: اوك توصلو بالسلامة .. باى

حطت الفون وسرحو هما ال 3..

امنية: تفتكرو فيه كام حد زى وسام كده فالدنيا

غادة: مافيش ياختى (بتشرب العصير بعصبية تضحك) هى قطعية واحدة وفازت بيها بنت المحظوظة !

منة: والله البنت مننا لما بتحب واحد .. بتحس انه احسن واحد فالدنيا ومش شبه حد

غادة: ايه ده ايه ده ..الصوغنن بيحب ايه الوش الى اتقلب قلب فجأة ده ؟

امنية: يا حياااااااتى .. بتحب يا منونة ؟

منة: (بصت بعيد بحزن) بس مش عارفه بيحبنى ولا لا

غادة: بصى .. لو كان الى فبالى ، يبقى تدخلى عليه وبقلب جامد ويا صابت ويا خابت منة : بس انا خايفه

امنية: لا غادة عندها حق.. قوليلو اهو عالاقل تبقى اسمك وقفتى ع ارض صلبه ..وبلاش تفضلى عايشة فااوهام

منة: تفتكروا...

امنية : ايوة طبعآ

منة: انتى ليه مش رضيتى تقولى لمى ع خطوبتك ؟

امنية: مش دلوقتى ..سيبوها تنبسط مش عايزة اعكنن عليها

#بقلم_نوراسماعيل

=========•••===========

وسام ومى فالحفلة .. ومن حفلة لحفلة ورقص وهيصة وتغيير جو ومبسووطين !

احلى حاجة انك تكون مع حد بتحبه، والاجمل ان ربنا يكلل حبكم ده .. بالجواز فالنهاية

عشان تفضلو سوا فالحلال.. ومتتفرقوش ابدآ وتبقى مابينكم اسمى العلاقات الى ربنا نزلها .

وسام : (بيلف لف مى بايده وهما بيرقصو ) تحبى بعد الحفلة نروح فين يا روحى ؟

مى: اى حتة يا بيبى ، اى حتة معاك جنه

وسام: طيب انا محضرلك مفجأة تحفه !

مى: ياعمرررررررى .. متخلنيش احبك اكتر من كده

وسام: (بيلف قدامها ) ليه بس

مى: عشان معنديش قلب تانى انا

وسام: انتى حبيبة قلبى يا مشمش هو انا ليا غيرك

مى: (وقفت)

وسام: (اتخض) مالك يا روحى

مى: دوخت من الرقص تعالى نقعد

وسام: تعالى ياقلبى ... الف بعد شر عنك يا روحى

قعدو ال 2 ..والحفلة شغاله برضو.

مى: بقولك كلمت ماما انهاردة ؟

وسام: كلمتها واتطمنت عليها وكلمت ليلى وكلهم كويسين

مى: اتصلت بدنيا انهاردة ؟

وسام: لا .. مكلمتهاش غير مرة من ساعه الفرح، لما كنتى جمبى واحنا فالعمرة

مى: طيب عشان انا كلمتها

وسام: امتى (مبسوط من جواه)

مى: لما نزلت تجيب التيكتس ، اتطمنت عليها وفرحت لما كلمتها

وسام: كويس يا روحى .. ماتيجى هنا وانا احبك

مى: (بعتتله بوسه فالهوا ) ادينى بحبك اهو (بتبص عالرقص وبترقص وهى قاعده)

وسام: مبسوطة يا بيبى ؟

مى: طبعآآآآآآآآآآآآآآ جامد بقى

وسام: طب لسه دايخه، تعالى نرقص غعالاغنيه دى انا بحبها

مى: انا بعشق اغنية العسل لسامو اصلا ، لا خلاص الدوخه راحت يلا بينااااااااا

وسام: (قومها) يلا يا حبيبة ويسو

==========•••===========

كام يوم كده ..

وكانو فالمكتب البنات ال 3 وسامح وممدوح ..

ومنة شغالة تعيد وتزيد ف اغنية ف واحدة بتحبك اوى لانغام.. لدرجه بقت ملحوظة!

ممدوح: صدعنا منها الاغنية دى يامنة.. اقفليها ولا غيريها

منة: لا اصل انا بحبها اوى (بتبص لسامح)

سامح: مين الى نفذ شغل دعاية شركة داليدا للملابس؟

امنية: ورينى كده ؟ (بتبص ) ده شغل مى

سامح: مانا قلت .. كويس

منة: (متأثرة بالاغنية ومتدايقه حبتين وحطت راسها عالمكتب)

غادة: مالك يابت ؟

منة: تعبانة شوية

سامح: طيب انزل اجيبلك حاجة من الصيدليه ؟

منة: (بتبصله بصة مفهومه انها حب) لا شكرآ ياسامح

امنية : قامت من مكانها) سامح خد عايزاك

سامح: نعم

طلعو برة...

امنية: سامح هو ينفع اسألك سؤال بحكم الصداقه والعشرة الى بينا

سامح: اه طبعآ والاخوة كمان.. اتفضلى

سامح: انت فيه حد فحياتك؟

سامح: (استغرب السؤال واخد ثوانى للرد) بينى وبينك.. فيه ومش فيه

امنية: وده معناه ايه ده بقى

سامح:يعنى فيه واحدة بحبها من زمان .. بس يعنى فيه ظروف مفرقه او مش بتجمعنا ببعض

امنية: ممممم

سامح: ممكن اعرف اشمعنا السؤال ده خطر فبالك ليا دلوقتى ؟

امنية: اسمع كويس الاغنية الى مشغلاها منه .. وانت تفهم

سابته ودحلت ودخل وراها يحاول يفهم حل اللغز ..

سمع بعض الكلمات من الاغنية

فيه واحدة بتحبك اوى .. من كام سنة قدام عنيك وانت بتسأل هى فين

فيه واحدة بتحبك اوى من كام سنه قدام عنيك وانت بتسأل هى مين

ياريتك تحس ان الى بتحبك انا !!

سمع وركز اووووى .. ومنعرفش ايه الى بيدور فدماغه..

#بقلم_نور اسماعيل

========•••=========•••

ليلى بتحضر شنطها .. راجعه تانى المانيا .. وبتكلم دنيا فون

ليلى: لا خلاص بقى عشان بجد معرفتش اركز ولا اذاكر هنا الوقت كده بيضيع .. انتى هترجعى المانيا ولا هتفضلى هنا

دنيا: لا خلاص ، ممكن اروح أخر متابعه ليا اخر السنه وبعدين ارجع مصر ع طول .. كده كده انا مستمرة فشغلى هنا وهناك بس اصل الغربة متعبه ليا والحمدلله حالتى اتحسنت واقدر اكمل متابعه مع الدكتور بتاعى هنا

ليلى: والله براحتك.. يادندونه

دنيا: طيب ياجميل، اسيبك بقى عشان تخلصى عمايل حاجتك هتمشى فرحلة الساعه كام بكرة ؟

ليلى: رحلة الساعه 1..

دنيا: طيب اجى اسلم عليكى ؟

ليلى: ها !! (ارتبكت) لا خليكى عشان مش تتعبى نفسك انا هروح لوحدى

دنيا: ماشى ياحبيبتى .. توصلى بالسلامة

قفلت ليلى وبتدخل عليها مرات خالها ..

الام: خلاص نويتى يا ليلى ؟

ليلى : معلش بقى يا طنط ، ان شاء الله اسجل الدكتوراه وابقى أجى

الام: ياااااه يعنى لسه كام سنه تانين، م كنتى ماليه عليا البيت بعد وفاة خالك عاصم يابنتى

ليلى: دلوقتى وسام ييجى وربنا يرزقه ببنات وولاد زى القمر يملو عليكى البيت ، وبعدين انا مش هسيبكم ابدآ غلطة زمان خلاص بقى هتصل بيكم كل يوم

الام: طيب يابنتى ربنا معاكى ويوفقك ..

=========•••==========

هو انهاردة ايه صحيح ؟ آخر يوم فالاجازة او الهونى مون بتاع العرسان وبكرة راجعين مصر خلاص ..

الرقص والمشواير والفسح والتنطيط، جاب آخرهم ال 2 يدوب بيرجعو مهدودين .. ينامو زى القتله,,

وفيوم وسام حلم حلم .. حلو اوى وكان مستنيه من زمان.

وسام: واقف فحته جميلة وقصادها بحر وواقف لقى باباه قاعد عالبحر ده ولابس لبس ابيض ومهندم ووشه صافى ونقى،

وسام: باابا! وحشتنى اوى

الاب: (بص ناحيته ورجع بص للبحر تانى )

وسام: انت زعلان منى يابابا ؟

الاب: ربنا ادالك عاصم يا وسام ؟

وسام: لا يابابا .. ربنا يكرمنى بيه قريب

الاب: (هز راسه يعنى لا وميل جاب من جمبه علبه قطيفه شيك كده ) خد دى يا وسام يابنى، شيلها وحافظ عليها

وسام: دى فيها ايه العلبه دى يابابا؟

الاب: فيها جواهرك..جوهرة كبيرة وجوهرة صغيرة

وسام: طب وعاصم يابابا قام الاب مشى ووسام لسه بيكلمه

وسام: يابابا.. بابا... مش بترد عليا ليه ؟ طب وعاصم

الاب: لا يا وسام ... عصماء!!

فجأة صحى وسام من الحلم الصبح ... وسام: (قام من نومه مبسوط وباس كف ايد مى وهى نايمه جمبه )..صباح الفل يا مشمشتى

مى: مممم صباح الثوكر يا ثوكر قلبى .. ليه صاحى بدرى كده ؟

وسام: جاتنى البشارة يا روح روح قلبى

مى: (ابتسمت وهو بيلعب فشعرها) بشارة ايه ؟

وسام: انتى حامل .. ياااااااه يا ميوش مى البنوتة الشقيه هتبقى مامى صوغنونة ، فرحاااااااان اووووى اللهم لك الحمد يارب

مى: هههههه كشفت عليا وانت نايم ، ولا فجأة بقيت دكتورفالحلم ولا ايه ؟حامل مين يارجل لسه مش دلوقتى

وسام: (باسها فجبينها) عبيط صوغنن ..(قام وسابها)

مى: هييييييييح طويب (نامت تانى

=========•••==========

فالمطار...

ليلى قاعده قصاد سامح ..بيشربو نسكافيه ومنطقوش ب ولا كلمة .

ليلى: انا من الاول فهمتك امورى.. مش هينفع انا وانت خطين متوازيين.. مافيش مقابله بينا ابدآ

انت ليك حياتك فمصر .. وانا ليا حياتى الى بحبها انت عايز تبقى حاجة وانا طموحى حاجة تانيه خالص

سامح: متدوريش ع اى كلام ياليلى انا فاهمك، ومش زعلان عشان انتى خلاص مسافرة واختارتى البعد للابد

ليلى: مش الفكرة بس ..

سامح: انا كنت بحاول المرة دى انى اقرب منك اكتر من الفترة الى فاتت ، والى هى احسن فترة فحياتى

بس انتى بكل تصرفاتك كنتى بتحسسينى انى بزق فحيطة .مافيش امل

ليلى: سامح مش عايزاك تزعل منى .. واتأكد انى هفضل فاكرة كل حاجة بينا وهتفضل معزتك فقلبى طول العمر

سامح: معزتى ! اوك (بيطفى السيجارة)

تنبيه عن رحلة ليلى فالمايك..

ليلى: طيب انا هقوم.. اتمنى ياسامح اسمع عنك كلام كويس لما انزل تانى وانك بدأت حياتك بجد وبقيت احسن

سامح: اوعدك..(ابتسامه خفيفة) توصلى باللسلامة

ليلى: لا اله الا الله

سامح: محمد رسول الله

النداء الاخير لرحلة ..... المتجهه من مطار ... الى .....

مشيت ليلى وطالع سامح من المطار

لقى قدامه.. منة!

سامح: منة ؟

منة: عارفة انك بتحبها (فعيونها دموع) وعارفه انك مش قادر تنساهاومتسألنيش عرفت ازاى بس انا مش قادرة احب غيرك بجد المرة دى انا بحب بجد مش زى كل مرة ومش عارفه اسيطر ع قلبى

سامح: (ابتسم ومسك ايدها ) انتى عرفتى ان انا هنا منين

منة: مش مهم .. دلوقتى انا الى بقولك بدل م انت الى تقولى

سامح: .. تتجوزينى يا منة ؟!

منة : ها!!!

بقلم_نور اسماعيل

==========•••==========

استنونا بكرة يافانز مع الحلقه الاخيرة