كل حد فينا لما بيبقى ضارب خناقه مع حبيبه بيبقى صاحى متعكنن ومش ايق نفسه .
وده الى حصل مع وسام ، اينعم وسام راشد بما فيه الكفاية .. وتفكيره الى سابق سنه مخليه مش متهور فتصرفاته ولا فحكمه ع الامور .
بس هو خايف !
خايف من مى بسبب عنادها ده ، مع انه جدير انه يغيرها لطريقه هو عايزها .. ومى ع اد ماهى بتحبة
بس بردو محتفظة بكبريائها وغرورها انها تتكسرله.
وبعديييييييييين هيتصرف ازاى ؟!
وهو بيلبس ، جاله اتصال مهم..
وسام: الوو
--: الو الاستاذ وسام عاصم ؟
وسام: ايوة يا فندم
--: عيادة الدكتور اسامة فؤاد
وسام: ايوة مع حضرتك
--: معاد حجز الكشف الى حضرتك حجزته من شهر بكرة ان شاء الله
وسام: انا فاكر .. شكرا لحضرتك
--: اوك يافندم .. رقم الكشف 597 الساعه 8 مساءا
وسام: ان شاء الله هنكون هناك ..
--: اوك يافندم ف انتظارك .. مع السلامة
وسام: مع السلامة
بعد المكالمة .. كمل لبسه وشرب قهوته ونزل عالشغل .
واول م وصل ..
المدير : وسام !
وسام: ايوة يا فندم
المدير: انهاردة معلش هطلب منك خدمة ضرورى
وسام: تحت امر حضرتك
المدير: استاذ محمد المتخصص فتعليم الدفعه الجديدة مهارات الشغل فالشركة واخد اجازة .. وانهاردة معاد الكورس والدفعه كلها جاهزة
وانت اجدر حد موجود واقدم حد .. استأذنك تقوم انت بالمهمة دى
وسام: بس.. انا اوك اعرف فشغلى طبعآ واقدر اقدم من خبرتى بس الكورس مش عارف اول مرة القيه يعنى (بيبتسم بسمة كسوف )
المدير: ههههه ارجع بذاكرتك ل 8 سنين ورا يا سيدى .. ع شوية حجات من الكورس الشهرى للموظفين هتعدى بس نعدى المطب ده لان المانجر ديركتور بيسألنى وانا مش لاقى غيرك
وسام: اوك ولايهم حضرتك ... انا هقوم بيه
المدير: ماشى يا وسام .. انا هطلب منهم يجهزوا وانت حصلهم .
وسام: اوك يافندم
مشى المدير وجاله شريف ..
شريف: ايه ده ! الى انا سمعته ده بحقيقى ؟
وسام: ع ايه ياشريف عالصبح انا مش ناقصك
شريف: انت هتدى البيجنيج شو كورس ! يابختك يابن المحظوظة
وسام: تعالى ياخويا اديه بدالى ، ده انا حتى مش فيا دماغ خالص انهاردة
شريف: ههههههه ولا اعرف .. وبعدين انا بقالى 5 سنين هنا بس
وسام: ولسه حمار وحياتك!
شريف: ع رائيك . هههه بقولك
الصاروخ الديناميكى هيحضر عشان هى من الدفعة الجديدة .. ابوس ايدك بلاش الرقه بتاعت امك دى والسمسمة الى انت فيها دى قدامها
احياة ابوك ياشيخ لا توحش فوشها وتبقى شبه ستى اطاطا كده فعنيها o,O
وسام: فايق ياشريف وانا مخنوق .. اوعى عشان اروح
شريف: ايه مالك !
وسام: مافيش .. اوعى
==========•••======
مى فمكتبها ..
سامح: ع فكرة معظم برمجة الاجهزة دى زفت ... لو سمحتم يا جماعة نشوف شغلنا كويس
غادة: يوووه ياسامح .. ازاى زفت يعنى
منة: ع فكرة بقى .. مش غلطتنا .. دى غلطة الاجهزة نفسها
سامح: اه الاجهزة بتستهبل
غادة: خلاص ياسامح هنعيد تظبيطهم بس متقعدش تزعق كده والنبى عالصبح
امنية: هههههه فرحان بصوته
ممدوح: جرى ايه يابنات انتو هتستلموه ولا ايه ؟
سامح: لا لسه مى هانم دورها مجاش
(بيبصوا لمى )
مى: (بترد ببرود وهى بتشتغل ) سيبو مى فحالها
سامح: مممممممم غريبة يعنى ، تبقى الدنيا والعه ع حد ومتسخنيش
غادة: ايه يامى مالك ؟
منة: (بفرحة خبيثة ) تلاقيها متخانقه مع وسام
امنية : بجد ! متخانقه فعلا ؟!
داانتو بتجهزوا للخطوبة يابنتى
مى : يووووووه .. انا ماشيه
امنية : مى .. يا مى !
مشيت مى وطلعت بعربيتها ع سهر اختها ... كانت مخنوقه اوووى ومحتاجة تفضفض معاها .
==============•••=======
وسام واقف قدام الموظفين الجداد .
ماسك القلم وواقف عالسبورة وكتب .. فن التعامل مع عميل شركتنا
بدأ يتكلم ويشرح وكلهم معاه ، كان واثق من نفسه وهو بيشرح .
العيون كلها كانت متتبعاه وبيكتبو وراه الاسس الى هيمشو عليها ، وكل حد معاه سؤال كان بيجاوب بطلاقه واكن بيدى امثلة لحجات ممكن يوقعو فيها مع العملاء .
كان الوقت لطيف مابين الضحك ع مواقف بيقولها وسام .. وشوية اسئلة ساذجة منهم .
كــــــل ده وشيرين مش منزله عينها من عليه . شيرين حد ملفت للنظر اوى، طريقة لبسها وجمالها الزايد عن اللزوم
او زى م شبه وسام جمال بلاستك !
وطريقه بصاتها وحركاتها مخلينها محط انظار معظمهم .
بس وسام مش فدماغه .. اصل مش دى الى تشده ولا النوع ده
وكمان هو مكتفى ب مى فكل حاجة .. حتى لو ف خصام ، الخصام مش معناه الكره ابدآ.
وبعد م خلص الكورس .. كلهم قايمين وهى فضلت للاخر بعد م نزلت رجلها الى كانت حطاها عالتانية .. وشدت جيبتها القصيره وقامت ناحية وسام ..
شيرين: عرفت انك عريس جديد .. شكلنا كده دفعة وشها حلو عليك
وسام: الحمدلله .. قريت فاتحة وكتب الكتاب كمان اسبوع
شيرين: فعلا يابختها بيك (قربت زيادة ) اختارت راجل !
مشيت شيرين ووسام ارتبك اووووووى ، بيتكسف من الجرأة الزيادة عن اللزوم دى وفنفس الوقت هو مش عايز يبتدى مشاكل فشغله وهى شكلها مش هتعديها
صلة زمالة وبس !
===========•••=====
مى عند سهر وبتشرب الكابتشينو .. بعد م حكت كل الى حصل امبارح مابينها وبين وسام .
سهر: يا حبيبة قلبى طبيعى يعمل كده. مش هتبقى مراته
مى : ده عايز يتحكم فيا عالاخر يا سهر ويمحى شخصيتى ، ايه وانا فين من ده كله
سهر: ده مش تحكم يامى ، وسام راجل شرقى .. وملتزم دينيآ مش غريبة طلبه ده علاطلاق
ده هيبقى جوزك فاهمة يعنى ايه جوزك ؟
يعنى حبيبك الى تاخديه فحضنك .. وباباكى الى بيحن عليكى وصديقك الى يسمعك
وابنك الى تبقى مسؤله عنه !
كل حاجة فيكى ملكة .. انت نفسك بتاعته .. انتى عمرك شوفتى حاجة بنمتلكها ليها رد فعل !
مى : احنا بنمتلك جمادات مبتتحركش .. فون ولا لاب ولا اى نيلة سودة
لكن انا انسان وليا كبريائى.. ولازم يحترم ده
سهر: انا مش شايفه انه جرح كبريائك فحاجة ، بالعكس ده كانت جنتل جدآ معاكى وسابك فترة تبقى براحتك لحد م تقررى انتى وتعملى الى هو عايزة
بس انتى معملتيش .. فحب يقولك هو
مى: الاول قال بعد الفرح ... لالالا خليها كتب كتاب مش شبكة بس
لالالا تلبسيه من اول كتب الكتاب
ايه ! هنلعب
بتمهدلى عشان اتدبس
سهر: وليه تعملى حاجة كده كده هتنفذيها بعد مشكله وخناق وبعد .. م تعمليها وتريحى دماغك طالما كده هتتعمل وكده هتتعمل يابنتى
مى : (بتفكر وساكته ) بيدبحلى القطة حضرته
سهر: ولا قطة ولا حاجة .. فكرى كده هتلاقى انك غلطانه
طب استنى كده !
دخلت سهر جوه الاودة .. وجت وجايبه رحتين شيك وقمورين اووووى
مى : ايه دول ؟
سهر: ايهاب جوزى وهو فالعمرة جاب لى دسته طرح وقالى وزعى ع حبايبك ..
زى مانتى شايفه جمال جدآ .. انتى عارفه ان وشهم حلوالطرح دى
كل حد اخد منهم .. ي اما مكانش محجب واتحجب ..
ي اما لبستها وكان وشها حلو خلاص
وفضلو ال 2 دول معرفش بقى من نصيب مين .. شكلهم من نصيب
(بتمد ايدها بواحة فيهم ) جربى .. مش هتخسرى حاجة
مى اخدت واحدة بعد تردد .. ومسكتها وبصت لسهر ..
=======•••========
وتانى يوم ..
كان وسام عند الدكتور هو باباه بيكشفو ع معدة بابا وسام وبيطمنو
وبعد م خلص كشف ع الاب ..
الدكتور: اتفضل يااستاذ وسام اقعد
وسام: خير يا دكتور
عاصم : (بيعدل هدومه ) ايوة يا دكتور
الدكتور : والله الكشف المبدئى والاشعه الفورية دى مبتقولش غير حاجة واحدة
وسام: ايه يا دكتور؟ (بدأ يقلق )
الدكتور .. ورم خبيث فالمعدة ! فالمرحلة التانية كمان ..
وسام كان واقف من توتره .. ارتعش مرة واحدة زى بيبى صغير مامته ضاعت منه !
عنية برقت والدموع نزلت بغزارة كأنه كان مجهزهم وقعد وقام ع كرسة مرتين فنفس الثانية !
الدكتور: احنا لازم نتحرك وبسرعة .. هتتعمل عملية استئصال فالبداية عشان نبتدى الكيماوى
دى مرحلة تانية يعنى احنا متأخرين جدآ
الاب: (حط راسه فالارض ومافيش فبقه غير ) الحمدلله .. الحمدلله
وسام : (مرتبك وبيشر عرق وبقه احمر ) ط.. طيب.. امتى نعمل العملية حضرتك
طب نعمل ايه حضرتك
الاب: مافيش حاجة يا وسام يابنى .. كل حاجة من ربنا خير
الدكتور: انا معاكو وقت م تكونو مستعدين .. (بيكتب ورقه ) يتحضر وتكلمنى وتقولى اوك وتروحو المستشفى الصبح ونعملها وان شاء الله هيقوم بالسلامة
سلمو ع الدكتور واخدو الاشعه .. ومشيو
وسام طول الطريق مبرئ عيونه والدموع مش مبطله وساااااااكت!
ابوه بيبصله ويطبطب عليه .. ويرجع يقول الحمدليك ياارحم الراحمين.
وصلو وطلع وسام وباباه.. واول م دخل باباه الشقه قاله هيلف بالعربية شويه .. و من غير تردد ولا تفكير وبمنتهى التهور رن وسام جرس باب مى
مى بتفتح بتلاقى وسام ..!
مى كانت طالعه ولابسه الطرحة واسدال صلاة! واتخضت من منظره ده
مى: وسام .. مالك يا حبيبى ؟!
وسام: (خد ايدها ونزل عالارض من غير ما يحس وبدأ يتكلم بصعوبة مع الدموع ) بابا ... عنده ... سرطان !
=======•••=====
جميله
ردحذف