عندما سلمت ندى على كريم وقد خبت دبلة خطوبتها بحقيبتها ومن رأت ذلك وانتهبت له وغضبت كثيرآ هى مريم !! فهى سألت نفسها كثيرآ قبل ان تسأل ندى لما فعلت هكذا؟!..
. فهى تنفست الصعداء عندما علمت ان على لم ينتبه لفعلتها هذه رغم وجوده بجانب كريم.. رفاق كريم سعداء كثيرآ برجوعة وعلى الاخص هنا، فهى اول من سالته عما حدث له وماذا ابعده لمدة عامان ولماذا اختفى من بينهم فجأة؟؟ كل هذه الاسئلة قد جاوبها كريم ولكن ...هو كان ينتظر من ندى ترحاب اكثر وهى اول من تساله ماذا به اولا فهو عائد بعد غياب عامان عنهم وكان مستحيل رجوعة مطلقآ. ولكن الذى لم يفعل كريم حسابه هو انه نسى تماما ماذا قال لندى آخر مرة وماالورقة التى تركها بحقيبة يدها...برغم ان ندى ايضآ لم تراها فهى عادت هذه الليله باكية غاضبة جدآ وقد قذفتها بعيدآ عن ناظريها ، فأخذتها والدتها ووضعتها بمقتنيات ندى الخاصة ونسيت مع الايام!!
********************
كريم كل يوم بالمعهد وقد علم من اساتذته انه قد سقط قيده بالمعهد وعليه ان يقوم بتسجيل قيده من جديد..هنا هى من ترافقه يوميآ وسالى ايضآ، اما عمرو وطارق فهما معه ولكن ليس دائمآفهم مشغولون بتحضيرات عرضهم لحفل التخرج، وقد نبهت هنا ع الجميع عدم اخبار كريم بخطبة على وندى حتى لا ينزعج وانهم هم اصحاب الموضوع وهم من يخبروه.. ولكن من اعتاد ع غيابه هى ندى!! هذا مايجعل كريم قلق جدآ حيال موقفها هذا معه، فتارة يقل فنفسه انها من الممكن مشغولة بالمذاكرة وتارة بتحضير العرض ولكنه يرفض تماما فكرة انها اعتادت غيابه..
وذات يوم من الايام التى يحضر بها بالمعهد معهم ازاء فترة بحثه عن عمل وبعدها يعود اليهم ف المعهد، يرى على وندى ذاهبان خارج المعهد وعائدان لمنزلهم فيعرض عليهم ان يقوم بتوصيلهم ويقبلو...
ندى: معلش قبل م نروح هنتعبك ياكريم ودينى محل التحف الى فالشارع الى جنبنا
كريم: حاضر بس كده عيونى يانودى على يستمع الى كلماته ويشتاظ غياظآ ولكن يملك اعصابه حتى يصلا الى المحل وتشترى ندى منه
كريم: (ضاحكآ)ايه كل الحاجات دى انتى بتجهزى ولا ايه؟؟
على وندى ينظرا الى بعضهم ويصمتا.. وعندما يصلو الى المنزل ندى تبتسم الى على وتهبط ولا تتذكر كريم مطلقآ مما يزعج كريم جدآآ
************************
وفى مساء يوم يذهب عمرو وطارق برفقة سالى وهنا الى كريم شقته كى يجلسو معه قليلا ..
. كريم:منورنى ياجماعة والهى
هنا: ياقمريالى كنت غايب بنورك اكيد
كريم:ههههه ايه ده بقيتى تقولى شعر ياهنا هو دكتور حسن علمك ولا ايه هههههههه
عمرو : متاخدناش بس فالكلام اعملنا نسكافيه بلاك من ايدك وتعالى بس فى مواضيع كتيييييييييير عايزين نحكيها معاك
كريم: حاضر ياعمرو من عنيا...كلكو نسكافيه اوك الجميع: اه كريم يذهب الى مطبخة القريب جدآ منهم فهو يتحدث اليهم ويسمعوه واثناء محادثتهم...
كريم: الا متعرفوش ياشباب على وندى مقربين لبعض اوى كده ليه
سالى :(ترد مسرعة) ايه يابنى عادى مش مخطوبين.. كريم ممسكآ باحد الفناجين واذ يستمع لكلمات سالى فيقف عن العمل ويسقط منه الفنجان محدثآ صوتآ مقاطعآ له كريم بدهشه بالغة :.. " ايـــــــــــه!!!!! "
:o
تصرخ هنا فى وجه سالى لائمة عليها انها اخبرته فيخرج اليهم كريم مسرعآ وهو فى شدة الاندهاش ووجهه مصفرآ.
. كريم: (موجهآ الحديث الى سالى ) انتى بتقولى ايه ياسالى ؟
سالى :(بارتباك) ايوا....اتخطبو من شهرين!!
طارق: طب انا نازل ياشباب شكل الليلة ضلمت
كريم: استنو هنا محدش نازل غير لما افهم ، (يدير رأسه الى هنا) يعنى ايه ياهنا مخطوبين صاحبى وحبيبتى مخطوبين!!
هنا: اسألهم ياكريم احنا ملناش دعوه انا للاسف مقدرتش اعمل حاجة هى مقتنعه جدآ بيه وشكلها بتحبه كريم: بتحب مين؟! على !! ده اخوها ...طب وانا ايه فحياتها ؟!
عمرو: هى بقى الى تجاوبك ياكريم عالسؤال ده بس انا عايز اقولك حاجة متنساش انت عملت فيها ايه قبل ماتمشى مريم حكتلى ع فكرة وانت كنت عايز حابب تعيش فقصتك دى دور الضحية فالحكاية مافيهاش ضحايا ياكريم...عن اذنك احنا ماشيين
كريم : هنا قبل ماتنزلى ادينى رقم على ..
**********************************
كريم اتصل بعلى واخبره انه يريده حالا بمنزله هو وندى فى امر ضرورى جدآ... بينما عالفور على يتصل بندى ليخبرها ان كريم يريدهم وانه يشعر انه قد علم بخطوبتهم لانه كان غاضبآ وهو يتحدث فاخبرته ندى ان يهدأ وينتظرا حتى الذهاب اليه لمعرفة الموضوع... يصلا الى المنزل فيفتح لهم كريم بصمت رهيب ويشير لهم الى الداخل..
كريم:(بغضب) ممكن تحكولى كده الخطوبة دى جت ازاى؟! ها ياصاحبى القريب اوى ليا يالى انقذت حياتك زمان وانت دلوقت بتهدم حياتى ...(ثم ينظر الى ندى ) ولا ايه رائيك ياحبيبتى متفسريلى انتى .
على :(بارتباك) كريم اهدا...كل الى عايز افهمهولك انى مخنتكش والله م خنتك احنا الموضوع جه..
. ندى تقاطعه: على انت هتبررله ايه!! احنا مش عاملين حاجة غلط ، هو الى يبررلى ليه سابنى فجأة ليه اختفى من حياتنا فجأة وليه كان واحد بيننا منعرفش عنه حاجة ولا هو مين ولا منين كريم: انا اتعرضت للموت ياندى ، انا كنت فكل لحظة بتعدى عليا مش عارف هعيش الى بعدها ولالاء ....حرام عليكى قدرى ندى: اقدر ايه...انت مش فاكر أخر مرة كنت فيها عندك انت عاملتنى ازاى لو ناسى انا افكرك كريم ينظر اليها دامعآ :بلاش القسوة دى انا كنت خايف عليكى خايف ع مستقبلك من واحد مش مضمونة عيشته ولا حياته
ندى:(بغضب) كنت سبتنى انا اختار واقرر افضل معاك ولا لا، لكن انت قررت امتى ترجع وامتى تمشى والمفروض انى افضل تحت امرك مش كده كريم: لا مش كده ، ومش مبرر ابدآ انتى وعلى تتخطبو ندى: على مالوش ذنب، تعرف ان على احق بيا منك عالاقل فضل سعادتى ع سعادته ، كان شايفنا سوا وكان ساكت مع انه حبنى من قبل مااشوفك وتشوفنى كريم: وجه دلوقت يعترف لما انا مشيت
على : (مقاطعآ لهم) لا اسمحلى ياكريم انا مش بصطاد فالميه العكره زى مانت فاهم انا كنت بحبها وفضلت احبها حتى وانت غايب ومااتكلمتش بس الظروف كانت اقوى مننا حبتنى يااخى ايه حرام تحبنى ؟!
كريم: لا مش حرام ياعلى ، انا الى حرام عليا كل حاجة وانا الوحش وانا الى استاهل مش كده ...اوعو تكونو مستنين منى اقولكم الف مبروك وربنا يتملكم ع خير مش هقولها لانى حاقد عالعلاقة دى لانها من الاساس حرام تحصل.
. على ينزعج من كلماته ويهم بالذهاب فيدعو ندى لمرافقته فيطلب كريم من ندى ان تسمعه لدقائق فيوافق على ع مضد ويهبط..
كريم:(دامعة عيناه) ندى انتى مش بتحبيه انتى بتحبينى انا والله انا متأكد انتى اتخطبتى لعلى عشان كنتى فاكرة انى مش هرجع بس والهى انتى بتحبينى زى مالسه بحبك
ندى: لا ياكريم انت بالنسبة لى ذكرى...عارف ليه؟ عشان استنيتك استنيتك كتير كان نفسى مرة تتصل بيا مرة تعرفنى انت فين ومالك مش زيي زيهم معرفش حاجة ولا كأن مافيش بينا اى حاجة حلوة
كريم: طب وحياة حبنا سامحينى انا هموت من غيرك حرام عليكى انتى مش هتبقى سعيدة معاه، مش هتعرفى تقوليله الى كنتى بتقوليهولى مش هتعرفى تضحكى من قلبك معاه زيي...ده انا وفمحنتى دى مكنتش فاكر غيرك كنت هموت واسمع صوتك واشوفك بس انا قعدت سنة فغيبوبة كنت هموت ياندى ندى: الكلام دلوقت مش هينفع خلاص الوقت فات كريم: لامتقوليش كده ...فكرى حتى لو اسبوع قبل ماتندمى ياندى طول عمرك ماتقرريش دلوقتى تكونى مع مين وانا مستنى ردكـ.
.. تنصرف ندى وتذهب الى على ويعودا الى منازلهم...
**************************
تعود ندى لتحكى كل شئ لمريم فتخبرها مريم انها هى صاحبة القرار ولابد ان تستمع الى قلبها وعقلها معآ لانه قرار مصيرى لحياتها الابدية، فتستمع ندى لكلماتها وتصمت حائرة... ندى تفكر ليلا ونهارآ ، فهى ايضآ انشغلت عن المذاكرة فهى تعانى من حيرة شديدة ورفضت ان تحكى لاى شخص امرها ..
تارة تتذكر كريم وحبها الاول واجمل ايام حياتها وتارة تتذكر على وحبه لها الذى من دون مقابل والسعادة التى تراها كل يوم معه فهو عوضها حنان لم تراه من قبل. عقلها وقلبها مشغولان من تختار؟؟ وبعد مرور 4 ايام من تفكيرها الذى لاينقطع، على يقوم بدعوتها لشرب مشروب بأحد النوادى حتى يتحدث اليها ع انفراد..
. على : ندى لو عايزة ترجعيله وحاسة حياتك هتبقى احسن معاه ارجعيله ، انا فضلت 9 سنين احبك من غير ماتعرفى مافيهاش حاجة يعنى لو فضلت باقى عمرى احبك واعتبر الشهرين الى فاتو احلى حلم عيشته فحياتى..
ندى : لا ياعلى متقولش كده...صدقنى انا عمرى ماعشت احلى من الايام الى قضتها وياك...بس انا بجد عايزة اقرر قرار صح ومظلمش حد فيكم مش اكتر معلش استحملنى شوية انا فموقف وحش بردو
على : ندى انتى لو متأكده من حبك لحد فينا مكنتيش احتارتى كده كنتى هتختارى ع طول...بس انتى حد عايزاه فينا وحد بتحبيه وده الى محيرك...عالعموم انا مش مستعجل وخليكى فاكرة انى فالحالتين هبقى مبسوط عشانك انتى.
. **********************
تعود ندى الى المنزل فتخبرها والدتها انها تريد اشيائها ومقتنياتها التى لا تحتاجها حتى تتصدق بها الى الجمعيات الخيرية.. تدخل ندى لتجلب بعض الملابس والاحذية والحقائب ومن وسطهم حقيبتها التى كانت تحملها يوم مشكلتها مع كريم فتضحك لانها من يومها لم تحملها فتفتحها لترى المفاجأة...
#بقلم_نوراسماعيل
تبارك الله عليكى فعلا فنانة
ردحذفشوفى بقى يانونو الواد كريم ابو عيون زرقا دا مالوش انه يزعل من ندى او على لانه سابها من غير مايتكلم والمفروض اللى بيحب بجد يشارك اللى يحبه احزانه ومشاكله قبل افراحه فندى وعلى طبعا مغدروش بكريم زى ماهو فاكر بالعكس هو اللى غدر بندى وتسلم ايدك ياعسل على الحلقة اللذيذه دى
ردحذفلسه متعرفيش النهاية ايه .. والجزء التانى احلى بكتييييييير
حذفحاسه ان الجزء التاني هيكون في مغامرات كتير وخاصتا لكريم
ردحذف