" من جديد "
فى هذه اللحظة على يدخل من باب الشقة فيرى ندى
واقفة لاحراك لها امام التلفزيون والدموع تغرق وجهها...واغنيه كريم مذاعة امامها!!
على ينظر بدهشة لندى...لماذا تبكى ؟؟هل تذكرت كريم او مابها...
على : ندى مالك ف ايه تتفاجأ
ندى من وجود على خلفها وتقوم بمسح دموعها ...
ندى: انت جيت امتى
على: لسه داخل دلوقت...بتعيطى ليه؟
ندى: مافيش...دقيقة بس معايا فون هخلصه واجيلك
على: فون مع مين
ندى: دى هنا بتتكلم من نيس ففرنسا...ثوانى
وهحضرلك الاكل(ثم تعاود الحديث مع هنا) ايوة ياهنا معلش كنت بكلم على لسه داخل
دلوقت
هنا: لا ولا يهمك المهم بس
كنت عايزة اقولك انى جايه مصر اخر الشهر وعايزة اشوفك انتى وعلى اول ناس
ندى: تيجى بالسلامة انشاءالله ...اوك هستناكى
تنتهى المكالمة فتدخل ندى الى على الغرفة فتجده عابس الوجه ويجلس وحيدآ شارد
الذهن...
ندى: انا حضرت الاكل وحطيته
عالسفرا دلوقت يقاطعها
على بلهجة غاضبة....: كنتى بتعيطى ليه ياندى؟؟
ندى: مافيش...هنا كانت بتكلمنى وبتقولى انها
اتعلمت اخراج فجامعة السربون وكده يعنى
على: وده الى مخليكى تعيطى ...انا مش شايف انها
حاجة تدايق دى وتخليكى تعيطى
ندى: مش هى دى الحاجة الوحيدة
الى مخليانى بعيط...هنابقت مخرجة ومريم معدة برامج وسالى ماشاء الله بقت حاجة
كبيرة ومتعرفهاش لما تطلع فالتلفزيون وانت طول النهار فشركتك وانا فين من ده
كله...انا ايه بقيت ايه ولا حاجة
على: ايه الكلام الجديد ده
ياندى ...مانتى بقالك 5 سنين معايا مقولتيش يعنى انك عايزة تشتغلى
ندى: لانى سكتت كتير بس زهقت خلاص ...كان نفسى
اعمل حاجة واثبت نفسى زيكو ومعرفتش...قاعدة طول النهار فالبيت ولا شغلة ولا مشغلة
وقرفت على : قرفتى ياندى ...قرفتى من عيشتك معايا، انا بجد حاسس انى شايف واحدة
جديدة وكل ده ليه عشان مكالمة هنا وزفت
ندى: لا مش مكالمة هنا ياعلى انا الى فوقت متأخر
بأنى مليش لازمة زيهم وكانى اخدت المعهد عشان اقعد فالبيت على : طب النهاية ياندى
بقى شغل مافيش اوك وده كان شرطى معاكى م الاول وانتى وافقتى ندى تدخل الى سريرها:
انا هنام الاكل عالسفرا لو هتاكل تصبح عالخير.. على ينظر اليها بضيق ثم ينصرف من
الغرفة..
**************************
وذات يوم مريم عائده من عملها فاذ تجد يحيي يقف
بالسيارة لها ويعرض عليها ان يوصلها الى منزلها فتقبل وتركب السيارة...
يحيي: تعالى يامريم انا شفتك وانتى بتشاورى
لتاكس قلت ميصحش تروحى لوحدك وانتى زى القمر كده تتعاكسى
مريم:" تبتسم "
ميرسى يايحيي " ثم تلاحظ مريم وجود فتاة غريبة بجانبه"
يحيي: احب اقدملك يامريم شهد
زميلتى فالشغل وسكتنا وحدة بردو قلت ينوبنى فيها ثواب ههههههه (ثم يتجه الى شهد)
ودى بقى مريم جارتى العسولة الخجولة وكانت زميلة على اخويا فالمعه
د شهد: اهلا وسهلا اتشرفت
بمعرفتك ياقمر
مريم: انا اسعد
شهد: ياعم يحيي دوس بنزين
شوية بعربيتك المكسحة دى
يحيي: اهى المكسحة دى ياست
شهد هى الى خلتك متاخديش تاكسى وبعدين ادينا ماشيين بالمكسحة تغنيني عن سؤال
اللئيم
شهد: كده طيب ماشى مريم تنظر
اليهم وهى منزعجة وتظل صامته حتى وصولها للمنزل.
.
********************************
كريم... كريم يتدرب ع احد
اغانى البومه باستديو مشهور لاحد المنتجين واذ بصديقة وليد يدخل عليه ويقطع تسجيله
للاغنيه..
. وليد: كريم ف حد عايزك زى
القمر برة وانا عارفها بس قالتلى مقولكش هى مين
كريم: واحدة!! مين دى
وليد: اطلع شوفها
كريم يخرج ليجد امامه سالى ممسكة بباقة ورود
رائعة الشكل..
سالى : انا قلت لازم آجى بنفسى اهنيك ع اغنيتك
الجديده
كريم:سيفا بحالها جايه تهنينى
، ياااااااااه وحشتينى ياسالى ويقوم بعناقها
i
سالى :
ياااااااااااه ياكريم لونج تايم ....بقالنا كتير ماشوفناش بعض
كريم: بس انتى احلويتى اوى واتغيرتى كمان سالى:
ايه للاحلى ولا للاوحش؟
كريم: للاحلى طبعآ...طول عمرك زى القمر(يأخذ
منها باقة الورد) وكمان ورد عشانى
سالى: انا كان نفسى من زمان اعرف حاجة عنك بس
مكدبتش خبر اول م عرفت من مصادرى اسم المنتج الى انت متعاقد معاه جريت ع طول ع هنا
عشان اشوفك
كريم: هو بصراحة واجب عليا انا من زمان انى آجى
اهنيكى ع نجاحاتك وكليباتك الى مكسرة الدنيا بجد موديل زى القمر سالى:^_^ ميرسى
ياكريم ده من ذوقك كريم: معلش بقى كنت بدرس مانتى عارفة واول م خلصت اشتغلت ع
اغنيتى دى...بقولك ايه انا خلصت انتى وراكى حاجة تعمليها دلوقت
سالى:(مبتسمة) بالعكس انا مفضيالك نفسى
خااااااالص انهاردة كريم: امممم كده تمام تعالى نتعشى برة...استنينى 5 دقايق اجيب
حاجتى من جوة يدخل كريم فيسأله رفيقه وليد ان كان سيخرج برفقته اليوم ام لا فيخبره
انه معتذرآ ع موعده معه لانه سيخرج برفقة سيفا صديقته القديمة... وليد: طبعآ
ياسيدى الله يسهله...قعدة الراجل بميت ست لكن لما بتيجى الست..
.
كريم: بيغور ف 60 داهية الراجل...اوعى ياعم
وليد: ماااااااااااشى ماااااااااااشى ...ليلتك
بتضحك ياعم سلا
م
يخرج كريم الى سالى ويأخذ بيدها فيركبا سيارة سالى الفارهه ويذهبا الى احد
المطاعم.. واثناء تناولهم للطعام يدور بينهم حديث عن اصدقاؤهم...
سالى:بتشوف حد من العيال...انا بقالى كتييييييير
معرفش حاجة عنهم مافيش غير هنا كلمتنى مرة او مرتين من ساعة م سافرت
كريم: هنا بقى دى احسن واحدة فيكم اتجوزت وخلفت
ومنسيتش حد ، انتى عارفة ان ربنا اداها كريم ع اسمى!!
سالى:(بدهشة ونبرة غيرة) ياااااااه والله...ربنا
يخليهولها، لا اصيلة فعلا، وباقى الشباب متعرفش حاجة عنهم؟
كريم: لا عمرو شفته مرة او 2 مرة مع طارق الله
يرحمة ومرة فعزا طارق وبعدها اختفى مبقاش يبان ...ده حتى شغله قليل اوى
سالى: طب وندى وعلى؟!
كريم:(يرتبك كريم فيقف الكلام ف فمه اثناء
تناوله الطعام ويتناول كوب الماء) :احم...لا معرفش حاجة عنهم من ساعة فرحهم ...بس
تقريبآ مريم بتشتغل فمحطة فضائية كمعدة قريت اسمها اكتر من مرة وسمعت من عمرو
سالى: بس مش غريب انك تعمل اول اغنيه تنزلها
كليب هى اغنيتك لندى فالرحلة! كريم: لا مش غريب ولا حاجة...اولا انا نزلتها عشان
هى اول اغنية االفها والحنها بس عشان كده مش لاى سبب تانى سالى: امممممممم....وانت
بقى ناوى ع ايه بعد كده
كريم:(يتنهد) والله بفكر انزل الالبوم بس لسه
مخلصتش كل الاغانى ،ده غير ان الاستاذ اشرف السعيد الى انا متعاقد معاه خلانا نعمل
الكليب الاولانى من غير موديل فعايز اعمل كليب تانى وتقريبآ محملنى مسئوليه الموديل
دى انى اختارها ولسه مش عارف بقى
سالى: بص ياكريم متفكرش فحاجة ناو اهم حاجة انك
تركز فشغلك عشان تشتهر والناس تعرفك بسرعة...صحيح دى دعوة ع دفيليه بتاعى بعد بكرة
لازم تحضر شور
كريم:(يأخذ
الدعوة) اكيد...ربنا يوفقك ده احنا مش قدك ياست سيفا بقى
سالى: لا انت تقول سالى ويابت ياسالى كمان
...الى بيقولى ياسيفا الناس الى متعرفنيش لكن انت بالذات حاجة تانيه كريم: (ينظر
اليها مبتسم) اوك يابت ياسالى يضحكا ويطلب كريم المشروب بعد العشاء من الجرسون...
.
***********************
عالجانب الاخر ....ندى تجلس ببيتها حزينة وشاردة
الذهن وحينما تجد على قد وضع مفتاحه بالباب تسرع الى غرفتها وتتصنع بأنها نائمة...
يدخل على ومعه باقة كبيرة من الحلوى وكلها من الشيكولاتة الفاخرة ويتهمس بالمشى
نحو الغرفة، ثم يدخل يجد ندى نائمة فيهمس بأذنها "انا جيت ياحبيبتى...انتى
نايمة " تنهض ندى من نومها فتنظر اليه لتجده ممسكآ بالشيكولا ويعطيها
اياهم...
على:
انا مش بحب اشوفك زعلانة...جبتلك شيكولاتة عشان انتى بتحبيها وعشان انا مبقدرش
تزعلى منى اكتر من كده ندى تبتسم وتأخذ واحدة منه وتأكلها.
.
ندى: انا مش زعلانة منك انا عايزاك تفهمنى بقى...نفسى اثبت نفسى انت وبتعمل الحاجة
الى بتحبها وبترسم الاعلانات الى بتنتجها شركتك وكل حد من صحابنا عمل الى عايزه
ماعدا انا
على: امممممم هنرجع للكلام تانى، بصى ياستى نأجل
الكلام فالموضوع ده دلوقت وخلينا فالشيكولاتة ياشيكولاتة بدل م الحوسلك وشك بيها
ادينى بقولك.
.
ندى:(تضحك بصوت عالى) انا شيكولاتة !! ههههههه وهتلحوسنى كمان
على:
ايوة شيكولاتة وعسل وقمرى انا لوحدى كمان(يقبلها باحد وجنتيها)
ندى:
ياعلى سيبنى آكل الشيكولا داانت غلس اوووووووى بقى..(يرن الهاتف الخلوى لندى)
ندى: دى مريم انا هرد غريبة انها تكلمنى
دلوقت...ليكون ف حاجة
على:
انتى ع طول قلوقة كده ...افتحى وشوفى ف ايه
ندى تجيب عالهاتف: الو...ايوة يامريم
مريم:
ايوة ياندى ...سورى لو كلمتك دلوقت بس بصى بقى انا مش هنام لوحدى مشلولة...لازم حد
يشاركنى
ندى: ههههههههه اتفضلى شلينى ياستى
مريم: هتجنن ياندى اوووووى
ندى:
من ايه بس!
مريم: من يحيي...جه انهاردة وعدى عليا ووصلنى
للبيت وطول الطريق ضحك وهزار مع واحده زميلته فالشغل وانا قاعدة هطق ورا ندى: طب
وانتى ايه الى مدايقك فحاجة زى كده.
مريم:
ايوة فعلا وانا مالى ...ايه الهبل الى بعمله ده
ندى: لا استنى استنى...مريم تعاليلى بكرة ياحلوة
واعترفى مالك مستنياااكى
!!
#ايام_الضحك_والدموع_ج2
#بقلم_نوراسماعيل
عاوز اتواصل مع مريم وباذن الله الحل عندى
ردحذف01099550307
ردحذف