"جرح جديد...بقلبى!
"
فى مساء اليوم التالى ندى تقرر الذهاب لولدتها وقضاء الليلة معها لترى ماذا حل
بمريم ومالذى يشعرها بالضيق... مريم تعود من عملها فتجد ندى بالبيت ، فتفرح كثيرآ
لرؤيتها وتخبرها بأنها كانت تريدها ضروريآ بامر مهم..
.
ندى: تعالى هنا ياست مريم...ايه بقى حكاية الفون الغريب بتاع امبارح وكلامك الاغرب
مريم: امممم...بصى انا مستغربة نفسى اوى بصراحة....عمرى م حسيت الاحساس ده، بس بجد
مخنوقة وهطق
ندى:
مانا جيت بقى انهاردة عشان متطقيش...مالك بقى وايه حكاية يحيي انشاءالله
؟
مريم: هقولك ايه بس...هو انا كده بقالى فترة يحيي بيجى فدماغى...ومعرفش ليه ،
بتعجبنى شخصيته وكده، انا قلت فنفسى عادى الاول، بس بعد كده لما ركبت معاه العربية
ومعاه زميلته دى وهما شغالين يهزرو سوا وانا عاملة زى الكرنبه ورا اتخنقت.
.
ندى: اممممم...لا دى حالة حب مستعصية وفيها غيرة كمان واسألينى انا مريم: تفتكرى
ياندى اكون بحبه؟! ندى: طبعآيابنتى ...انا كنت بلاحظ ان كل مابنجبله بنوتة مكانتش
بتعجبه.
.
مريم: تفتكرى..يكون بيحبنى طيب ولا واخد باله منى؟
ندى: احنا هنقعد نفتكر كده كتير ...انا هقطع عرق
واسيح دمه
مريم:
هتعملى ايه؟ ندى: مالكيش دعوة...هجس نبضه ولو طلع معجب بيكى هتصرف بقى...
.
***********************
عالنحو
الاخر... سالى عند كريم بالاستديو تشاهده وهو يتدرب ع اغنيته...وعيناها مملوئتان
بحب عميـــــق. ينتهى تدريب كريم فتدعوه سالى بان يأتى معها لشراء بعض الملابس
الجديدة لها لقيامها بتمثيل كليب جديد مع احد المطربين.. يذهبا الى احد محلات
الملابس الشهيرة...التى تديرها رفيقتها داليا التى تسكن معها ايضآ بنفس الشقة
والتى ترافقها منذ اول عمل لسالى باول كليب منذ 3 سنوات.
سالى: داليا...احب اقدملك كريم الى حكتلك عليه
كتير
داليا: اهلا وسهلا...لا فعلا يابت ياسيفا قمر زى
م وصفتيه
كريم: ههههههه طيب متاخدنيش عالحامى كده
ياداليا...مش تستنى انا الاول ابدى اعجابى بيكى وكدا ع اساس انا الراجل وانا الى
اعاكس ههههه
داليا: لا خلاص دلوقت البنات بتعاكس الشباب عادى
جدآ ههههه
سالى: جرى ايه ياداليا هترغى كتير هتقفليه منك
كده ....جبتيلى الحاجات الى طلبتها اللبس والاكسسوريز الى عايزاهم؟
داليا: كلهم مجهزهملك...ادخلى جوه هتلاقى نهى
مستنياكى وسيبينى انا ادردش مع كريم شوية ع بال مانتى تقيسى الهدوم
سالى: اوك...عن اذنكو داليا:(متوجهه الى كريم)
انت عملت كليب قريب مش كده ولا بيتهيألى؟
كريم: اها بالظبط كده ...شكلك مالكيش
فالتليفزيون داليا: مش اوى يعنى ....بس انت بقى فاكراك عشان يوم م اتعرض الكليب
بتاعك سيفا جابتلى وش فدماغى بيك بس ع فكرة انت عالطبيعة احلى بكتير
كريم: ياااااااه هههههههه ربنا يخليكى ياستى، و
انتو بقى من زمان سوا
داليا: من 3 سنين...هى اختى وصاحبتى وكل حاجة
وانا كمان بالنسبة لها كده...انت عارف اكيد ظروفها اكتر منى....احنا كمان ساكنين
فنفس الشقة سوا ، عايزة اقولك ع سر متقولهولهاش؟
كريم:(يهمس بصوت مضحك) قولى متخافيش
داليا:(تضحك)
ملهاش سيرة غيرك طول ال3 سنين...هى حكتلى ع بقية صحابكو...بس انت بقى حاجة تانيه
لدرجة انى حسيت انى شوية وهسميها مجنونة كريم
كريم:(يتنهد
بضيق) انتى عارفة سيفا اختى الصغيرة هى اصغر منى بسنتين وكنا مع بعض فالمعهد...كنت
دايما بحسها البيبى بتاعنا بشقاوتها وحركاتها دى
داليا:
فعلا سيفا عسوله حركاتها اوى ..لاء وعليها جنان ههههههه الحاجة الى بتطلع فدماغها
بتنفذها ع طوووووووول
كريم: انتى هتقوليلى..هههههههه تخرج سالى اليهم
وتعرض الملابس واحدة تلو الاخرى ويختارو معها ماهو مناسب لها ام لا.
***********************
ندى ومريم ووالدة ندى يجلسن معا يتحدثن بالمنزل،
واذ يدخل يطرق الباب على فتفتح له الام لتجده معه يحيي ايضآ..
.
يحيي: مساء الخير ياجماعة....متجمعين عند النبى انشاءالله
الام: ههههههههه...طب كويس انك جيت
ياغلباوى....ثوانى والعشا يجهز
يحيى: لا ياطنط تعالى تعالى ....انا عايزكو كلكو
كده فحاجة مهمة....وكويس انكو كلكو قاعدين عشان اقول الخبر مرة واحدة
ندى:
خير ...قلقتنا ف ايه؟ يحيي: انا خطبت!!
ندى: ايه!! مين يحيي: البنت زميلتى الى قولتلكو
عليها...شهد يامريم الى انتى شوفتيها معايا، فاتحتها انهاردة ووافقت واخدت معاد من
باباها كمان، ايه رائيكو ف المفجأة دى؟
مريم:(الدموع تنحبس بعيونها) مفجأة حلوة...الف
مبروك هى فعلا بنوتة قمورة ولايقة عليك
ندى: واشمعنا دى يايحيي يعنى
يحبى:
اشمعنا ايه بنت وعجبانى...وطلعت هى كمان معجبة بيا يبقى ف ايه بقى
ندى: مافيش ياسيدى الف مبروك
على: الف مبروك....ومبروك عالرجالة واحد جديد
فالقفص هههههه يضحك الجميع بينما تهم بالقيام من بينهم مريم لتدخل الى غرفتها
فتلحق بها ندى
. ندى:
مريم....اوعى تزعلى ، ده نصيب ياحبيبتى مريم: (تتنهد وتسقط من عيناها دمعة) عادى
ياندى....اتعودت ع الجرح خلاص
"اضحى
بأى شئ من اجلك "
اليوم خطبة يحيي..الجميع قد حضرو بقاعة
المناسبات ذات مستوى رفيع التى اصرت العروس شهد ع حجزها... ندى ووالدتها ومريم
يجلسن بجانب بعضهن بعد ان قامو المصورين بتصوريهم مع العروسين. ندى...واضح ع وجهها
الضيق وعلى ملاحظ هذا الشئ ولكنه اخفى ان يفاتحها فى معرفة سبب ضيقها لان اليوم
خطبه اخيه الاكبر والوحيد فهو ظل يستقبل المدعوين هو ووالده وعينه ع ندى. ندى
تتحدث الى والدتها ع انفراد..
.
ندى: شايفة الهانم شهد خلت يحيي يشترى شبكة غالية ازاى؟
الام: الله هو احنا هنبتدى شغل السلايف ولا
ايه...لا ياندى انا مش مربياكى ع كده، وبعدين ممكن يحيي يزعل منك لو شافك وانت
بتحكى عن خطيبته كده
ندى: ياماما مش شغل سلايف ولا حاجة انا بردو
هغير منها...بس تنكة كده فنفسها ودمها تقيل اوووووووووى
الام:
طب اسكتى بقى عشان جوزك جاى علينا لحسن يسمعك وانتى بتتكلمى كده على يأتى عليهم
وهو مبتسم ويتحدث اليهم
على: ندى فالرقصة السلو هنرقص سوا ماشى جنب يحيي
وشهد عشان اغلس عليه زى م غلس علينا فاكرة
ندى: ماليش مزاج ياعلى والله...خد مريم ترقص
معاك
على:
خلاص لو ترضى مريم وهى مكلدمة كده من اول م بدأ الفرح مريم تنتبه اليهم ثم تبتسم
ابتسامة هادئة.
.
مريم: لا والله مش مكلدمة ولا حاجة بس مبحبش الدوشة وكده
على:
خلاص اوك هترقصى انتى معايا يامريوم عشان ندى مش راضية
مريم: هههه لا ياعم خدها هى هى مراتك
على: انتو هتحدفونى لبعض ولا ايه ...اتفقو المهم
ارقص مع واحدة فيكم واغلس ع يحيي(ثم يتوجه الى ندى ليهمس لها بأذنها) وانتى حولى
عينك شوية من على شهد مالك هتكليها ليه...ع فكرة بقى انتى احلى منها
تبيتسم ندى له،فيمسك على بيدها ويقبلها ثم يذهب
على نحو العروسان....
.
**************************
ع
الجانب الاخر ....المنتج الفنى اشرف السعيد الذى يتعامل معه كريم قد اخبر كريم
بانهم عليهم تسجيل الكليب الجديد له فى اسرع وقت وعليه ان يقوم باختيار احد فتيات
الموديلات لتشاركه العرض فيخبره كريم بانه سيفكر ويخبره... توطدت علاقة سالى وكريم
الى حد ما لدرجة انه اصبح شبه ملحوظ ل ممن حولهم و ع الاخص داليا رفيقتها التى
تسعد كلما رأت سالى سعيده معه وتقترب منه
.
ذات يوم ...اثناء احد حفلات عروض الازياء التى تشترك بها سالى او سيفا كما يدعوها
البعض ممن تعمل معهم ، يكون كريم حاضرآ معها ويشاهد عرضها. كريم ينظر الى سالى فى
كل طله لها ع مسرح العرض نظره جميلة ، ليست نظرة عاطفيه...بل نظرة تشجيع لانها قد
اثبتت حالها ف زمن قليل عن باقى رفاقه القدامى... ينتهى العرض ، فتخرج سالى الى
كريم بينما هو يتحدث مع داليا التى تنتظرها بالخارج...
داليا: ايه يابنتى اتاخرتى كده ليه؟
سالى معلش اصل كنت بلبس وبظبط الميكاب(تتوجه الى
كريم ) ايه رائيك عجبتك حاجة؟
كريم:اه عجبنى الفستان الازرق الكريستال الى
لبستيه فالدخلة ال3 كان رهيييييييب
سال:(بانزعاج) ايه ده ياخسارة...اووووف ده اتحجز
ياريتك كنت قولتلى كنت حجزته انا ع طووووول
داليا:(تنظر الى كريم وهى تضحك)
سالى:(متوجهه الى داليا بتضحكى ليه)
داليا: اصل كريم اللى حجزه!!
سالى:(تندهش
ثم تقول بنبرة غيرة) انت الى حجزتة؟!.. لمين بقى
كريم: حجزته لواحدة رخمة...هههههههههه
سالى : لا قول ياكريم حجزتة لمين...انت مصاحب من
ورايا ولا ايه؟
كريم:
مش بقول حجزته لواحدة رخمة هتكون مين غيرك ههههههه تضحك سالى فتقفز عليه وتعانقه
بينما هو لا يقوم بعناقها ويستغرب من فعلتها هذه ويضحك..
.
داليا: انزلى يابنت المجنونة احنا فالشارع
سالى:
ياحبيبى ياكوكى ربنا يخليك ليا
كريم: كوكى..!! لا اسحبى الدلع ده لحسن اولع
فالفستان.. يضحكو ثم يركبو سيارة سيفا معآ وسالى فى اسعد حالتها....
كريم اختار سالى لمرافقته بالكليب واختار موضوع
الكليب وهى ملاقاه حبيبته تحت الامطار ويقومو بالجرى تحتها وهو يغنى لها. هذه كانت
امنية ندى معه فهو تذكرها واراد تنفيذها ف اول كليب له ثنائى.. يقومو بالفعل
بالتدريب ع الاغنيه وتصوير مشاهدها لمدة 10 ايام ، وكل يوم تصوير تحت الماء مع
العلم بانهم باجواء الشتاء ولكن كريم قد اصر ع تصوير الكليب هكذا..
كريم يصاب بوعكة صحية اثناء تصوير الكليب، فهو
غير معتاد ع ذلك بينما اعتادت سالى ع هذه النوعية من التصوير فلم يحدث لها شئ..
المنتج يوقف التصوير لحين معافاة كريم من مرضه.. يلزم الفراش كريم بشقته فتجلب له
سالى ورفيقه وليد وبعض اصدقاؤه ايضا الطبيب ليخبرهم بان نظرا لمعاناته من حساسية
بصدره فالوعكة شديده عليه ولابد من ملازمة الفراش دون حراك ومتابعته اولا باول..
سالى تذهب الى شقتها وتحضر حقيبه ملابسها...فهى قررت ان تبقى مع كريم فحالته هذه
وان لا تتركه ابدآ!!
داليا:
انتى اتجننتى...عايزة تقعدى مع واحد عازب فشقته ولوحدكو؟
سالى: اولا كريم مش اى حد، ثانيآ حالته صعبه
خالص وتعبان جدآ والدكتور قال لازم حد يراعيه وانا مش هسيبه لوحده
داليا: انتى يابنتى مش خايفه من كلام الناس
سالى: طز فالناس...يعنى هى الناس كانت عملتلى ايه زمان عشان تعمل دلوقتى، داليا
انا جيت اخد هدومى وماشيه متوجعيش دماغى داليا: طيب بعد مايبقى كويس هترجعى؟
سالى : هشوف داليا: يعنى ايه هتشوفى...انتى
ضامنة تكونو اخوات يعنى وانتى مقفول عليكم باب واحدة ياختى؟!!
سالى: ولا منكونش اخوات....داليا دى فرصتى
الوحيدة انى اكون جنبه..ومش مهم لو اى حاجة خسرتها قصاد امنيتى دى!!
#بقلم_نوراسماعيل
الحلقة لذييييييييييييييييييذه جداااااااااااااااا يانونو
ردحذفجميلة جدآ ومريم وقعت خلاص
ردحذف